1. NAFARROAKO FORU KOMUNITATEA
1.7. BESTELAKOAK
909/2019 EBAZPENA, martxoaren 20koa, Hezkuntza Departamentuko Giza Baliabideen Zerbitzuko zuzendariak emana, zeinaren bidez zuzentzen baita organo berak otsailaren 21ean emandako 680/2019 Ebazpenean atzemandako akatsa. 680/2019 Ebazpen horren bidez onetsi ziren irakaskuntza ez-unibertsitarioko irakasle funtzionarioei behin-behineko destinoak, praktiketakoak eta zerbitzu eginkizunetakoak esleitzeko jarraibideak, zuzendaritza-karguen izendapena egiteko arauak eta irakasleen lanaldiaren murrizketak eskatzeko prozedura, 2019-2020 ikasturterako.
Akatsa atzeman da Hezkuntza Departamentuko Giza Baliabideen Zerbitzuko zuzendariak otsailaren 21ean emandako 680/2019 Ebazpenean, zeinaren bidez onetsi baitziren irakaskuntza ez-unibertsitarioko irakasle funtzionarioei behin-behineko destinoak, praktiketakoak eta zerbitzu eginkizunetakoak esleitzeko jarraibideak, zuzendaritza-karguen izendapena egiteko arauak eta irakasleen lanaldiaren murrizketak eskatzeko prozedura, 2019-2020 ikasturterako.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluaren arabera, “administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak.”
Adierazitako guztiagatik, Unibertsitateen eta Hezkuntza Baliabideen zuzendari nagusiak martxoaren 7an emandako 183/2017 Ebazpenaren bidez eskuordeturik ditudan ahalmenak erabiliz,
EBATZI DUT:
1. Hezkuntza Departamentuko Giza Baliabideen Zerbitzuko zuzendariak otsailaren 21ean emandako 680/2019 Ebazpenean atzemandako akatsa zuzentzea. Ebazpen horren bidez onetsi ziren irakaskuntza ez-unibertsitarioko irakasle funtzionarioei behin-behineko destinoak, praktiketakoak eta zerbitzu eginkizunetakoak esleitzeko jarraibideak, zuzendaritza-karguen izendapena egiteko arauak eta irakasleen lanaldiaren murrizketak eskatzeko prozedura, 2019-2020 ikasturterako.
Zazpigarren oinarrian, 7.3 apartatuan, honako hau dioen tokian:
“Adingabeko seme edo alaba bat zaintzen duten irakasle funtzionarioek zerbitzu eginkizunak eskatzen ahalko dituzte, semea edo alaba 2014ko abenduaren 31tik aurrera jaio bada (...)”.
Honako hau behar du:
“Adingabeko seme edo alaba bat zaintzen duten irakasle funtzionarioek zerbitzu eginkizunak eskatzen ahalko dituzte, semea edo alaba 2015eko abenduaren 31tik aurrera jaio bada (...)”.
2. Ebazpen hau igortzea Hezkuntza Departamentuko Idazkaritza Tekniko Nagusira, Giza Baliabideen Zerbitzuko Deialdien Atalera eta Kudeaketa Juridiko-administratiboaren Atalera, behar diren ondorioak izan ditzan.
3. Ebazpen hau Nafarroako Aldizkari Ofizialean argitara dadila agintzea.
Iruñean, 2019ko martxoaren 20an.–Giza Baliabideen Zerbitzuko zuzendaria, Francisco Javier Iglesias Álvarez.
Iragarkiaren kodea: F1904033
