Iragarkia

9. ALDIZKARIA - 2019ko urtarrilaren 15a

1. NAFARROAKO FORU KOMUNITATEA

1.7. BESTELAKOAK

1293/2018 EBAZPENA, abenduaren 27koa, Toki Administrazioko zuzendari nagusiak emana, Azagra eta Azkoiengo udalerrietako muga jurisdikzionaleko marra onesten duena.

Toki Administrazioko zuzendari nagusiaren maiatzaren 4ko 207/2018 Ebazpenaren bidez Azagra eta Azkoiengo udalerrietako muga jurisdikzionaleko marra (31042-31202-00 kodea) berreskuratzea eta hobekuntza geometrikoa egitea xedatu zen, eta udal horietako lan horietan laguntzeko eta lanak berresteko udal batzordeak ontzat eman ziren.

Azkoiengo Udalak eta Azagrako Udalak 2018ko ekainaren 27an eta abenduaren 11n, hurrenez hurren, egindako osoko bilkuretan onetsi zen horretarako izendatutako udal batzordeek izenpetutako akta bateratua; akta horren bidez UTM koordenatuekin zehazten dira bi udalerriak bereizten dituen muga jurisdikzionaleko marraren mugaketa puntu onartuak eta trazadura geometrikoa, dena Nafarroako Gobernuko Toki Antolamendurako Zerbitzuak 2018ko otsailaren 28an emandako txostenaren zehaztapenekin bat. Txosten hori aktan jaso da eranskin gisa.

Era berean, 2018ko azaroaren 28an San Adrianeko Udalak akta hori onartu zuen, bere udal batzordeek sinatu ondoren, udal horri dagozkion 3 udalerrien mugaketa puntuak jasoz.

Ikusirik Toki Antolamendurako Zerbitzuak 2018ko abenduaren 14an eta 2018ko abenduaren 17an emandako txosten tekniko eta juridikoa, espedientean daudenak.

Kontuan hartuta Azagrako eta Azkoiengo udalek ezarri duten mugako marraren definizioak ez dituela alteratzen udalerriak, Nafarroako Toki Administrazioari buruzko 6/1990 Foru Legearen 13. artikulutik 20. artikulura bitartekoetan ezarritako definizioen, baldintzen eta prozedurekin bat.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuak ematen dizkidaten eskudantziak erabiliz,

EBATZI DUT:

1. Azagrako eta Azkoiengo udalerrietako muga jurisdikzionaleko marra onestea, Nafarroako Gobernuko Toki Antolamendurako Zerbitzuak 2018ko otsailaren 28an emandako txostenean jasotako deskribapen geometrikoaren araberakoa. Txosten hori ebazpen honetan jaso da eranskin gisa.

2. Institutu Geografiko Nazionalari eskatzea mugako marra hori Kartografiaren Erregistro Zentralean inskribatzeko, Erreferentzia Nazionaleko Ekipamendu Geografikoan sartzeko, orain arte indarra izan duen erregistro orria eguneratu edo berrikusteko ondorioak izateko eta kasuan kasuko ziurtagiriak emateko.

3. Marra Kartografiaren Erregistro Zentralean inskribatzea lortu ondoren, Toki Antolamendurako Zerbitzuak aipatutako udalei igortzea erregistro orriaren kopia bana.

4. Ebazpen hau eta behar den dokumentazioa Lur-ondasunen Zerbitzura igortzea katastroetan behar diren lanak egin ditzan.

5. Ebazpen hau eta behar den dokumentazioa Lurraldeko Informazio Sistemen Atalera igortzea haren berri izan dezaten eta SITNAn ondorioak izan ditzan.

6. Ebazpen hau NAOn argitaratzea eta Azagrako, Azkoiengo eta San Adrianeko udaletara igortzea, bai eta Institutu Geografiko Nazionaleko Eskualdeko Zerbitzura ere.

Iruñean, 2018ko abenduaren 27an.–Toki Administrazioko Zuzendari Nagusia, Xabier Lasa Gorraiz.

ERANSKINA

Azagrako eta Azkoiengo udalerrietako muga jurisdikzionaleko marraren deskribapen geometrikoa

(31042-31202-00 kodea)

Iragarkiaren kodea: F1816082