2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GOÑI
Baso aprobetxamenduaren enkante publikoa
Goñiko Kontzejuak, Nafarroako Gobernuak behar bezala baimendurik (uztailaren 6ko 661/2018 Ebazpena), plegu itxien bidezko enkante publikoa eginen du baso aprobetxamendu hau adjudikatzeko:
Lote bakarra.–Pagoz osaturiko oihan lotea, Goñin, 2.910 metro kubiko zur egiten duena.
Hasierako prezioa: 60.735,00 euro, BEZa kanpo.
Behin-behineko fidantza: hasierako prezioaren %5; hau da, 1.215,00 euro.
Proposamenen aurkezpena: proposamenak baldintza administratiboen agiriari erantsitako eredu ofizialaren arabera aurkeztuko dira, agiri horren 10. oinarrian adierazitako dokumentazioarekin batera, Goñiko Kontzejuaren alkatetzan edo Herri Administrazioen Araubide Juridikoari eta Administrazio Prozedura Erkideari buruzko 30/1992 Legearen 38.4 artikuluan ezarritako bideetako edozein erabiliz, 2019ko martxoaren 27ra arte.
Proposamenak irekitzea: Goñiko Kontzejuaren iragarki-taulan eta Nafarroako Kontratazioaren Atarian argitaratuko dira, gutxienez ere 48 ordu lehenago, proposamen ekonomikoak jendaurrean irekitzeko tokia, data eta ordua.
Baldintza teknikoak eta baldintza administratiboen agiria Goñiko kontzeju-etxean (San Anton kalea, z.g.) eta Nafarroako Kontratazioaren Atarian daude.
Goñin, 2019ko martxoaren 4an.–Kontzejuko burua, Elena Apesteguia Aizpun.
Iragarkiaren kodea: L1903067
