1. NAFARROAKO FORU KOMUNITATEA
1.7. BESTELAKOAK
18/2019 EBAZPENA, urtarrilaren 31koa, Unibertsitateen eta Hezkuntza Baliabideen zuzendari nagusiak emana, Perkusioa eta Trikitia espezialitateak Musika eta Dantza Eskolen Berariazko Erregistroan inskribatzen dituena, Ezkarozeko “Valle de Salazar” Musika Eskolak eman ditzakeen ikasketen atalean.
Ikusirik Zaraitzuko Ibaxaren Batzordeko lehendakari Gonzalo Celay Iriarte jaunak, Ezkarozeko “Valle de Salazar” musika eskolako titularra den aldetik, musika eskola horretan Perkusioa eta Trikitia espezialitateak irakasteko baimena eskatu ondoren tramitatu den espedientea.
Ikusirik, eskatutako espezialitate horiek inskribatzeko, Hezkuntzako Ikuskapen Zerbitzuak egin dituen aldeko txostenak.
Kontuan harturik Musika eta Dantza Eskolen sorrerari eta funtzionamenduari buruzko oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz eta Hezkuntzako Azpiegituren Zerbitzuak hala proposaturik,
EBATZI DUT:
1. Nafarroako Gobernuaren Musika eta Dantza Eskolen Berariazko Erregistroan Perkusioa eta Trikitia espezialitateak inskribatzea Ezkarozeko “Valle de Salazar” Musika Eskolak eman ditzakeen ikasketen atalean (ikastetxearen kodea: 31008751). Aldaketak 2018ko abenduaren 5etik aurrera izanen ditu ondorioak, egun horretan sartu baitzen Hezkuntza Departamentuan ikastetxearen titularrak egindako eskaera.
2. Eskola horrek hemendik aurrera emanen dituen irakaskuntzak hauek dira: Hezkuntzari buruzko Lege Organikoaren 48.3 artikuluan ezarritakoak –abenduaren 21eko 421/1992 Foru Dekretuaren 9. artikuluan ezarritako antolamenduaren arabera–, eta instrumentu-praktikaren arloan, espezialitate hauek: Akordeoia, Gaita, Gitarra, Perkusioa, Pianoa, Saxofoia, Trikitia, Tronpeta eta Biolina.
3. Gogoraraztea eskolaren osaera aldatuz gero, eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko zaiola.
4. Ohartaraztea eskolaren inskripzioa baliorik gabe uzten ahalko dela foru dekretu horren 31. artikuluan aipatutako kasuetan.
5. Ebazpen hau Zaraitzuko Ibaxaren Batzordeari jakinaraztea, eta adieraztea administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko duela, Nafarroako Justizia Auzitegi Nagusiaren Administrazioarekiko Auzien Salari zuzendua, argitaratu eta biharamunetik hasita bi hilabeteko epean, alde batera utzi gabe aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
6. Ebazpen hau igortzea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Arte Ikasketen Atalari eta Kontratazioaren, Zerbitzu Osagarrien eta Koordinazio Administratiboaren Atalari.
7. Ebazpen hau Nafarroako Aldizkari Ofizialean argitaratzea.
Iruñean, 2019ko urtarrilaren 31n.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1901444
