1. NAFARROAKO FORU KOMUNITATEA
1.7. BESTELAKOAK
19E/2019 EBAZPENA, otsailaren 1ekoa, Ekonomia Zirkularraren eta Uraren Zerbitzuko zuzendariarena, Agropecuaria Savao SLren funtzionamendu baldintzen aldaketari buruz.
Xedea | Funtzionamendu baldintzen aldaketa |
Nori zuzendua | Agropecuaria Savao SL |
Espediente mota | Ingurumen baimen integratuaren ofiziozko aldaketa |
Espedientearen kodea | 0001-0121-2018-000065 | Hasiera eguna | 2018/11/23 |
Sailkapena | Martxoaren 22ko 4/2005 Foru Legea | 2B / 9.1.c) |
Abenduaren 16ko 1/2016 LED | 9.3.b) |
Azaroaren 24ko 2010/75/EB Zuzentaraua | 6.6.b) |
Instalazioa | Zerri gizendegia |
Titularra | Agropecuaria Savao SL |
Zentroaren zenbakia | 3106509004 |
Kokapena | 2. poligonoa, 26. lurzatia |
Koordenatuak | UTM-ETRS89,30N eremua, x: 609.000,000 eta y: 4.691.308,824 |
Udalerria | Caparroso |
Aldaketak | 275E-2014 Ebazpenaren aldaketa puntualak |
Instalazio horrek badu ingurumen baimen integratua, Ingurumenaren zuzendari nagusiak otsailaren 3ko 198/2005 Ebazpenaren bidez emana, gero Ingurumenaren eta Uraren zuzendari nagusiaren 275E-2014 Ebazpenaren bidez aldatua.
2018ko ekainaren 29an, Ekonomia Zirkularraren eta Uraren Zerbitzuko teknikariek ikuskapena egin zuten instalazio horretan, eta egiaztatu zuten ingurumen baimen integratuak ez dituela zehaztasunez jasotzen benetako funtzionamendu baldintzak. Zehazki, gizendegi gisa erabiltzen diren hiru nabeek parriladura osoa dute, eta ez partziala; sorgailuaren potentzia elektrikoa baimenean adierazitakoa baino handiagoa da; eta komunean eta dutxan sortutako hondakin urak minda putzura joaten dira, isuri beharrean.
Funtzionamenduaren benetako baldintzak bat datoz instalazioaren ingurumen funtzionamendu egokiarekin eta teknika erabilgarri onenen aplikazioarekin.
Kasu honetan, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 27. artikuluko d) letran aurreikusitako inguruabarrak gertatzen direla ikusi da, eta, horrenbestez, bidezko da ingurumen baimen integratuan ezarritako baldintzak ofizioz aldatzea, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 28. artikuluan aurreikusitako administrazio prozedurarekin bat, eta ez da bidezkotzat jo aldaketa-espediente hau jendaurrean jartzea.
Ebazpenaren proposamena instalazioaren titularrari entzunaldia emateko tramitean egon da hogeita hamar egunez, eta ez du proposamenaren aurkako alegaziorik aurkeztu.
Adierazitakoarekin bat, eta Ingurumeneko eta Lurraldearen Antolamenduko zuzendari nagusiak urriaren 4an emandako 760/2016 Ebazpenaren bidez eskuordetuak ditudan eskumenak erabiliz, honako hau
EBATZI DUT:
Lehena.–Caparrosoko udal-mugartean dagoen zerri gizendegiaren ingurumen baimen integratua ofizioz aldatzea, ebazpen honen eranskinean zehaztutako aldaketen arabera. Hortaz, instalazioak eta jarduerak berak ingurumen baimen integraturako lehendik tramitatutako administrazio espedienteetan ezarritako baldintzak bete beharko dituzte, eta, horiez gainera, ebazpen honen eranskinean adierazitako baldintzak eta neurriak. Instalazioaren titularra Agropecuaria Savao SL da.
Bigarrena.–Ebazpen honetan jasotzen diren baldintzak ez betetzeak ingurumeneko diziplina neurriak hartzea ekarriko du, hain zuzen ere, Kutsaduraren Prebentzio eta Kontrol Integratuari buruzko Legearen testu bateginaren (abenduaren 16ko 1/2016 Legegintzako Errege Dekretuaren bidez onetsia) IV. tituluan jasotakoak, ezertan galarazi gabe sektoreko legerian ezarritakoa, aplikagarri izanen baita, eta horren osagarri, Ingurumena Babesteko Esku-hartzeari buruzko martxoaren 22ko 4/2005 Foru Legearen VI. tituluan ezarritako zehapen araubidean jasotakoak.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta interesa dutenek, administrazio publikoek izan ezik, gora jotzeko errekurtsoa paratzen ahal dute, Landa Garapeneko, Ingurumeneko eta Toki Administrazioko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik hasita kontatuko dira.
Bosgarrena.–Ebazpen hau Agropecuaria Savao SLri eta Caparrosoko Udalari igortzea, behar diren ondorioak izan ditzan.
Iruñean, 2019ko otsailaren 1ean.–Ekonomia Zirkularraren eta Uraren Zerbitzuko zuzendaria, César Pérez Martín.
Oharra: ebazpen honetan aipatzen diren eranskinak interesdunen eskura egonen dira Ingurumeneko eta Lurraldearen Antolamenduko Zuzendaritza Nagusiaren bulegoetan (González Tablas kalea 9, behea, Iruña), Ekonomia Zirkularraren eta Uraren Zerbitzuan, bai eta Nafarroako Gobernuaren webgune honetan ere: http://www.navarra.es/home_es/Temas/Medio+Ambiente/Evaluacion+ambiental/Autorizaciones+ambientales/.
Iragarkiaren kodea: F1901482