1. NAFARROAKO FORU KOMUNITATEA
1.7. BESTELAKOAK
77/2019 EBAZPENA, otsailaren 13koa, Hezkuntzako zuzendari nagusiak emana, jarraibideak ematen dituena Gizartean, Hezkuntzan eta Lan Munduan Txertatzeko Programa (PISEP), Nafarroako Foru Komunitatean bakarrik dauden adingabe atzerritarrei zuzendua, lorezaintzako lanbide profilari dagokionez nola antolatuko den eta nola funtzionatuko duen arautzeko.
Hezkuntzako zuzendari nagusiak emandako otsailaren 6ko 59/2019 Ebazpenak jarraibideak onetsi ditu Gizartean, Hezkuntzan eta Lan Munduan Txertatzeko Programa (PISEP), Nafarroako Foru Komunitatean bakarrik dauden adingabe atzerritarrei zuzendua, nola antolatuko den eta nola funtzionatuko duen modu esperimentalean arautzeko.
Ikusita bakarrik dauden adingabe atzerritar ugari iristen ari direla, egokitzat jotzen da gure Komunitatean modu esperimentalean onetsitako Gizartean, Hezkuntza eta Lan Munduan Txertatzeko Programan parte hartzeko aukera ematea adingabe horiei, gizartean eta lan munduan txerta daitezen, aipatutako 59/2019 Ebazpenak ezartzen dituen baldintzetan.
Kasu honetan, Programaren xedea da adingabeei funtsezko gaitasunak ematea eta lorezaintzaren esparruarekin lotura duten lanbide gaitasunak ematea eta eguneratzea; betiere lankidetza eta elkartasun balioak garatuz, lanbide gaikuntza ahalbidetuz eta adingabeei esperientzia arrakastatsuak emanez.
Horregatik, beharrezkoa da Hezkuntza Departamentuak programa honetan esku hartzea, garatu beharreko neurrietako baten helburua izan dadin pertsona horiei lorezaintzako lanbide profilarekin lotutako gaitasunak ematea, gizartean eta lan munduan txertatzen laguntzeko. Eskubide Sozialen Departamentuak finantzatuko ditu gastu guztiak.
Lanbide Heziketaren Zerbitzuko zuzendariak aldeko txostena aurkeztu du jarraibideak onesteko Gizartean, Hezkuntzan eta Lan Munduan Txertatzeko Programa (PISEP), bakarrik dauden adingabe atzerritarrei zuzendua, nola antolatuko den eta nola funtzionatuko duten arautzeko Iruñeko Nekazaritza eta Basogintzako Ikastetxe Integratuan, eta onesteko Programari dagokion gastua, Eskubide Sozialen Departamentuak finantzatuko duena.
Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz,
EBATZI DUT:
1. Jarraibideak onestea Gizartean, Hezkuntzan eta Lan Munduan Txertatzeko Programa (PISEP), bakarrik dauden adingabe atzerritarrei zuzendua, lorezaintzako lanbide profilari dagokionez nola antolatuko den eta nola funtzionatuko duen arautzeko. 1. eta 2. eranskinetan jasota daude.
2. Onestea Programa horri lotutako gastua, guztira 41.598,67 eurokoa, 2019ko gastuen aurrekontuko partida hauen kargura:
400000 41000 1220 322000, Aldi baterako kontratatutako langileen ordainsariak: 31.230,23 euro.
400000 41000 1600 322000, Gizarte Segurantza: 10.368,44 euro.
3. Ebazpen hau eta eranskinak honako hauei igortzea, behar diren ondoriok izan ditzan; Gizarteratzeko eta Babes Sozialerako Zuzendaritza Nagusia, Errealitate Sozialaren Behatokiaren eta Gizarte Politiken Plangintzaren eta Ebaluazioaren Zuzendaritza Nagusia, Nafar Lansare-Nafarroako Enplegu Zerbitzua, Lanbide Heziketaren Zerbitzua, Antolamenduaren, Orientazioaren eta Aukera Berdintasunaren Zerbitzua, Hezkuntzako Ikuskapen Zerbitzua, Ebaluazioaren, Kalitatearen, Prestakuntzaren eta Bizikidetzaren Zerbitzua, Eleaniztasunaren eta Arte Ikasketen Zerbitzua, Baliabide Ekonomikoen Zerbitzua, Giza Baliabideen Zerbitzua, Hezkuntzako Azpiegituren Zerbitzua, Hezkuntzako Teknologien eta Informazio Sistemen Zerbitzua eta Aurrekontuen eta Kudeaketa Ekonomikoaren Atala.
4. Ebazpen hau Nafarroako Aldizkari Ofizialean argitara dadila agintzea.
Iruñean, 2019ko otsailaren 13an.–Hezkuntzako zuzendari nagusia, Roberto Pérez Elorza.
1. ERANSKINA
Gizartean, Hezkuntzan eta Lan Munduan Txertatzeko
Programaren (PISEP) ezaugarri nagusiak
1. Lorezaintzaren lanbide esparruan garatutako programaren ezaugarri nagusiak.
Aplikatzekoak dira Hezkuntzako zuzendari nagusiak emandako otsailaren 6ko 59/2019 Ebazpenaren 1. eranskinean jasotako jarraibide eta neurri guztiak (Ebazpenak jarraibideak ematen ditu Gizartean, Hezkuntzan eta Lan Munduan Txertatzeko Programa (PISEP), Nafarroako Foru Komunitatean bakarrik dauden adingabe atzerritarrei zuzendua, nola antolatuko den eta nola funtzionatuko duen modu esperimentalean arautzeko), ebazpen honetan aurreikusitako programa garatuko duen ikastetxeari dagozkionak izan ezik.
2. Gizartean, Hezkuntzan eta Lan Munduan Txertatzeko Programa Lorezaintzako lanbide profilari dagokionez ezarriko duen ikastetxea.
PISEP emateko baimena izanen du ikastetxe publiko honek:
Iruñeko Nekazaritza eta Basogintzako IB.
2. ERANSKINA
Curriculumerako erreferentzia
Aplikatzekoak dira Hezkuntzako zuzendari nagusiak emandako otsailaren 6ko 59/2019 Ebazpenaren 1. eranskinean jasotako jarraibide eta neurri guztiak (Ebazpenak jarraibideak ematen ditu Gizartean, Hezkuntzan eta Lan Munduan Txertatzeko Programa (PISEP), Nafarroako Foru Komunitatean bakarrik dauden adingabe atzerritarrei zuzendua, nola antolatuko den eta nola funtzionatuko duen modu esperimentalean arautzeko), 1. mailako gaitasun unitateei lotutako moduluen curriculumeko erreferentziari dagozkionak izan ezik.
1. 1. mailako gaitasun unitateei lotutako moduluen curriculumeko erreferentzia.
Hauek dira PISEPeko lorezaintzako lanbide profilari lotutako erreferentziazko profesionaltasun ziurtagiria eta gaitasun unitateak:
Erreferentziako lanbide kualifikazioa: Haztegi, lorategi eta lorezaintza zentroetako zeregin lagungarriak, gaitasun unitate hauekin:
–UC0520_1: haztegi eta lorezaintza zentroetan landareak ekoizteko eta mantentzeko zeregin lagungarriak egin.
–UC0521_1: Lorategiak, parkeak eta berdeguneak instalatzeko zeregin lagungarriak egin.
–UC0522_1: Lorategiak, parkeak eta berdeguneak mantentzeko zeregin lagungarriak egin.
Gaitasun unitateei dagozkien moduluen ordu egitura ikasgelako programazioetan zehaztuko da.
Iragarkiaren kodea: F1902206
