Iragarkia

8. ALDIZKARIA - 2019ko urtarrilaren 14a

1. NAFARROAKO FORU KOMUNITATEA

1.7. BESTELAKOAK

1292/2018 EBAZPENA, abenduaren 27koa, Toki Administrazioko zuzendari nagusiak emana, Izagaondoa eta Lizoain-Arriasgoiti udalerrietako muga jurisdikzionaleko marra onesten duena.

Toki Administrazioko zuzendari nagusiaren abenduaren 29ko 781/2017 Ebazpenaren bidez Izagaondoa eta Lizoáin-Arriasgoiti udalerrietako muga jurisdikzionaleko marra (31132-31156-00 kodea) berreskuratzea eta hobekuntza geometrikoa egitea xedatu zen, eta udal horiei eskatu zitzaien lan horietan laguntzeko eta lanak berresteko udal batzordeak eratu zitzatela.

Izagaondoko eta Lizoain-Arriasgoitiko Udalak 2018ko azaroaren 13an eta azaroaren 6an hurrenez hurren, egindako osoko bilkuretan onetsi zen horretarako izendatutako udal batzordeek izenpetutako akta bateratua; akta horren bidez UTM koordenatuekin zehazten dira bi udalerriak bereizten dituen muga jurisdikzionaleko marraren mugaketa puntu onartuak eta trazadura geometrikoa, dena Nafarroako Gobernuko Toki Antolamendurako Zerbitzuak 2018ko urriaren 1ean emandako txostenaren zehaztapenekin bat. Txosten hori aktan jaso da eranskin gisa.

Era berean, 2018ko urriaren 30ean eta urriaren 31n Arangureneko eta Urroz-Villako udalek akta hori onartu zuten, haien udal batzordeek sinatu ondoren, udal horiei dagozkien 3 udalerrien mugaketa puntuak jasoz.

Ikusirik Toki Antolamendurako Zerbitzuak 2018ko abenduaren 17an eta 2018ko abenduaren 18an emandako txosten tekniko eta juridikoa, espedientean daudenak.

Kontuan hartuta Izagandoako eta Lizoain-Arriasgoitiko udalek ezarri duten mugako marraren definizioak ez dituela alteratzen udalerriak, Nafarroako Toki Administrazioari buruzko 6/1990 Foru Legearen 13. artikulutik 20. artikulura bitartekoetan ezarritako definizioen, baldintzen eta prozedurekin bat.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuak ematen dizkidaten eskudantziak erabiliz,

EBATZI DUT:

1. Izagandoko eta Lizoain-Arriasgoitiko udalerrietako muga jurisdikzionaleko marra onestea, Nafarroako Gobernuko Toki Antolamendurako Zerbitzuak 2018ko urriaren 1ean emandako txostenean jasotako deskribapen geometrikoaren araberakoa. Txosten hori ebazpen honetan jaso da eranskin gisa.

2. Institutu Geografiko Nazionalari eskatzea mugako marra hori Kartografiaren Erregistro Zentralean inskribatzeko, Erreferentzia Nazionaleko Ekipamendu Geografikoan sartzeko, orain arte indarra izan duen erregistro orria eguneratu edo berrikusteko ondorioak izateko eta kasuan kasuko ziurtagiriak emateko.

3. Marra Kartografiaren Erregistro Zentralean inskribatzea lortu ondoren, Toki Antolamendurako Zerbitzuak aipatutako udalei igortzea erregistro orriaren kopia bana.

4. Ebazpen hau eta behar den dokumentazioa Lur-ondasunen Zerbitzura igortzea katastroetan behar diren lanak egin ditzan.

5. Ebazpen hau eta behar den dokumentazioa Lurraldeko Informazio Sistemen Atalera igortzea haren berri izan dezaten eta SITNAn ondorioak izan ditzan.

6. Ebazpen hau NAOn argitaratzea eta Arangureneko, Izagaondoko, Lizoain-Arriasgoitiko eta Urroz-Villako udaletara igortzea, bai eta Institutu Geografiko Nazionaleko Eskualdeko Zerbitzura ere.

Iruñean, 2018ko abenduaren 27an.–Toki Administrazioko Zuzendari Nagusia, Xabier Lasa Gorraiz.

ERANSKINA

Izagaondoko eta Lizoain-Arriasgoitiko udalerrietako muga jurisdikzionaleko marraren deskribapen geometrikoa

(31132-31156-00 kodea)

Iragarkiaren kodea: F1816081