1. NAFARROAKO FORU KOMUNITATEA
1.7. BESTELAKOAK
20/2019 FORU AGINDUA, urtarrilaren 25ekoa, Eskubide Sozialetako kontseilariak emana, SIDIS (Gizarteratzeko Eskubidearen Informazio Sistema) aplikazio informatikoa onesten duena.
Gizarteratzerako eta errenta bermaturako eskubideak arautzen dituen azaroaren 11ko 15/2016 Foru Legeak, 4. artikuluan, prozedura ezartzen du gizarteratzeko eskubidea erabiltzeko. Prozedura hori apirilaren 25eko 26/2018 Foru Dekretuaren 3., 4., 5. eta 18.2 artikuluetan garatzen da. Foru dekretu horren 4.3 artikuluari jarraikiz, gizarte-bazterketaren baloraziorako tresna tekniko komuna erabiliko da, gizarte zerbitzuen arloan eskuduna den departamentuaren titularraren foru aginduak onetsi eta departamentu horren zerbitzu sozialen webgunean eskuragarri jarri ondoren.
Ikusirik Gizarteratzeko eta Babes Sozialerako Zuzendaritza Nagusiaren txostena, zeinak proposatzen baitu SIDIS (Gizarteratzeko Eskubidearen Informazio Sistema) aplikazio informatikoa onestea.
Horrenbestez, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen bidez eman dizkidaten ahalmenak erabiliz,
AGINDU DUT:
1. SIDIS (Gizarteratzeko Eskubidearen Informazio Sistema) aplikazio informatikoa onestea, Oinarrizko Gizarte Zerbitzuek tresna tekniko gisa erabil dezaten gizarte-bazterketa baloratzeko, gizarteratzeko programa pertsonalizatua eta gizarteratzeko ituna egiteko, eta programa horren jarraipena egiteko.
2. Foru agindu hau igortzea Gizarteratzeko eta Babes Sozialerako Zuzendaritza Nagusiari eta Administrazio Aferetarako Bulegoari, behar diren ondorioak izan ditzan.
3. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2019ko urtarrilaren 25ean.–Eskubide Sozialetako kontseilaria, Miguel Laparra Navarro.
Iragarkiaren kodea: F1901710
