2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Laburpena, 2019an euskarazko udalekuetan (D eredua) parte hartzeko dirulaguntza deialdiarena
Oharra: testu osoa Dirulaguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (Identif.): 454157.
Dirulaguntzei buruzko azaroaren 17ko Lege Orokorraren 17.3b eta 20.8 artikuluetan aurreikusitakoari jarraituz, argitara ematen da deialdiaren laburpena; horren testu osoa Dirulaguntzen Datu Base Nazionalean kontsulta daiteke (http://www.pap.minhap.gob.es/bdnstrans/index), BDNS (Identifikazioa): 454157.
Lehena.–Onuradunak:
Udalerriko pertsonak, euskarazko udalekuetan parte hartu dutenak. Honako baldintza hauek bete beharko dituzte: LHko edo DBHko D ereduko ikaslea izatea (ikastetxe publiko edo ikastolan), Zizur Nagusian erroldaturik egotea udalekua irauten duen bitartean eta dirulaguntza eskatu eta ebazten den bitartean.
Bigarrena.–Xedea:
Eduki ludikoak, kiroletakoak eta/edo naturarekin harremanetan egotekoak proposatzen dituzten euskarazko udalekuak, D ereduko ikasleentzat antolatzen direnak, sortzen duen gastua hein batean finantzatzea.
Hirugarrena.–Oinarri arautzaileak:
Euskarazko udalekuetarako dirulaguntzen deialdia (D eredua). 2019. urtea.
Laugarrena.–Zenbatekoa:
2.500 euro.
Bosgarrena.–Eskabideak aurkezteko epea:
Eskabideak Zizur Nagusiko Udalaren Kultur Patronatuko Erregistro Orokorrean irailean aurkeztuko dira. Eskabideak aurkezteko epea luzaezina izango da.
Zizur Nagusian, 2019ko maiatzaren 8an.–Kultur Patronatuko burua, Pilar Toral Urquizu.
Iragarkiaren kodea: L1906337