2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Laburpena, Burlatako ikastetxeetan bazkaltzeko prestazio ekonomikoen deialdi publikoarena (2019-2020 ikasturtea)
Zinegotzi ordezkariaren 2019ko apirilaren 11ko 16/2019 Ebazpenaren bidez onetsia.
Deialdiaren laburpena ematen da argitara; haren testu osoa Dirulaguntzen Datu Base Nazionalean kontsulta daiteke (http://www.pap.hacienda.gob.es/bdnstrans/GE/eu/index): DDBN (kodea): 450651.
–Onuradunak eta helburua:
Deialdi honen xedea da gizarte zerbitzuen arloetako dirulaguntzak emateko prozedura arautzea, banakako ebaluazio araubidean, Burlatan erroldaturik eta bertan bizi diren familiendako, ikasle adingabeak eskolako jantokira joan daitezen, baldin eta Haur Hezkuntzako bigarren zikloa edo Lehen Hezkuntza ikasten ari badira Burlatako ikastetxeetan.
Jantokirako dirulaguntza biztanleriaren halako sektore batendako da; ez da, beraz, biztanle guztiendako, baizik eta gizarte eta ekonomiaren aldetik egoera txarrean dauden familiendako.
–Zenbatekoa:
Gastu konputagarriak ken gastu kengarriak eta familia unitate bakoitzeko kide kopurua kontuan hartuta, familia unitate horrek jasoko du dagokion laguntzaren ehunekoa, %100etik %40ra bitartekoa, jantokirako kostu onetsiaren %95aren gainean.
–Zenbatekoa: 23111 4890000 partidan (“Eskola-jantokirako laguntzak”) 2019rako esleitutako zenbatekoa 325.000 euroko da.
–Oinarri arautzaileak: http://www.burlada.es/eu/?idioma=eu udal webgunean eta 2017ko 121. Nafarroako Aldizkari Ofizialean, ekainaren 23koan, argitaratuak.
–Eskaerak aurkezteko epea: 2019ko maiatzaren 13tik 31ra.
Irailean matrikulatutako ikasleendako epea: 2019ko irailaren 2tik 6ra.
Burlatan, 2019ko apirilaren 16an.–Gizarte Zerbitzuetako zinegotzi ordezkaria, Joseba Ginés Eleno.
Iragarkiaren kodea: L1905532
