2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Laburpena, 2018-2019 ikasturterako diru-laguntzen deialdi publikoarena, burlatarrak euskalduntzen eta alfabetatzen
aritzen diren entitateentzat
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; haren testu osoa Diru-laguntzen Datu-base Nazionalean kontsultatu daiteke (http://www.pap.minhafp.gob.es/bdnstrans/GE/eu/index): DDBN (Identifikazioa): 449882.
Deialdiaren xedea: Deialdiaren xedea: diru-laguntzak ematea, lehia irekiaren araubidea erabiliz, Burlatan erroldatuta dauden lagunak euskalduntzen eta alfabetatzen ibiltzen diren entitateei, 2018eko uztailaren 1etik 2019ko ekainaren 30era euskara ikasteko ikastaroak egiten badituzte. Onetsitako oinarriak arautzen dituen udal ordenantzaren araberakoa da deialdia, eta oinarriak 2012ko 161. Nafarroako Aldizkari Ofizialean argitaratu ziren, abuztuaren 16an.
Entitate eskatzaileek bete beharreko baldintzak:
Entitateek diru-laguntzak eskatzen ahal dituzte, eskaerak aurkezteko epea bukatzen den egunean beharkizun hauek betez gero:
Legez eratutako pertsona juridikoa izatea, dagokion elkarte erregistroan inskribatua.
Burlatan erroldatutako ikasleak izatea. Baldintza hori betetzeari uzten baldin bazaio diruz lagundutako ikastaroak iraun bitartean, Burlatan erroldatu gabe egondako denboraren arabera murriztuko da laguntza.
Izaera soziala izatea eta irabazteko asmorik ez.
Burlatako Udalarekiko zerga betebeharrak ordainduta izatea. Udalak ofizioz egiaztatuko du inguruabar hori eta behar den eginbidearen bitartez jasoko. Era berean, diru-laguntza emateko proposamena egin aurretik, ofizioz egiaztatuko da interesdunak ez duela Udal Diruzaintzari itzuli beharreko zenbatekorik.
Zein proiektutarako eskatzen den diru-laguntza, hura gauzatzeko giza baliabideak zein materialak izatea, baina diru-laguntza inoiz ez baldintza izatea hura gauzatzeko.
Bere jarduerak gauzatzeko egitura egokia izatea eta proposaturiko helburuak lortzeko behar den esperientzia eta gaitasun operatiboa frogatzea.
–Tributu arloko betebeharrak eta Gizarte Segurantzarekikoak egunean izatea. Horretarako, elkarte eta entitate eskatzaileek Foru Ogasunak edo Estatukoak, eta Gizarte Segurantzako Diruzaintza Orokorrak emandako ziurtagiriak aurkeztuko dituzte, puntu horiek, hurrenez hurren, frogatzeko.
Eskaerak non eta noiz aurkeztu:
Eskaerak eskabidearen bitartez aurkeztuko dira, eskatzaileak sinatuta eta ondoko hauek erantsita:
–IFKren fotokopia.
–Deialdi honek diruz laguntzen dituen jarduerak azaltzen dituen txostena, lortutako emaitzak baloratuta eta ikasleak, taldeak, maila, matrikulak eta parte-hartzea aipatuta.
–Diruz lagundutako jardueren gastu eta diru-sarreren balantzea.
–Burlatan erroldatuta egonik, inskribatu direnen zerrenda.
Agiri guztiak jatorrizkoak izanen dira edo kopia egiaztatuak.
Eskabideak aurkezteko epea 2019ko irailaren 1etik 30era da.
Eskaerak aurkezteko epea ezin izanen da luzatu.
Eskabideak Burlatako Udalaren Erregistro Orokorrean aurkeztuko dira (Larrainetako plaza, z. g., 31600 Burlata) edo Herri Administrazioen Araubideari eta Administrazio Prozedura Erkideari buruzko Legearen 38. artikuluan aipatu moduetako batean.
Testu honetan arautu ez den orotan, oinarri arautzaileetan ezarritakoari lotu beharko zaizkio eskatzaileak. Oinarri horiek 2012ko 161. Nafarroako Aldizkari Ofizialean, abuztuaren 16an, argitaratu ziren.
Burlatan, 2019ko apirilaren 11n.–Alkatea, José María Noval Galarraga.
Iragarkiaren kodea: L1905234
