121. ALDIZKARIA - 2020ko ekainaren 5a

1. NAFARROAKO FORU KOMUNITATEA

1.7. BESTELAKOAK

146/2020 EBAZPENA, maiatzaren 22koa, Hezkuntzako zuzendari nagusiak emana, 2020-2021 ikasturteko eskola egutegia eta ordutegia prestatzeko jarraibideak onesten dituena, hain zuzen, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduentzako Bigarren Hezkuntzako irakaskuntzetarako.

Ikusirik Antolamendu, Prestakuntza eta Kalitate Zerbitzuko zuzendariak eman txostena, 2020-2021 ikasturteko eskola egutegia prestatzeko jarraibideak onestearen aldekoa, hain zuzen, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduentzako Bigarren Hezkuntzako irakaskuntzetarako.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,

EBAZTEN DUT:

1. 2020-2021 ikasturteko egutegia eta ordutegia prestatzeko jarraibideak onestea, hain zuzen, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduentzako Bigarren Hezkuntzako irakaskuntzetarako; eranskin hauetan zehazten dira jarraibide horiek:

–I. eranskina: Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako jarraibideak.

–II. eranskina. ikastetxe publiko baimenduetan emanen diren Helduentzako Bigarren Hezkuntzako irakaskuntzetarako jarraibideak.

2. Ebazpen hau eta eranskinak Nafarroako Aldizkari Ofizialean argitaratzea.

3. Ebazpen hau eta eranskinak igortzea, behar diren ondorioak izan ditzaten, Hezkuntza Baliabideen Zuzendaritza Nagusira, Antolamendu, Prestakuntza eta Kalitate Zerbitzura, Hezkuntzako Ikuskapen Zerbitzura eta Ikastetxeetako Informazioa Kudeatzeko Bulegora.

Iruñean, 2020ko maiatzaren 22an.–Hezkuntzako zuzendari nagusia, Gil Sevillano González.

I. ERANSKINA

Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzen eskola egutegia eta ordutegia prestatzeko jarraibideak, 2020-2021 ikasturterako

1.–Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan eta ikasgeletan 2020-2021 ikasturtea 2020ko irailaren 1ean hasiko da, eta 2021eko ekainaren 30ean bukatuko.

2. Ikasturtea lau hileko bi kurtsotan banatuko da. Irakaslan guztien iraupena lauhilekoaren araberako antolaketa horri egokituko zaio.

3. Altsasu, Lizarra, Zangoza eta Tafalla aldeko ikastetxeek eta irakasle taldeek baldintza hauek beteko dituen berariazko proposamena egin beharko dute egutegirako:

a) Lauhileko bakoitzeko eskola egunen kopurua: 80, gutxienez ere.

b) Lehen lauhilekoa: klaseak ez dira irailaren 17a baino lehen hasiko, eta ez dira otsailaren 5a baino geroago bukatuko.

c) Bigarren lauhilekoa: klaseak ez dira otsailaren 11 baino lehen hasiko, eta ez dira ekainaren 21a baino geroago bukatuko.

d) Eguberrietako oporrak: abenduaren 23tik urtarrilaren 8ra bitarte, biak barne.

e) Aste Santuko oporrak: apirilaren 1etik 11ra arte, biak barne.

f) Abenduaren 22an eta martxoaren 31n goizez bakarrik izanen da eskola.

g) Jaiegunak, Nafarroako lan egutegi arruntaren arabera: urriaren 12a, abenduaren 3a, abenduaren 7a, abenduaren 8a eta maiatzaren 1a. Gainera, martxoaren 19a jaieguntzat hartuko da, printzipioz, 2021eko jaiegunen egutegi ofiziala onetsi bitarte. Egun hori, azkenean, laneguna bada, ikastetxeek eskola egutegia egokituko dute, Antolamendu, Prestakuntza eta Kalitate Zerbitzuak dagokion unean ematen dituen jarraibideak betez. Zerbitzu horrek, halaber, beharrezko jarraibideak emanen ditu aurreikusten bada beste jaiegun batek eskola egutegia aldatzen duela.

h) Hezkuntzako zaindariaren jaieguna: azaroaren 27a. Ikastetxeek zilegi izanen dute egun hori aldatzea.

i) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

j) Ezin izanen dira inolaz ere Eguberrietako eta Aste Santuko oporraldiak luzatu.

k) Aurreko ataletan jaiegun gisa adierazitako egunez gainera, ikastetxeek eta eskualdeek gehienez beste hiru egun gehiago hautatzen ahalko dituzte, bi lauhilekoetan banatuak. Egun horiek eskola egunekoak ez diren lanegun gisa hartuko dira.

4. Irailaren 1etik eskolak hasi bitarteko egunetan lan hauek eginen dituzte irakasleek: ikaskuntzaren hasierako balorazioaren (IHB) plangintza, programazio lanak, mailako lantaldeen bilerak, klaustroak eta ikasturtearen antolaketarekin zerikusia duten bestelako jarduerak.

5. Lehenengo lauhilekoaren bukaeratik bigarrena hasi bitarteko egunak lan hauetarako erabiliko dira: ikasturteak berrikusi eta ebaluatzea, ikasleak ebaluatzeko agiriak betetzea (lehenengo lauhilekokoak), sartu berri diren ikasleen ikaskuntzaren hasierako balorazioa (IHB) egitea eta bigarren lauhilekoan eginen diren prestakuntza ekintzak planifikatzea. Egun horietan, irakasleek ikastetxera edo ikasgelara joan beharra izanen dute, lan horiek egiteko.

6. Eskolak bukatu eta ekainaren 29a arte, ikasturtearen berrikusketa eta ebaluazio lanak, memoria didaktikoak, amaierako memoria eta beharrezkoak diren administrazio egintza guztiak eginen dira.

7. Ebaluazio bilkurak eta klaustroak ezin izanen dira eskola orduetan egin.

8. Egutegia onetsi ondoren, nahitaez bete beharko da Helduen Oinarrizko Hezkuntzako ikastetxe publiko eta ikasgela guztietan, eta ikastetxeko zuzendariaren eta eskualdeko irakasleen taldeko buruaren erantzukizuna izanen da hura betearaztea, eta Hezkuntzako Ikuskapen Zerbitzuari dagokio haren aplikazioa gainbegiratu eta kontrolatzea. Irakasleek nahitaez bete behar dute oinarrizko ikastetxerako onetsitako ordutegia; hau da, zerbitzuak ematen dituen udalerriren batean jaieguna baldin bada, egun hori laneguntzat hartuko da, eta irakasleak oinarrizko ikastetxera joan beharko du, zuzendariak edo taldeko buruak bidezkotzat jotzen dituen lanak egitera.

9. Ikastetxe eta ikasgela bakoitzaren egutegia iragarki-taulan ikusgai jarriko da, eta ezin izanen da aldatu Hezkuntzako Ikuskapen Zerbitzuak baimendu gabe.

2.–Ordutegia.

Helduen Oinarrizko Hezkuntzako ikastetxe eta eskualdeek aste osoan zehar banatuko dituzte prestakuntza ekintzak, astelehenetik ostiralera.

Ikastetxeak eta ikasgelak ordu-malgutasunaren printzipioari jarraikiz antolatuko dira, kasuan kasuko eskualdeko helduen prestakuntza eskaerari ahalik eta hobekien erantzuteko eta egokitzeko. Hala, behar izanez gero, jarduerak goizeko, arratsaldeko eta gaueko txandetan antolatzen ahalko dira.

3.–Salbuespenak.

Aurreko edozein apartaturen gaineko salbuespenak Hezkuntzako Ikuskapen Zerbitzuari eskatu beharko zaizkio, hark azter ditzan.

4.–Tramitazioa.

Tramitazioa egiteko, honela jokatuko da:

1. Ikastetxeetako zuzendariek, Eskola Kontseiluari entzun ondoren, eta eskualdeetako irakasleen taldeko buruek egutegirako eta ordutegirako proposamenak igorriko dituzte Hezkuntzako Ikuskapen Zerbitzura 2020ko ekainaren 17a baino lehen, EDUCA kudeaketa programaren bidez.

2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. Ikuskapen Zerbitzuaren jakinarazpen hori, orobat, “EDUCA” kudeaketa programaren euskarri informatikoaren bidez eginen zaie ikastetxeei. 2020ko ekainaren 26rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.

Ikastetxeren edo eskualdeko irakasle talderen batek bere egutegiaren proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat.

II. ERANSKINA

Ikastetxe publiko baimenduetan ematen diren Helduentzako Bigarren Hezkuntzako irakaskuntzei dagokien eskola egutegia eta ordutegia prestatzeko jarraibideak, 2020-2021 ikasturterako

1.–Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2020-2021 ikasturtea 2020ko irailaren 1ean hasiko da, eta 2021eko ekainaren 30ean bukatuko.

2. Ikasturtea lau hileko bi kurtsotan banatuko da.

3. Ikastetxeek berariazko egutegi proposamen bat prestatu beharko dute, honako baldintza hauek betez:

a) Lauhileko bakoitzeko eskola egunen kopurua: 80, gutxienez ere.

b) Lehen lauhilekoa: klaseak ez dira irailaren 11 baino lehen hasiko, eta ez dira otsailaren 3a baino geroago bukatuko.

c) Bigarren lauhilekoa: klaseak ez dira otsailaren 10a baino lehen hasiko, eta ez dira ekainaren 22a baino geroago bukatuko.

d) Eguberrietako oporrak: abenduaren 23tik urtarrilaren 8ra bitarte, biak barne.

e) Aste Santuko oporrak: apirilaren 1etik 11ra arte, biak barne.

f) Abenduaren 22an eta martxoaren 31n goizez bakarrik izanen da eskola.

g) Jaiegunak, Nafarroako lan egutegi arruntaren arabera: urriaren 12a, abenduaren 3a, abenduaren 7a, abenduaren 8a eta maiatzaren 1a. Gainera, martxoaren 19a jaieguntzat hartuko da, printzipioz, 2021eko jaiegunen egutegi ofiziala onetsi bitarte. Egun hori, azkenean, laneguna bada, ikastetxeek eskola egutegia egokituko dute, Antolamendu, Prestakuntza eta Kalitate Zerbitzuak dagokion unean ematen dituen jarraibideak betez. Zerbitzu horrek, halaber, beharrezko jarraibideak emanen ditu aurreikusten bada beste jaiegun batek eskola egutegia aldatzen duela.

h) Hezkuntzako zaindariaren jaieguna: urtarrilaren 28a. Ikastetxeek zilegi izanen dute egun hori aldatzea.

i) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

j) Ezin izanen dira inolaz ere Eguberrietako eta Aste Santuko oporraldiak luzatu.

k) Aurreko ataletan jaiegun gisa adierazitako egunez gainera, ikastetxeek edo eskualdeek gehienez beste bost egun gehiago hautatzen ahalko dituzte, bi lauhilekoetan banatuak. Egun horiek eskola egunekoak ez diren lanegun gisa hartuko dira.

4. Irailaren 1etik eskolak hasi bitarteko egunetan ikasturtearen antolaketarekin zerikusia duten jarduerak eginen dituzte irakasleek.

5. Lauhilekoen arteko eskola gabeko egunetan berariazko lan hauek eginen dira: ikasturtea berrikusi eta ebaluatzea, ikasleei arreta ematea eta erreklamazioak erantzutea, ikasleen ebaluazio agiriak betetzea (lehenengo lauhilekokoak) eta behar diren gainerako administrazio egintzak.

6. Eskolak bukatu eta ekainaren 30a arte, lan hauek eginen dira: kurtsoa berrikusi eta ebaluatzeko lanak, irakasgai bakoitzaren memoria didaktikoak, koordinazio didaktikorako departamentuen memoriak, bukaerako memoria, erreklamazioak, ikasleei arreta ematea eta behar diren administrazio egintza guztiak.

7. Ebaluazio bilkurak eta klaustroak ezin izanen dira eskola orduetan egin.

8. Egutegia, onetsi ondoren, nahitaez bete beharko dute ikastetxe guztiek; ikastetxeko zuzendariaren erantzukizuna izanen da hura betearaztea, eta Hezkuntzako Ikuskapen Zerbitzuari dagokio haren aplikazioa gainbegiratu eta kontrolatzea.

9. Ikastetxe bakoitzaren egutegia iragarki-taulan ikusgai jarriko da, eta ezin izanen da aldatu Hezkuntzako Ikuskapen Zerbitzuak baimendu gabe.

2.–Ordutegia.

Helduen Bigarren Hezkuntzako asteko eskola ordutegia 15 ordukoa izanen da bertaratzeko modalitatean, 16 ordukoa D edo A hizkuntza-ereduen kasuan, eta 10 ordukoa gehienez urrutiko modalitatean.

129/2009 Foru Aginduaren 7.4 oinarriak adierazi bezala, ikastetxeen ordutegia ordubetetik beherako eskola saioetan antolatzen bada (betiere 45 minutu baino gutxiagokoak ez), aurreko lerroaldean adierazitako asteko eskola karga betetzeko adina saio eman beharko dira.

Helduen Bigarren Hezkuntzako ikastaroetan, bertaratzeko modalitatean, ordutegia modu homogeneoan banatuko da oro har astelehenetik ostiralera.

3.–Salbuespenak.

Aurreko edozein atalen gaineko salbuespenak Hezkuntzako Ikuskapen Zerbitzuari eskatu beharko zaizkio, hark azter ditzan.

4.–Tramitazioa.

Tramitazioa egiteko, honela jokatuko da:

1. Zuzendariek, Eskola Kontseiluari entzun ondoren, egutegi eta ordutegi proposamenak bidaliko dituzte Hezkuntzako Ikuskapen Zerbitzura, 2020ko ekainaren 17an beranduenez, EDUCA kudeaketa programaren bidez.

2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. Ikuskapen Zerbitzuaren jakinarazpen hori, orobat, “EDUCA” kudeaketa programaren euskarri informatikoaren bidez eginen zaie ikastetxeei. 2020ko ekainaren 26rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.

Ikastetxeren batek bere egutegi eta ordutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskin honen 1. atalean (Egutegia) ezarritako baldintzak betetzen dituen egutegi bat.

Iragarkiaren kodea: F2005176