1. NAFARROAKO FORU KOMUNITATEA
1.7. BESTELAKOAK
133/2020 EBAZPENA, maiatzaren 18koa, Hezkuntzako zuzendari nagusiak emana, zeinaren bidez aldatzen baita Hezkuntzako zuzendari nagusiaren abenduaren 5eko 185/2019 Ebazpena (ebazpen horrek, funts publikoekin finantzatutako ikastetxe publiko eta pribatu itunduetan ikasleak onartzeko prozeduraren baitan, ondoko hauek ezarri zituen: hurbiltasun linealaren irizpidea, haren balorazioa eta aplikatuko den gehieneko distantzia, zer herritan aplikatuko den eta zein izanen den ikasleen batez besteko gehieneko erlazioa eskola unitate bakoitzeko, bai eta, horrez gain, zein diren jarraibideak, egutegia eta eskaera ereduak ere, Nafarroako Foru Komunitatean Haur Hezkuntzako bigarren zikloko eta Lehen Hezkuntzako ikasketak egiteko 2020-2021 ikasturtean).
Hezkuntzako zuzendari nagusiaren abenduaren 5eko 185/2019 Ebazpenaren bidez, funts publikoekin finantzatutako ikastetxe publiko eta pribatu itunduetan ikasleak onartzeko prozeduraren baitan, ondoko hauek ezarri zituen: hurbiltasun linealaren irizpidea, haren balorazioa eta aplikatuko den gehieneko distantzia, zer herritan aplikatuko den eta zein izanen den ikasleen batez besteko gehieneko erlazioa eskola unitate bakoitzeko, bai eta, horrez gain, zein diren jarraibideak, egutegia eta eskaera ereduak ere, Nafarroako Foru Komunitatean Haur Hezkuntzako bigarren zikloko eta Lehen Hezkuntzako ikasketak egiteko 2020-2021 ikasturtean.
Ebazpen hori 2020ko 8. Nafarroako Aldizkari Ofizialean, urtarrilaren 14koan, argitaratu zen. Ebazpenaren II. eranskinean haur eta lehen hezkuntzako ikasleak onartzeko prozesuaren egutegia ezarri zen. Egutegi hark esaten zuen, 3 urteko ikasleen matrikulari dagokionez, martxoaren 25a izango zela matrikula egiten hasteko eguna, eta matrikulatzeko epe arruntak martxoaren 27ko 14:00ak arte iraunen zuela.
Osasun Ministerioak, 2020ko martxoaren 12an, autonomia erkidego guztiei gomendatu zien euste neurri indartuak hartzeko. Hezkuntzaren esparruari dagokionez, horrek esan nahi zuen irakaskuntzako jarduera presentziala eta hezkuntza arloko jarduera osagarriak bertan behera uztea hezkuntza maila guztietan.
Horregatik, eta Nafarroako Gobernuko Osasuneko kontseilariak emandako foru aginduen ondorioz, Hezkuntzako kontseilariaren martxoaren 13ko 26/2020 Foru Agindua aldatu da, Hezkuntzako kontseilariaren martxoaren 15eko 27/2020 Foru Aginduaren bidez. 26/2020 Foru Aginduaren bidez hezkuntzaren esparruan neurriak hartu ziren koronabirusaren (COVID-19) egoeraren eta bilakaeraren ondorioz. Aldaketa horrek honako hau xedatzen du: “COVID-19ak eragindako osasun krisia kudeatzeko alarma egoera deklaratzen duen martxoaren 14ko 463/2020 Errege Dekretuaren hirugarren xedapen gehigarrian ezarritakoaren arabera, bertan behera gelditzen eta eten egiten dira Nafarroako Foru Komunitateko ikastetxe, ziklo, gradu, ikasturte eta irakaskuntza maila guztietako ikasleen aurreinskripzio- eta matrikulazio-epe guztiak”.
Lehen aipatu den bezala, COVID-19ak eragin duen osasun publikoko larrialdi egoeraren ondorioz, martxoaren 14ko 463/2020 Errege Dekretua eman zen, COVID-19aren ondoriozko osasun krisia kudeatzeko xedez alarma egoera deklaratzen duena. Aipatu errege dekretua, hirugarren xedapen gehigarrian, sektore publikoko prozedurak tramitatzeko epeak etetea eta mugaegunak bertan behera uztea xedatu du.
Aurrekoa gorabehera, hirugarren xedapen gehigarriaren 4. puntuak honako hau xedatzen du: “Deusetan galarazi gabe aurreko ataletan ezarritakoa, errege dekretu honek indarra hartzen duen unetik sektore publikoko entitateek ahalmena izanen dute alarma egoera justifikatzen duten egitateei zuzen-zuzenean lotutako egoerei buruzko prozedura administratiboei jarraipena emateko, behar bezala arrazoituta, baita, interes orokorra babesteko edo zerbitzuen oinarrizko funtzionamenduari begira, ezinbestekoak diren prozedurei ere”.
Funts publikoekin finantzatutako ikastetxe publikoetako eta pribatu itunduetako ikasleak onartzeko prozedura arautzea, haur hezkuntzako bigarren zikloko eta lehen hezkuntzako ikasketak egiteko, funtsezkotzat jotzen da interes orokorra babesteko eta oinarrizkoa da hezkuntzako zerbitzu publikoaren funtzionamenduari begira. Horregatik, alarma egoera gaur egungo agertokia kontuan hartuta, beharrezkoa da Hezkuntzako zuzendari nagusiaren abenduaren 5eko 185/2019 Ebazpenak ezartzen dituen data jakin batzuk aldatzea, hezkuntza eskubidea ziurtatzen duen Espainiako Konstituzioaren 27. artikulua zaindu eta behar bezala beteko dela bermatzeko.
Hezkuntzako Ikuskapen Zerbitzuko zuzendariak aldeko txostena aurkeztu du, Hezkuntzako zuzendari nagusiaren abenduaren 5eko 185/2019 Ebazpena aldatzeko ebazpena eman dadin.
Hori horrela, Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. Hezkuntzako zuzendari nagusiaren abenduaren 5eko 185/2019 Ebazpenaren II. eranskinean ezartzen den 3 urteko ikasleen matrikulatzeko epe arrunta aldatzea (ebazpen horrek, funts publikoekin finantzatutako ikastetxe publiko eta pribatu itunduetan ikasleak onartzeko prozeduraren baitan, ondoko hauek ezarri zituen: hurbiltasun linealaren irizpidea, haren balorazioa eta aplikatuko den gehieneko distantzia, zer herritan aplikatuko den eta zein izanen den ikasleen batez besteko gehieneko erlazioa eskola unitate bakoitzeko, bai eta, horrez gain, zein diren jarraibideak, egutegia eta eskaera ereduak ere, Nafarroako Foru Komunitatean Haur Hezkuntzako bigarren zikloko eta Lehen Hezkuntzako ikasketak egiteko 2020-2021 ikasturtean). Epe berria honela idatziko da ebazpenaren testuan:
| PROZESUA | HASIERA EGUNA | BUKAERA EGUNA |
Epe arrunta | 3 urteko ikasleen matrikula | Ekainaren 8a | Ekainaren 12a (14:00ak arte) |
2. Ebazpen hau igortzea Antolamendu, Prestakuntza eta Kalitate Zerbitzura, Eleaniztasunaren eta Arte Ikasketen Zerbitzura, Inklusio, Berdintasun eta Bizikidetza Zerbitzura, Hezkuntzako Ikuskapen Zerbitzura, Azterlan Ekonomikoen eta Nominen Zerbitzura, Hezkuntzako Azpiegituren Zerbitzura eta Nafarroako Eskolatze Batzorde Nagusira, behar diren ondorioak izan ditzaten.
3. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, alarma egoeraren deklarazioa bukatu eta hurrengo egunetik hasita hilabeteko epean.
4. Ebazpen hau Nafarroako Aldizkari Ofizialean argitaratzea.
Iruñean, 2020ko maiatzaren 18an.–Hezkuntzako zuzendari nagusia, Gil Sevillano González.
Iragarkiaren kodea: F2005004
