Iragarkia

92. ALDIZKARIA - 2019ko maiatzaren 14a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

VIANA

Akats zuzenketa, familia langile izateko izangai onartu
eta baztertuen behin-behineko zerrendan eta dokumentazioa aurkezteko errekerimendua

Ikusirik familia langile izateko bi lanpostu oposizio-lehiaketa bidez betetzeko 2018ko abenduaren 18ko 861. Dekretuaren bidez onetsitako deialdia (2019ko 20. Nafarroako Aldizkari Ofizialean argitaratu zen, urtarrilaren 30ean) eta horren 4.1 oinarrian xedatutakoaren arabera, martxoaren 8ko 264/2019 Dekretuaren bidez, izangai onartu eta baztertuen behin-behineko zerrenda onetsi zen. Zerrenda hori 2019ko 66. Nafarroako Aldizkari Ofizialean argitaratu zen, apirilaren 4an.

Bertan zenbait akats antzeman dira, eskaera batzuetan ez baita erantsi eskatzen zen dokumentazioa; zehazki, tituluei dagokiena.

Orobat, ikusi da aurkeztutako dokumentazioan ez dela erantsi 7. oinarriaren araberako autobaremazioa. Beraz, bidezkoa da hura eskatzea, epaimahaiak baremazioa egin dezan.

Horregatik guztiagatik, eta Toki Araubidearen Oinarriei buruzko Legearen 21. artikuluak ematen dizkidan eskudantziak erabiliz,

EBAZTEN DUT:

1.–Zuzentzea izangai onartu eta baztertuen behin-behineko zerrenda, 2019ko 66. Nafarroako Aldizkari Ofizialean argitaratua, apirilaren 4an, ondoko I. eranskinean xedatutakoaren arabera.

2.–Errekerimendua egitea autobaremazioa aurkeztu ez duten izangaiei hura aurkez dezaten eta, horretarako, 10 eguneko epea ematea, 7.2 oinarriaren arabera.

3.–Deialdiaren 4.2 oinarrian ezarritakoari jarraikiz, Nafarroako Aldizkari Ofizialean, Vianako Udalaren web-orrian eta iragarki-taulan argitara dadila agintzea, interesdunek aipatu zerrendaren edukiaren gaineko erreklamazioak aurkez ditzaten, argitaratu ondoko 10 egun balioduneko epean.

Vianan, 2019ko maiatzaren 7an.–Alkate udalburua, María Blanca Yolanda González García.

I. ERANSKINA

Onartuen zerrenda:

Baztertuen zerrenda: 2. oinarrian eskatutako tituluren bat ez aurkezteagatik:

Iragarkiaren kodea: L1906303