2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERIAIN
Laburpena, kirol jarduerak antolatzeko eta egiteko
dirulaguntzen deialdiarena. 2019. urtea
Oharra: testu osoa Dirulaguntzen Datu Base Nazionalean kontsulta daiteke (http://www.pap.hacienda.gob.es/bdnstrans/GE/eu/index). DDBN (identifikazioa): 446006.
2019ko martxoaren 7ko osoko bilkuran hartutako erabakia.
Lehena.–Onuradunak:Laguntza hauen onuradunak izan ahalko dira egoitza soziala Beriainen duten tokiko kirol elkarte eta klubak, Elkarteen Udal Erregistroan inskribatuta egonik deialdi honen xedearen barneko jarduerak egiten dituztenak.
Bigarrena.–Xedea:
Deialdi honen xedea da Beriaingo herritarren kirol jarduerak sustatzeko eta laguntzeko dirulaguntzen araubidea ezartzea, banakako zein taldeko modalitateetan:
Dirulaguntzen eta/edo hitzarmenen xede izan daitezkeen ekintzak:
1. Oinarrizko kirola: 18 urtetik beherako kirolariei zuzendutako modalitateak, kirol arloko ikaskuntzan eta lehiaketan hasi nahi duten udalerriko haur eta gazteendako eta, orobat, elkartegintza sustatzeko.
2. Kirolariak bakarka: kirolari federatuen parte-hartzea kasuan kasuko federazioek antolaturiko Estatuko eta nazioarteko lehiaketa ofizialetan.
Dirulaguntza, gehienez: 300,00 euro kirolari bakoitzeko.
3. Kirol ikuskizunak eta jarduera bereziak: kirol jardunaldiak, herri txapelketak, hitzaldiak.
4. Kirol amateurra: 18 urtetik gorako kirolariendako, taldeko kiroletan.
Hirugarrena.–Oinarri arautzaileak: 2019ko martxoaren 7ko osoko bilkuran hartutako erabakia.
http://www.beriain.es/convocatoria-subvenciones-cultura-y-deporte-2019/
Laugarrena.–Zenbatekoa:
Aurrekontuko zuzkidura 10.000,00 eurokoa da.
- 9.000,00 euro oinarrizko kirola eta amateurra.
- 1.000,00 Kirolariak bakarka eta Kirol ikuskizunak eta jarduera bereziak.
Laguntzaren zenbatekoak ez du behin ere gaindituko jarduerak onuradunari eragiten ahal dion defizita.
Eskaerak aurkezteko epea: 20 egun baliodun, deialdiaren laburpen hau Nafarroako Aldizkari Ofizialean argitaratu eta biharamunetik hasita.
Beriainen, 2019ko martxoaren 25ean.–Alkate udalburua, José Manuel Menéndez González.
Iragarkiaren kodea: L1904178