2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARMAÑANTZAS
Enkante publikoa, larreen aprobetxamendurako
Herritarrendako zuzeneko adjudikaziorako eskabideak aurkezteko epea iraganik (2019/04/26) batere aurkeztu gabe, Udal honek ahozko posturen bidezko enkantea iragartzen du udalerri honetako larreen aprobetxamendua adjudikatzeko zortzi urteko eperako, Armañantzasko Larreen adjudikazioa eta aprobetxamendua arautzen dituen ordenantzari hertsiki jarraikiz.
Enkantearen hasierako prezioa aipatu ordenantzan ezarritako zenbatekoa izanen da (6.010,12 euro), eta gora jotzeko hainbestekoa 30,00 euro.
Enkantean parte hartzeko nahitaezkoa izanen da Mahaian jartzea larreen egungo balioaren %30, 1.803,04 euro, eskudirutan edo taloi adostuaren bidez.
Enkantea 2019ko maiatzaren 30ean eginen da, 17:00etan, Armañantzasko udaletxeko osoko bilkuren aretoan. Sesteorik izanez gero, behin betiko enkantea ekainaren 6an eginen da, 17:00etan.
Aurkeztu beharreko dokumentazioa agertzen da horretarako onetsitako baldintza-agirian eta Armañantzasko Larreen adjudikazioa eta aprobetxamendua arautzen dituen ordenantzan.
Enkantea eman gabe geldituz gero, bigarrena eta, behar bada, hirugarrena eginen dira, lehenago iragarki-taulan jendaurrean jarrita eta tasazioaren hasierako prezioa %10 eta %20 merkatuta, hurrenez hurren, ekainaren 6an eta 13an, 17:00etan.
Armañantzasen, 2019ko maiatzaren 2an.–Alkatea, David Pérez de Albéniz Crespo.
Iragarkiaren kodea: L1906077
