2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OLTZA ZENDEA
Xehetasun-azterketa, Arazuriko 2. poligonoko 567. lurzatiak 576. lurzatiarekiko dituen lerrokadurak aldatzeko. Hasierako onespena
Oltza Zendeako Udaleko Gobernu Batzarrak, 2019ko apirilaren 1ean egin bilkuran, hasiera batean onetsi zuen xehetasun-azterketa, Arazuriko 2. poligonoko 567. lurzatiak 576. lurzatiarekiko dituen lerrokadurak aldatzeko, Maritxu Ariz Ciak eta Imanol Sagardoy Mendizabalek sustatua.
Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 134.5 artikuluan, 76. artikuluari dagokionez, xedatuari jarraikiz, espedientea jendaurrean egonen da hogei eguneko epean, iragarki hau Nafarroako Aldizkari Ofizialean argitaratzen denetik hasita; epe horretan, interesdunek eskura izanen dute espedientea Udalaren bulegoetan, egokiak iruditzen zaizkien alegazioak aurkez ditzaten.
Oltza Zendean, 2019ko apirilaren 3an.–Alkate udalburua, Moisés Garjón Villanueva.
Iragarkiaren kodea: L1904781
