1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA, Ardaitzen (Erroibarren) goi tentsioko instalazio elektrikoa jartzeko aurretiazko administrazio baimena eta eraikitzeko administrazio baimena emateaz eta, zehazki, haren onura publikoa deklaratzeaz. SAT10972 espedientea.
Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da Iberdrola Distribución Eléctrica SAUren eskaera, goi tentsioko ondoko instalazio elektrikoari aldez aurreko administrazio baimena emateko, eraikitzeko administrazio baimena emateko, eta, zehazki, haren onura publikoa deklaratzeko.
a) Instalazioaren kokapena: Ardaitz (Erroibar).
b) Helburua: Ardaitz Transformazio Zentroan maniobra eta ebakitzea kentzea.
c) Ezaugarri nagusiak: euskarri berri bat jartzea, 603 zenbakikoa, “Uharte-Egues” zirkuitu bakuneko eta 13,2 kV-eko aireko linean; horrekin berekin dakar bertan dagoen LA-56 eroalea birtenkatzea 602. euskarritik 604. euskarrira.
d) Aurrekontua: 4.033,69 euro.
Onura publikoaren deklarazioak berekin du ondasunak okupatu beharra edo ukitutako eskubideak eskuratu beharra, eta presako okupaziora behartuko du, ondorioak izan ditzan Desjabetzeari buruzko Legearen 52. artikuluak. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraituz.
Espedientea jendaurrean egonen da Energiaren, Meatzaritzaren eta Industria Segurtasunaren Zerbitzuan, interesdunek azter dezaten eta, bidezko bada, idatziz egin ditzaten egoki iruditzen zaizkien alegazioak, aholkuak eta ohartarazpenak, 20 egun balioduneko epean iragarki hau Nafarroako Aldizkari Ofizialean argitaratu eta biharamunetik hasita.
Iruñean, 2019ko apirilaren 3an.–Azpiegitura Energetikoen Ataleko burua. Energiaren, Meatzaritzaren eta Industria Segurtasunaren Zerbitzuko zuzendariaren ordezkoa (Industriaren, Energiaren eta Berrikuntzaren zuzendari nagusiaren azaroaren 30eko 167/2017 Ebazpenaren bidez, 2017ko 240. Nafarroako Aldizkari Ofizialean argitaratua, abenduaren 18koan). Laura Larraya Irigoyen.
EUSKARRI BERRIA, 603 ZENBAKIKOA, “UHARTE-EGUES” ZIRKUITUKO 13,2 kV-EKO AIREKO LINEAN, ARDAIZKO 19. POLIGONOKO
213. ETA 214. LURZATIETAN, ERROIBARKO UDAL-MUGARTEAN (NAFARROA) Ukitutako ondasun eta eskubideen zerrenda |
TITULARRA/K | UKIPENAK | KATASTROKO DATUAK | OHARRAK |
Euskarriak | Pol. | Lurz. | Lur mota |
unit. | m² | Zk. |
Isidora Huarte Egozkue andrearen oin. Santiago Karrika, 2 31700 Elizondo (Nafarroa) | 0,5 | 5,78 | 603 | 19 | 213 | Belardia | Zortasuna |
Martina Larrea Garralda andrea Nafarroako Pertsona Helduak Tutelatzeko Fundazioa Abejeras kalea, 1, atzealdea. 31007 Iruña (Nafarroa) | 0,5 | 5,78 | 603 | 19 | 214 | Belardia | Zortasuna |
Dominica Larrea Garralda andrearen oin. Helbide ezezaguna |
LABURDURAK: –Pol: poligonoa. Lur.: lurzatia. Un.: Unitateak. |
Iragarkiaren kodea: F1904856
