2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOZAR
Lankidetza proiektuak 2019ko eta 2020ko urteetan diruz laguntzeko deialdia
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.eu/bdnstrans/index): DDBN (kodea): 445091.
1.–Deialdiaren xedea eta helburua.
Ondokoa dugu deialdi honen xedea:
Diru-laguntzak emanda, “Herri pobretuetan edo garapen bidean direnetan” gauzatuko diren proiektuak kofinantzatzea. Proiektu horien helburua izanen da tokian tokiko giza garapena sustatzea hainbat arlotan: hezkuntza, prestakuntza, osasuna, berdintasuna, etxebizitza, giza eskubideen defentsa, garapen ekonomikoa edo herrietako edo hirietako komunitateendako azpiegiturak, komunitateek eta horien ordezkariek zuzeneko parte hartzea dutelarik proposatu, kudeatu eta gauzatzean eta, orobat, arreta berezia ematen dietelarik ingurumenaren gaineko eraginari eta baliabide naturalen erabilera iraunkorrari.
2.–Entitate eskatzaileak.
Deialdi honetako diru-laguntzak jaso nahi dituzten entitate, erakunde edo elkarteek ondoko baldintza hauek bete behar dituzte:
a) Pertsona juridikoak izatea, legeari jarraikiz eratuak eta Berriozarko Elkarteen Udal Erregistroan edo Garapenerako Lankidetzarako Agentzia Espainiarraren Garapenerako Gobernuz Kanpoko Erakundeen Erregistroan inskribatuak egotea, eta dokumentazioa eguneraturik edukitzea.
b) Irabazi-asmorik ez izatea.
c) Estatutuetan edo aurreko urteetako jarduera memorietan adieraziko da berariazko helburu hau duela: garapenerako lankidetzarekin eta herrien arteko elkartasuna sustatzearekin ikustekoa duten jarduerak egitea.
d) Nafarroan edukitzea egoitza soziala edo delegazio bat.
e) Nafarroako Foru Komunitatean jardutea, lankidetzako programak edo giza laguntzakoak kudeatzen, edo Hegoaldeko herrialdeen egoeraren inguruko sentsibilizazioa sustatzen. Hori frogatzeko, azken urtean Berriozarren eta Nafarroan egindako jardueren dokumentazioa aurkeztuko dute..
f) Bere helburu sozialak bete ahal izateko egitura egokia izatea eta proposaturiko helburuak lortzeko behar den esperientzia eta gaitasun operatiboa frogatzea.
g) Foru Ogasunari eta Berriozarko Udalari ordaindu beharreko zergak ordainduak izatea.
h) Ahalik eta proiektu gehien laguntzeko helburuari begira, Berriozarko Udalak garapenerako lankidetza proiektuen kontu-sailean banatu beharreko zenbatekoaren %20a erabiliko du, gehienez ere, proiektu bakoitza finantzatzeko.
i) Ahal den neurrian, aurkezten diren agiriak formatu digitalean ere aurkeztuko dira.
Deialdi honetatik kanpo geratzen dira ondoko hauek:
a) Irabazi asmoa duten enpresak edo beste entitate batzuk.
b) Berriozarko Udalaren aurreko deialdietan diru-laguntza lortu zuten GGKE edo elkarteak, baldin eta azken urtean ez badituzte jarraipen txostenak aurkeztu (deialdi honetan proiektuak aurkezteko epea bukatzen den eguna kontuan hartuta), eta ez badute behar bezala jakinarazi eta arrazoitu.
c) Azken 12 hilabeteetan Nafarroan jardunik izan ez duten GGKE edo elkarteak (deialdi honetan diru-laguntza eskaerak aurkezteko epea bukatzen den eguna kontuan hartuta). Hau da, epe horretan Nafarroan sentsibilizazioaren, laguntza humanitarioaren edo lankidetzaren esparruan izandako jardun publikoa agirien bidez frogatzen ez dutenak; ez da jarduntzat hartzen hedabideetan agertze soila edo inoizka artikuluak edo elkarrizketak argitaratzea.
d) Aurreko hiru urteetako deialdietan, aurkeztutako proiektuetako konpromisoak bete ez dituzten GGKEak.
3.–Eskaerak aurkeztea.
Deialdian parte hartzeko eskabideak Berriozarko Udalaren Auzo Bulegoan aurkeztu beharko dira (Euskal Herria plaza, 1), deialdi hau Nafarroako Aldizkari Ofizialean argitaratu eta biharamunetik hasita 30 egun naturaleko epean (azken eguneko 14:00 arteko epea izango da); edo azaroaren 26ko Herri Administrazioen Araubide Juridikoari eta Administrazio Prozedura Erkideari buruzko Legearen 38.4 artikuluan ezarritako bideen arabera egin ahal izango da (kasu horretan, bideratutako eskabidearen berri eman beharko zaio Berriozarko Udalari helbide elektroniko honen bidez: berriozar@berriozar.es). Eskabidea posta bulego batean aurkeztea erabakitzen bada, gutun-azal ireki batean egingo da, Postako langileek eskabideari data eta zigilua jarri ahal izateko, ziurtatu aurretik.
Era berean, eskabidea telematikoki aurkeztu ahal izango da Berriozarko Udalaren Erregistro Orokor Elektronikoaren bidez, Berriozarko Udalaren egoitza elektronikoan (www.berriozar.eus).
Berriozarren, 2019ko martxoaren 13an.–Alkatea, Raúl Maiza González.
Iragarkiaren kodea: L1903912
