1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA, abuztuaren 14ko 2578/2018 Ebazpenaren aurka jarria, zeinaren bidez izangaiak aldian behin sartzearen ondorioz sortutako behin betiko zerrenda berariazkoak onetsi baitziren, baita eskatutako baldintzak betetzen dituztela ez frogatzeagatik onartu ez diren izangaien zerrenda ere. Behin betiko zerrenda berariazko horien helburua da Nafarroako Foru Komunitateko Administrazioaren Hezkuntza Departamentuko irakasle lanpostuak aldi baterako kontratazioen bidez betetzea.
Iragarki honen bidez aditzera ematen da Javier Taixe Vélez jaunak gora jotzeko errekurtsoa jarri duela Hezkuntza Departamentuko Giza Baliabideen Zerbitzuko zuzendariaren abuztuaren 14ko 2578/2018 Ebazpenaren aurka, Zurgin-lanen eta Altzarien Fabrikazioa eta Instalazioa (gaztelaniaz) espezialitateko Lanbide Heziketako irakasle teknikoen zerrenda berariazkoari dagokionez.
Horiek horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. artikuluan xedatutakoari jarraikiz, Lanbide Heziketako Irakasle Teknikoen Kidegoko Zurgin-lanen eta Altzarien Fabrikazioa eta Instalazioa (gaztelaniaz) espezialitatearen berariazko deialdietako zerrendan dauden interesdunak, 7,62 baino puntuazio baxuagoa dutenak hain zuzen, epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean, eta Hezkuntza Departamentuaren Erregistroan aurkez ditzaten (Iruñeko San Domingo aldapa z.g.) edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako bideetatik edozein erabiliz.
Aurkeztutako errekurtsoaren kopia interesdunen eskura dago Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2019ko otsailaren 25ean.–Kudeaketa Juridiko-Administratiboaren Ataleko burua, Antonio Iriarte Moncayola (109/2017 Foru Agindua, abenduaren 1ekoa, Hezkuntzako kontseilariak emana, Hezkuntza Departamentuko zuzendari nagusien eta idazkari tekniko nagusiaren aldi baterako ordezkoak izendatzen dituena).
Iragarkiaren kodea: F1902764
