2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AURITZ
2020ko karga-tasak
Aurizko Udalak, 2019ko abenduaren 16an egin osoko bilkuran, 2020ko karga-tasak onartu zituen. Hona hemen:
1.–Ehuneko 0,2824ko karga-tasa jartzea hiri-lurreko ondasunen gaineko kontribuzioa ordainarazteko.
2.–Ehuneko 0,80ko karga-tasa jartzea landa-lurreko ondasunen gaineko kontribuzioa ordainarazteko.
3.–Ehuneko 3ko karga-tasa jartzea eraikuntza, instalazio eta obren gaineko zerga (EIOZ) ordainarazteko. (gutxieneko tarifa: 30 euro).
4.–1,4 indizea jartzea jarduera ekonomikoen gaineko zerga (JEZ) ordainarazteko.
5.–Hiri-lurren balio igoeraren gaineko zergari dagokionez, 2/1995 Foru Legearen 175. artikuluan ezarritako gehieneko ehunekoak aplikatzea. Karga-tasa 8,5ekoa izatea.
6.–Etxeko egur-lote bakoitzeko 30 euro-ko tasa jartzea.
Erabaki honen aurka, zuzenean, administrazioarekiko auzi-errekurtsoa aurkez dakioke Nafarroako Administrazioarekiko Auzien Jurisdikzioaren organo eskudunari, bi hilabeteko epean, argitaratzen den egunaren biharamunetik zenbatzen hasita; bestela, berraztertze-errekurtsoa aurkez dakioke, nahi izanez gero, egintza eman duen erakundeari, hilabeteko epean, hura argitaratzen denetik hasita; edo, bestela, gora jotzeko errekurtsoa aurkez daiteke, zuzenean, Nafarroako Administrazio Auzitegian, jakinarazpena jaso eta hilabeteko epean.
Auritz, 2019ko abenduaren 17a.–Alkatea, Jose Irigaray Gil.
Iragarkiaren kodea: L1916847