1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA, Juan Carlos Laboreo Vielak jarria AFAPNA sindikatuaren izenean eta hura ordezkatuz, Hezkuntza Departamentuko Giza Baliabideen Zerbitzuko zuzendariak urtarrilaren 22an emandako 260/2019 Ebazpenaren aurka.
Iragarki honen bidez aditzera ematen da Juan Carlos Laboreo Viela jaunak, AFAPNA sindikatuaren izenean eta hura ordezkatuz, gora jotzeko errekurtsoa jarri duela Hezkuntza Departamentuko Giza Baliabideen Zerbitzuko zuzendariak urtarrilaren 22an emandako 260/2019 Ebazpenaren aurka, zeinaren bidez aldatu baitzen apirilaren 4ko 1156/2018 Ebazpena; ebazpen haren bidez onetsi zen Nafarroako Foru Komunitateko Administrazioaren kudeaketa esparruko lanpostuetan maisu-maistren kidegoan sartzeko hautapen prozedura eta maisu-maistren kidegoko karrerako funtzionarioek kidego horretan espezialitate berriak eskuratzeko prozedura, deialdian sartzen diren espezialitateak eta lanpostu kopurua handitzeko.
Horiek horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. artikuluan xedatutakoari jarraikiz, interesdunak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean, Hezkuntza Departamentuaren Erregistroan aurkeztuz (Iruñeko San Domingo aldapa z.g.) edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Aurkeztutako errekurtsoaren kopia interesdunen eskura dago Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2019ko martxoaren 11n.–Kudeaketa Juridiko-administratiboaren Ataleko burua, Antonio Iriarte Moncayola (Hezkuntzako kontseilariaren abenduaren 1eko 109/2017 Foru Aginduaren arabera).
Iragarkiaren kodea: F1903548
