2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARINOAIN
Hiri-jarduketarako plan berezia Zurialdea kaleko 10ean
(2. poligonoko 730. lurzatia). Hasierako onespena
Garinoaingo Udaleko Alkatetzaren martxoaren 22ko 27/2019 Ebazpenaren bidez, hasiera batean onetsi da Hiri-jarduketarako plan berezia Garinoaingo Zurialdea kaleko 10ean (2. poligonoko 730. Lurzatia); Ana Irisarri Arricibitak sustatu du eta Juan Carlos Artieda Barandalla arkitektoak 2019ko otsaileko datarekin prestatu, ikus-onetsirik gabe.
Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 72. artikuluan xedatuari jarraikiz, espedientea jendaurrean egonen da hilabetean, iragarki hau Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen.
Garinoainen, 2019ko martxoaren 22an.–Alkateordea, Rebeca Lecumberri Militino (martxoaren 5eko 22/2019 Ebazpenaren bidez eskuordetua).
Iragarkiaren kodea: L1904093
