1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
45C/2020 EBAZPENA, apirilaren 27koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Intermalta SA enpresaren San Adriango lantokirako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
Intermalta SA enpresaren San Adriango lantokirako hitzarmen kolektiboaren testua aztertu da (kode zenbakia: 31004272011996), erregistro honetan 2019ko abuztuaren 11n sartu zena, enpresaren ordezkariek eta sindikatuen ordezkariek 2019ko uztailaren 5ean izenpetu eta 2020ko otsailaren 28an zuzenduta, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko apirilaren 27an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Intermalta SA enpresaren hitzarmen kolektiboa San Adriango lantegirako (PDFa).
Iragarkiaren kodea: F2004973
