Iragarkia
46. ALDIZKARIA - 2019ko martxoaren 7a
1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
314/2019 EBAZPENA, 2019ko otsailaren 18koa, Nafarroako Unibertsitate Publikoko Ekonomia, Plangintza eta Irakasleen gaietarako errektoreak emana, unibertsitateko irakaskidegoetako lanpostuak betetzeko lehiaketarako deia egiten duena.
Unibertsitateei buruzko 2001eko abenduaren 21eko 6/2001 Lege Organikoaren 62.2 artikuluak, 2007ko urriaren 5eko 1312/2007 Errege Dekretuak eta 2007ko urriaren 5eko 1313/2007 Errege Dekretuak (hurrenez hurren, unibertsitateko irakaskidegoetan sartzeko egiaztapen nazionala ezartzen duena eta unibertsitateko irakaskidegoetan sartzeko lehiaketak arautzen dituena) ezarritakoarekin bat etorriz, eta 2003ko maiatzaren 12ko 110/2003 Foru Dekretuak onetsitako Nafarroako Unibertsitate Publikoaren Estatutuetan eta Gobernu Kontseiluak 2009ko otsailaren 25ean egindako bileran onetsitako Nafarroako Unibertsitate Publikoko unibertsitateko funtzionarioen irakaskidegoetan sartzeko lehiaketei buruzko Arautegian xedatutakoari jarraikiz.
Nafarroako Gobernuko Hezkuntzako Departamentuaren baimena lortu eta gero, eta kontuan hartuz Gobernu Kontseiluak 2019ko urtarrilaren 31n egindako bileran hartutako erabakia, gauzatzeko dauden lan publikoaren eskaintzetako Unibertsitateko katedradunaren 25 lanpostuetarako deialdia onesten duena.
Unibertsitateko Nominen eta Gizarte Segurantzaren Atalak eta Kontuhartzailetzak txostena eginik.
Ikusirik Giza Baliabideen Zerbitzuko zuzendariaren txosten proposamena.
Nafarroako Unibertsitate Publikoko errektoreak errektoretza taldearen egitura orokorra onetsi eta bere funtzioak zehazteko 2015eko ekainaren 24an eman zuen 1042/2015 Ebazpenaren bidez eskuordetu dizkidan eskumenak erabiliz,
EBATZI DUT:
Lehena.–II. eranskinean zerrendatutako unibertsitateko katedradunen kidegoko lanpostuetarako sarbide lehiaketarako deialdia egitea, ebazpen honen II. eranskinean jasotzen diren eta hura osatzen duten oinarriei jarraikiz.
Bigarrena.–Ebazpen hau Nafarroako Unibertsitate Publikoaren webgunean, Nafarroako Aldizkari Ofizialean eta “Estatuko Aldizkari Ofizialean” argitaratzeko agintzea.
Hirugarrena.–Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka zilegi da berraztertzeko errekurtsoa errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2019ko otsailaren 18an.–Ekonomia, Plangintza eta Irakasleen gaietarako errektoreordea, Manuel Rapún Gárate.
I. ERANSKINA
Deialdiaren oinarriak
1.–Arau orokorrak.
Lehiaketa hau arautzeko, honako hauek ezarritakoa hartuko da kontuan: Unibertsitateei buruzko 2001eko abenduaren 21eko 6/2001 Lege Organikoa; 2007ko urriaren 5eko 1312/2007 Errege Dekretua, unibertsitateko irakaskidegoetan sartzeko egiaztapen nazionala ezartzen duena; 2007ko urriaren 5eko 1313/2007 Errege Dekretua, unibertsitateko irakaskidegoetan sartzeko lehiaketak arautzen dituena; 2003ko maiatzaren 12ko 110/2003 Foru Dekretuak onetsitako Nafarroako Unibertsitate Publikoaren Estatutuak; Gobernu Kontseiluak 2009ko otsailaren 25ean egindako bileran onetsitako Nafarroako Unibertsitate Publikoko unibertsitateko funtzionarioen irakaskidegoetan sartzeko lehiaketei buruzko Arautegia; 2015eko urriaren 30eko 5/2015 Errege Dekretua, Enplegatu Publikoaren Oinarrizko Estatutuaren Legearen testu bategina onesten duena; 2015eko urriaren 1eko 39/2015 Legea, Administrazio Publikoen Administrazio Prozedura Erkideari buruzkoa; Sektore Publikoaren Araubide Juridikoaren 2015eko urriaren 1eko 40/2015 Legea; deialdiaren oinarri hauek, bai eta aplikatu beharreko gainerako arau orokorrak ere.
Nafarroako Unibertsitate Publikoaren Estatutuen 80.3 artikuluarekin bat, gehienez ere lau hilabete igaroko dira onartutakoen behin betiko zerrenda argitaratzen denetik lehiaketaren ebazpena argitaratzen den arte, epe hori ez bada luzatzen arrazoi larriren batengatik, luzapenezko inpugnazioengatik edo errektoreak onartutako bidezko beste arrazoiren batengatik.
2.–Izangaien betebeharrak.
Lehiaketan onartua izateko, honako baldintza hauek bete beharko dira eskaerak aurkezteko epea bukatzen den egunean, eta lanpostuaz jabetu arte beteko dira:
a) 18 urte baino gehiago izatea, eta erretiro-adina betea ez izatea.
b) Deialdiko xede diren lanpostuak betetzea galarazten duen gaixotasunik, muga fisikorik edo psikikorik ez edukitzea.
c) Diziplinako espedientearen bidez edozein Administrazio Publikotako zerbitzutik bazterturik ez egotea, eta funtzio publikoak garatu ahal izateko ezgaitua ez egotea. Espainiako nazionalitatea ez duten izangaien kasuan, baldintza hau betetzeko beharrezkoa izango da norberaren Estatuan funtzio publikora sartzea galarazten duen diziplina-zehapen edo kondena penalik ez edukitzea.
d) Unibertsitateko irakasle titularren Kidegokoa edo Ikerketako Organismo Publikoen Ikertzaile Zientifikoen Eskalakoa izatea, eta gutxienez ere bi urtez zerbitzu eman izana egoera horretan.
e) Unibertsitateko katedradunen irakaskidegorako egiaztatua egotea, 2007ko urriaren 5eko 1312/2007 Errege Dekretuak, 2007ko urriaren 5ekoak, unibertsitateko irakaskidegoetarako sarbiderako egiaztatze nazionala ezartzen duenak, xedatutakoarekin bat etorriz, edo gaitua egotea 2002ko uztailaren 26ko 774/2002 Errege Dekretuak, Unibertsitateko Funtzionarioen Irakaskidegoetan sartzeko gaikuntza nazionalaren sistema eta dagozkien sarbide-lehiaketen araubidea arautzen dituenak, ezarritakoaren arabera.
3.–Eskaerak.
3.1.–Lehiaketan parte hartu nahi duten pertsonek hamabost egun balioduneko epea izango dute eskaera aurkezteko, deialdi hau “Estatuko Aldizkari Ofizialean” argitaratu eta biharamunetik kontatzen hasita.
Parte hartzeko eskabideak eta dokumentazioa Nafarroako Unibertsitate Publikoko Erregistro Orokorrean aurkeztu behar dira (Arrosadiko campusa, z.g., 31006 Iruñea / Tuterako campusa, Tarazonako etorbidea, z.g., 31500 Tutera), edo Estatuaren Administrazio Orokorreko erregistroetan, Autonomia Erkidegoetako Administrazioetako eta Toki Administrazioa osatzen duten Erakundeetako erregistroetan, posta bulegoetan edo Espainiak atzerrian dituen kontsuletxeetan edo ordezkaritza diplomatikoetan.
Eskaera posta bulego batean aurkeztekotan, gutun-azal irekian egingo da, posta zerbitzuko langileak, ziurtatu aurretik, data eta zigilua jar ditzan, eta ondoren egiaztatu eta bidali Nafarroako Unibertsitate Publikoaren Erregistrora.
Giza Baliabideen Zerbitzuak eskaerak behar bezala kudea ditzan, Nafarroako Unibertsitate Publikoko erregistroak aukeratzen ez dituzten eskatzaileek eskaeraren kopia eskaneatu bat bidali behar dute dagokion erregistroko sarrera-zigiluarekin recursos.humanos@unavarra.es helbide elektronikora.
3.2.–Eskabide-eredua deialdi honen IV. eranskinean eta Nafarroako Unibertsitate Publikoaren webgune honetan azaltzen dena izango da: http://www2.unavarra.es/gesadj/registroGeneral/instancias/recursos-humanos/plazas-cdu.pdf
Eskaerarekin batera hauek aurkeztuko dira:
a) Izangaiaren Nortasun Agiri Nazionalaren edo izangaiaren nazionalitatea eta nortasuna ziurtatzeko agiriaren fotokopia.
b) 2. oinarrian lehiaketa honetan parte hartzeko ezarritako baldintzak betetzen direla egiaztatzen duten egiaztagirien fotokopia.
c) Partaidetza egiteko eskubideak ordaindu direla erakusten duen bankuaren agiria, 4. oinarrian ezarritakoari jarraikiz.
3.3.–Ez da zilegi izango eskabideak aurkezteko adierazitako epea luzatzea.
3.4.–Eskaeran atzematen diren akats materialak edo egitatezko akatsak edonoiz konpontzen ahalko dira, ofizioz edo interesdunak hala eskatuta.
4.–Tasak.
4.1.–Hautaketa-prozesuan parte hartu ahal izateko behar diren zerbitzuak emategatiko tasa 41,60 eurokoa izango da, Nafarroako Foru Administrazioaren tasei eta prezio publikoei buruzko martxoaren 27ko 7/2001 Foru Legeak ezarritakoarekin bat etorriz.
Diru-kopuru hori Rural Kutxako ES16 3008 0001 1807 0019 0523 zenbakidun kontu-korrontean sartuko da, eta honako hau adieraziko: “Unibertsitateko irakaskidegoetan sartzeko deialdia” eta izangaiaren izena.
4.2.–%33ko edo gehiagoko desgaitasun aitortua duten pertsonak tasak ordaintzetik salbuetsita egongo dira.
4.3.–Salbuespenaren arrazoia egiaztatzen ez bada, ezarritako aurkezpen epearen barruan tasa ez ordaintzeak izangaia baztertzea dakar, eta hau konpondu ezin daitekeen baldintza da.
4.4.–Azterketako eskubideak ordaintzeak ez du inola ere ordeztuko hautapen-prozesuan parte hartzeko eskaera garaiz eta forman aurkeztea.
5.–Argitalpenak.
Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legearen 45.1.b) artikuluan ezarritakoari jarraikiz, hautaketa-prozesu honek eragiten dituen argitalpenak, Estatuko Aldizkari Ofizialari dagokiona izan ezik (3.1 oinarrian aipatutakoa), Nafarroako Unibertsitate Publikoaren webgunean egingo dira, eta ez dira baliozkoak izango bestelako tokietan egindakoak.
6.–Izangaien onarpena.
6.1.–Eskaerak aurkezteko epea bukatu eta gero, Ekonomia, Plangintza eta Ikasleen gaietarako errektoreordeak ebazpen bat emango du izangai onartuen eta baztertuen behin-behineko zerrenda onesteko, azken horiek baztertzearen zergatia azalduta, eta Nafarroako Unibertsitate Publikoaren webgunean argitaratuko da. Izangai bazterturik ez bada, zuzenean onetsiko da behin betiko zerrenda.
6.2.–Parte hartzeko baldintzak justifikatzen dituzten dokumentuak ez aurkezteagatik behin-behinean baztertzea galarazi gabe, honako hauek izango dira ezin zuzendu daitezkeen baztertzeko arrazoiak: eskaera epez kanpo aurkeztea, lehiaketaren bidez lortu nahi den lanpostua betetzeko bete behar diren baldintzak ez betetzea edo sarbide-tasak ez ordaintzea.
6.3.–Baztertutako izangaientzat, behin-behineko zerrenda Nafarroako Aldizkari Ofizialean argitaratu eta hurrengo hamar egun balioduneko epean, zilegi da erreklamazioa jartzea eta, akatsen bat badago, haiek zuzentzea. Ezartzen den epean baztertuak izateko arrazoia konpontzen ez duten izangaiak behin betiko baztertuak izango dira, eta ez dute probarik egingo.
6.4.–Behin-behineko zerrendan ez dauden izangaiek eskaeraren kopia bat bidali behar dute recursos.humanos.pdi@unavarra.es helbide elektronikora, eskaneatuta, erregistroan eman zitzaion sarrera-zigiluarekin, lehenagoko atalean ezarritako epean. Hala egiten ez badute, behin betiko baztertuak izango dira, eta ez dute proba egingo.
6.5.–Eskaerak osatzeko eta zuzentzeko epea bukaturik, lehiaketan onarturiko eta bazterturiko izangaien behin betiko zerrenda argitaratuko da.
6.6.–Epea bukaturik ez bada eskaerarik aurkeztu, izangai onarturik ez bada edo izangaiek lehiatzeari uko egiten badiote, Ekonomia, Plangintza eta Irakasleen gaietako errektoreordeak lanpostua hutsik geratzen dela ebatziko du, eta ebazpen hori dagokion sailari helaraziko dio.
7.–Sarbide Batzordea.
7.1.–Sarbide Batzordeen osaera deialdi honen III. eranskinean dator.
7.2.–2007ko urriaren 5eko 1313/2007 Errege Dekretuak, unibertsitateko irakaskidegoetara sartzeko lehiaketen araubidea arautzen duenak, 6.4 artikuluan xedatzen duenarekin bat, batzordekideen curriculuma Nafarroako Unibertsitate Publikoaren webgunean argitaratuko da, interesdunen eskura.
7.3.–Batzordea formalki eratuko da bere jardunetan hasi baino lehen. Horretarako, batzordeburuak, batzordeko gainerako kideei aurretik kontsultatu eta gero, ebazpen bat emango du onartuen behin betiko zerrenda argitaratzen denetik gehienez ere hilabete batera, bileraren tokia, eguna eta ordua ezartzeko, eta interesdun guztiei jakinaraziko zaie, ebazpenaren argitalpenaren bidez, beranduenez hamabost egun natural lehenago, eta deitutakoak honako hauek izango dira:
a) Batzordeko kide titular guztiak eta, bidezkoa bada, beharrezkoak diren ordezkoak, batzordearen eraketa-egintza burutu ahal izateko. Eraketa-egintzaren eguna, ordua eta tokia jakinarazpenean jasoko dira.
b) Lehiaketan parte hartzeko onartutako izangai guztiak, lehiatzaileen aurkezpen-ekitaldia egiteko, hura zer egunetan, zer ordutan eta non gauzatuko den adierazita. Horri begira, ez da zilegi batzordearen eraketa-egintzarako ezarritako dataren eta aurkezpen-egintzarako adierazitako dataren arteko epea bi egun baliodun baino luzeagoa izatea.
7.4.–Eraketa-egintzan finkatu eta jendaurrean jarriko dira lehiatzaileak balioesteko erabiliko diren irizpideak, deialdian ezarritako lanpostuaren xehetasunei egokituz, bai eta irizpide horietako bakoitzari dagokion zenbakizko balioespena ere.
7.5.–Lehiaketa egin bitartean, Sarrera Batzordeak erabakiko ditu arauak aplikatzean sortzen diren zalantzak, bai eta arau horietan ezarri gabeko kasuetan jarraitu behar den bidea zein den ere. Batzordearen jarduera Sektore Publikoaren Araubide Juridikoaren 2015eko urriaren 1eko 40/2015 Legera egokituko da beti.
8.–Aurkezpen-ekitaldia.
8.1.–Aurkezpen-ekitaldian, jendaurrekoa izango baita, lehiatzaileek ondoko dokumentazioa aurkeztuko diote batzordeburuari:
a) Lanbideari, ikasketari, irakaskuntzari eta ikerketari dagokien historiala, hiru aletan, eta horri erantsiko zaizkio beren merezimenduen egiaztagiriak eta argitalpenen, garatutako patenteen eta parte hartu duten ikerketa-proiektuen zerrenda.
b) Zein lanpostutarako lehiatzen den izangaia, lanpostu hori esleitzen bazaio, garatuko lukeen irakaskuntza-proiektua, lanpostu horri dagokion irakasgai edo espezialitate baten programaren berri emango duena, eta ikerketa-proiektua, hiru aletan.
8.2.–Aurkezpen-ekitaldian, Batzordeak modu zehatzean finkatuko du proba zer-nolakoa izango den, eta jakinarazi behar beste argibide emango ditu. Halaber, zozketaren bidez lehiatzaileen jardun-ordena zehaztuko du, eta proba non, zer egunetan eta zer ordutan hasiko den finkatuko da. Edonola ere, proba ezingo da aurkezpen-ekitaldia bukatu eta ondorengo 24 orduak pasatu baino lehen egin, eta Batzordeak parte-hartzaileei jakinaraziko die hori. Alabaina, lehiatzaileek idatziz uko egin ahalko diote epe horri. Era berean, izangaiek gainontzeko lehiatzaileek aurkezturiko dokumentazioa aztertzeko izango duten epea ezarriko da. Nolanahi ere, proba hamabost egun naturaleko epean hasiko da, aurkezpen-ekitaldia egiten denetik kontatzen hasita.
9.–Probaren bilakaera.
9.1.–Sarbide-lehiaketak bi proba izango ditu.
Lehen proba jendaurrekoa izango da. Batzordeak ezarritako moduari jarraikiz, gehienez ere ordubete iraungo duen azalpena egingo du izangaiak Batzordearen aurrean, eta gehienez ere ordubete iraungo duen eztabaida egingo du batzordekideekin gero, lanbide-, ikasketa-, irakaskuntza- eta ikerketa-historian alegatutako merezimenduei buruz, bai eta aurkeztutako irakaskuntza- eta ikerketa-proiektuei buruz ere. Bigarren probara pasatzeko, izangaiek Batzordeko bi kideren aldeko txostenak eduki behar dituzte gutxienez. Batzordeak berehala jakinaraziko dizkie izangaiei bai lehen probaren emaitzak, bai eta bigarren proba zein leku, egun eta ordutan egingo den ere, gero 5. oinarrian ezarritakoaren arabera web-orrialdean argitaratzea baztertu gabe.
9.2.–Bigarren proba jendaurrekoa izango da. Gehienez ere ordubete iraungo duen adierazpena egingo du izangaiak batzordearen aurrean, eta gehienez ere ordubete iraungo duen solasaldia izango du batzordekideekin gero, izangaiak egindako ikerketa-lan bati buruz.
Lehen probaren emaitza jakin ondoren, gainditu duten izangaiek lan horren laburpena emango diete Batzordeko kideei, hiru aletan.
Bigarren proba amaitu ondoren, Batzordeko kide bakoitzak batzordeburuari txosten bat emango dio. Txosten horretan, banan-banan balioetsiko da izangai bakoitza, arrazoiak emanez eta ezarritako irizpideei egokituta.
9.3.–Sarbide-lehiaketa egin eta gero, izangai bakoitzaren balioespenaren emaitzak argitaratuko dira, Batzordeak ezarritako irizpideekin bat etorriz balioetsitako alderdi bakoitza bereizirik.
10.–Lanpostua betetzeko proposamena.
10.1.–Sarbide Batzordeak, zazpi egun balioduneko gehieneko epean, proba amaitzen den egunetik kontatzen hasita, errektoreari proposatuko dio, arrazoiak emanez eta izaera loteslearekin, izangai guztien zerrenda, izendatzeko lehentasun ordenaren arabera sailkatuta. Izangaiak ez dira lehiaketara deitu diren lanpostuak baino gehiago izango. Zilegi izango da, halaber, prozesua amaitzea deitutako lanpostua ez betetzeko Batzordearen proposamenarekin.
10.2.–Batzordeak izendatzeko proposatutako izangaien zerrenda ordenatua jendaurrean jarriko da Nafarroako Unibertsitate Publikoaren webgunean.
10.3.–Izangaientzat zilegi izango da Unibertsitateko Idazkaritza Nagusiari eskatzea Batzordeak beren merezimenduei buruz emandako balioespen arrazoituaren ziurtagiria.
11.–Lanpostua betetzeko proposamenaren aurkako erreklamazioak.
11.1.–Izangaientzat zilegi da Sarrera Batzordearen proposamenaren aurka erreklamazioa errektorearen aurrean, gehienez ere hamar egun balioduneko epean. Erreklamazioa tramitatzera onartuz gero, izendapen guztiak etengo dira behin betiko ebazpena eman arte.
11.2.–Erreklamazioa Gobernu Kontseiluak 2009ko otsailaren 25ean egindako bileran onetsitako Nafarroako Unibertsitate Publikoko unibertsitateko funtzionarioen irakaskidegoetan sartzeko lehiaketei buruzko Arautegiaren 15. artikuluan ezarritako Erreklamazio Batzordeak balioetsiko du.
11.3.–Erreklamazio Batzordeak sarbide-lehiaketari buruzko espedientea aztertuko du, lehiatzaileen aukera-berdintasunaren printzipioak eta merezimendu- eta gaitasun-printzipioekiko errespetua berma daitezen. Erreklamazio Batzordeak entzungo ditu bai emandako ebazpenaren aurka erreklamazioa izan zuten batzordekideak, bai erreklamazioetan parte hartu zuten izangaiak ere. Halaber, entzute handiko espezialisten txostenak eskatu ahalko ditu.
11.4.–Erreklamazio Batzordearen ebazpenak onesteko, gutxienez aldeko lau boto behar dira, eta Batzordearen kideetako inork ez du kalitatezko botorik ezein kasutan. Erreklamazio Batzordearen erabakia arrazoitua izango da, eta aurkako botoak jasoko dira, halakorik bada.
11.5.–Erreklamazio Batzordeak berretsiko du, edo ez, erreklamaturiko proposamena, jaso eta hiru hilabeteko epean beranduenez. Erreklamazio Batzordeak ez badu erreklamaturiko proposamena berresten, akatsa egin zen uneraino atzera eramango da espedientea, eta lehiaketako batzordeak beste proposamen bat egin beharko du.
11.6.–Hiru hilabeteko epean ez bada berariazko ebazpenik ematen, erreklamazioari ezezkoa eman zaiola ulertuko da.
11.7.–Erreklamazio Batzordearen ebazpenak lotesleak dira errektorearentzat.
11.8.–Errektorearen ebazpenek administrazio-bidea agortzen dute.
12.–Dokumentazioaren aurkezpena.
12.1.–Proposatutako izangaiek, lanpostua betetzeko proposamena argitaratu eta hogei egun balioduneko epean, dokumentu hauek aurkeztu beharko dituzte:
a) Izangaiaren Nortasun Agiri Nazionalaren edo haren nazionalitatea eta nortasuna ziurtatzeko agiri baliokidearen fotokopia konpultsatua.
b) Mediku-ziurtagiri ofiziala unibertsitateko irakaslearen lanpostuko eginkizunetan aritzea galarazten dion eritasun nahiz akats fisiko edo psikikorik ez duela adierazten duena.
c) Eginkizun publikoetarako desgaitua edo gabetua ez egotea eta Administrazio Publiko baten zerbitzutik bereizia ez izatea egiaztatzen duen erantzukizunpeko aitorpena. Atzerriko izangaiek beren Estatuan funtzio publikora sartzea galarazten dien diziplina-zigorrik edo kondena penalik ez dutela egiaztatu beharko dute.
d) Bateraezintasunik ez daukala adierazten duen aitorpena, jarduera publikoren bat betetzen edo pentsioren bat jasotzen ari bada.
12.2.–Funtzionario publikoak direnek ez dituzte a) eta b) ataletako dokumentuak justifikatu behar, eta funtzionarioak direla-eta beren zerbitzu-orrian agertzen diren inguruabarrak egiaztatzen dituen administrazioaren egiaztagiria aurkeztu behar dute.
13.–Esleipena eta kargu-hartzea.
13.1.–Nafarroako Unibertsitate Publikoaren errektoreak izendatuko du izangaia irakasle funtzionario, izangaiak aurreko oinarrian ezarritakoa bete eta gero.
13.2.–Proposaturiko izangaiak eskatutako dokumentazioa aurkezten ez badu, Unibertsitatearen errektoreak funtzionario izendatuko du Sarbide Batzordearen proposamenean ezarritako lehentasun-hurrenkeran hurrengo postuan agertzen den lehiatzailea, hark aipatutako dokumentazioa aurkeztu ondoren.
13.3.–Izendapenak lanpostuaren izena, kidegoa, jakintza-arloa eta saila zehaztuko ditu, bai eta lanpostuaren kodea ere Langileen Lanpostu Zerrendan. Langileen Erregistro Nagusian izendapenaren berri emango da, Langileen Erregistro zenbakia emateko eta dagokien kidegoan inskripzioa egiteko, eta Unibertsitateen Kontseiluaren Idazkaritza Nagusian ere bai. Izendapena “Estatuko Aldizkari Ofizialean” eta Nafarroako Aldizkari Ofizialean argitaratuko da.
13.4.–Izendapena “Estatuko Aldizkari Ofizialean” argitaratu eta biharamunetik kontatzen hasita gehienez ere hogei egun balioduneko epean, hartu beharko du lanpostuaren jabetza proposaturiko izangaiak, eta orduan dagokion unibertsitateko irakaskidegoko funtzionario bihurtuko da, horrek dakartzan eskubide eta betebeharrekin.
14.–Datuen babesa.
Hautaketa-prozesu honetan parte hartzeko, datu pertsonalak eskatzen zaizkie izangaiei, eta datu pertsonalen fitxategi batean sartzen dira. Fitxategi horren helburua Nafarroako Unibertsitate Publikoko langileak kudeatzea da, eta, bereziki, hautaketa-prozesuetako hautagaiek izandako parte-hartzea eta unibertsitate-zabalpeneko jardueretan NUPeko langileek izandako esku-hartzea kudeatzea.
Deialdi honetan parte hartzeko eskabidean hautagaiek baimena emateak berekin dakar hautaketa-prozesuan emandako datuak tratatzeko baimena ematea ere. Datu pertsonalak babesteko indarrean diren araudien arabera interpretatu behar da hori. Zehazki, hauek dira bete beharreko araudiak: Europako Parlamentuaren eta Kontseiluaren 2016/679 Erregelamendua (EB), 2016ko apirilaren 27koa, Datu pertsonalen tratamenduaren eta datu horien zirkulazio askearen gaietan pertsona fisikoak babesteari buruzkoa; eta, bestetik, 3/2018 Lege Organikoa, 2018ko abenduaren 5ekoa, Datu Pertsonalak Babesteari eta eskubide digitalak bermatzeari buruzkoa.
Datuak tratatzeko jarduerei dagokienez, interesdunek eskubidea dute datuak sartzeko, zuzentzeko, ezabatzeko, mugatzeko, haiei kontra egiteko eta transferitzeko. Horretarako, bidali mezu bat delegado.protecciondatos@unavarra.es helbidera, 3/2018 Lege Organikoaren 11. eta 18. artikuluei jarraikiz -2018ko abenduaren 5ekoa, Datu Pertsonalak Babesteari eta eskubide digitalak bermatzeari buruzkoa-.
15.–Helegiteen araubidea.
Deialdi honen eta Sarbide Batzordearen jardunen ondoriozko egintza administratibo ororen aurka zilegi da errekurtsoak jartzea, Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legean ezarritako kasuetan eta forman, 11. oinarrian ezarritako lanpostua betetzeko proposamenaren aurkako erreklamazioaren aurka izan ezik.
Deialdi honen oinarrien aurka, zilegi da berraztertzeko errekurtsoa errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Oharra: Genero maskulinoko pertsona edo kargu akademikoei buruzko aipamenak genero gramatikal neutroan egindakotzat hartzen dira, eta, beraz, bai emakumeak, bai gizonak aipatzeko aukera hartzen dute barnean.
II. ERANSKINA
LANPOSTU ZK.: 5124
Kidegoa: Unibertsitateko katedraduna
Saila: Agronomia, Bioteknologia eta Elikadura
Jakintza-arloa: Animalia Ekoizpena
Irakaskuntza-eskakizuna: Jakintza-arloarena
Ikerketa-eskakizuna: Animalia ekoizpeneko sistemak. Haragiaren ekoizpena eta kalitatea.
LANPOSTU ZK.: 5120
Kidegoa: Unibertsitateko katedraduna
Saila: Agronomia, Bioteknologia eta Elikadura
Jakintza-arloa: Landare Ekoizpena
Irakaskuntza-eskakizuna: Jakintza-arloarena
Ikerketa-eskakizuna: Frutagintza eta Mahastizaintza.
LANPOSTU ZK.: 5130
Kidegoa: Unibertsitateko katedraduna
Saila: Zientziak
Jakintza-arloa: Fisika Aplikatua
Irakaskuntza-eskakizuna: Jakintza-arloarena
Ikerketa-eskakizuna: Laser plasmen espektroskopia.
LANPOSTU ZK.: 5131
Kidegoa: Unibertsitateko katedraduna
Saila: Zientziak
Jakintza-arloa: Fisika Aplikatua
Irakaskuntza-eskakizuna: Jakintza-arloarena
Ikerketa-eskakizuna: Laser plasmen espektroskopia.
LANPOSTU ZK.: 5128
Kidegoa: Unibertsitateko katedraduna
Saila: Zientziak
Jakintza-arloa: Materia Kondentsatuaren Fisika
Irakaskuntza-eskakizuna: Jakintza-arloarena
Ikerketa-eskakizuna: Mikroegitura, propietate magnetikoak eta material aurreratuen aplikazioak.
LANPOSTU ZK.: 5116
Kidegoa: Unibertsitateko katedraduna
Saila: Osasun Zientziak
Jakintza-arloa: Nortasuna, Ebaluazioa eta Tratamendu Psikologikoa
Irakaskuntza-eskakizuna: Jakintza-arloarena
Ikerketa-eskakizuna: Jakintza-arloarena
LANPOSTU ZK.: 5132
Kidegoa: Unibertsitateko katedraduna
Saila: Zuzenbidea
Jakintza-arloa: Administrazio Zuzenbidea
Irakaskuntza-eskakizuna: Jakintza-arloarena
Ikerketa-eskakizuna: Jakintza-arloarena
LANPOSTU ZK.: 5129
Kidegoa: Unibertsitateko katedraduna
Saila: Zuzenbidea
Jakintza-arloa: Zuzenbide Zibila
Irakaskuntza-eskakizuna: Jakintza-arloarena
Ikerketa-eskakizuna: Jakintza-arloarena
LANPOSTU ZK.: 5117
Kidegoa: Unibertsitateko katedraduna
Saila: Zuzenbidea
Jakintza-arloa: Zuzenbidearen Filosofia
Irakaskuntza-eskakizuna: Jakintza-arloarena
Ikerketa-eskakizuna: Bioetika.
LANPOSTU ZK.: 5125
Kidegoa: Unibertsitateko katedraduna
Saila: Ekonomia
Jakintza-arloa: Ekonomia Aplikatua
Irakaskuntza-eskakizuna: Jakintza-arloarena
Ikerketa-eskakizuna: Jakintza-arloarena
LANPOSTU ZK.: 5126
Kidegoa: Unibertsitateko katedraduna
Saila: Enpresen Kudeaketa
Jakintza-arloa: Finantza Ekonomia eta kontabilitatea
Irakaskuntza-eskakizuna: Jakintza-arloarena
Ikerketa-eskakizuna: Finantza merkatuak eta informazioa.
LANPOSTU ZK.: 4918
Kidegoa: Unibertsitateko katedraduna
Saila: Enpresen Kudeaketa
Jakintza-arloa: Ekonomia, Soziologia eta Nekazaritza Politika
Irakaskuntza-eskakizuna: Jakintza-arloarena
Ikerketa-eskakizuna: Nekazaritzako Elikagaien Marketina.
LANPOSTU ZK.: 5121
Kidegoa: Unibertsitateko katedraduna
Saila: Enpresen Kudeaketa
Jakintza-arloa: Enpresen Antolaketa
Irakaskuntza-eskakizuna: Jakintza-arloarena
Ikerketa-eskakizuna: Ekintzailetza eta familia-enpresa.
LANPOSTU ZK.: 4921
Kidegoa: Unibertsitateko katedraduna
Saila: Ingeniaritza
Jakintza-arloa: Materialen Zientziak eta Ingeniaritza Metalurgikoa
Irakaskuntza-eskakizuna: Jakintza-arloarena
Ikerketa-eskakizuna: Gainazalen ingeniaritza, ezarpen ionikoa eta tribologia.
LANPOSTU ZK.: 4704
Kidegoa: Unibertsitateko katedraduna
Saila: Ingeniaritza
Jakintza-arloa: Nekazaritza eta Baso Ingeniaritza
Irakaskuntza-eskakizuna: Jakintza-arloarena
Ikerketa-eskakizuna: Nekazaritzako Mekanizazioa. Lan-arriskuen prebentzioa. Nekazaritzako elikagaien propietate fisikoak.
LANPOSTU ZK.: 4705
Kidegoa: Unibertsitateko katedraduna
Saila: Ingeniaritza
Jakintza-arloa: Nekazaritza eta Baso Ingeniaritza
Irakaskuntza-eskakizuna: Jakintza-arloarena
Ikerketa-eskakizuna: Nekazaritzako hidrologia, lurzoruaren higadura.
LANPOSTU ZK.: 4706
Kidegoa: Unibertsitateko katedraduna
Saila: Ingeniaritza
Jakintza-arloa: Ingeniaritza Hidraulikoa
Irakaskuntza-eskakizuna: Jakintza-arloarena
Ikerketa-eskakizuna: Nekazaritzako eta hiriko hidrologia. eredu hidrologikoak
LANPOSTU ZK.: 5122
Kidegoa: Unibertsitateko katedraduna
Saila: Ingeniaritza
Jakintza-arloa: Makinak eta Motor Termikoak.
Irakaskuntza-eskakizuna: Jakintza-arloarena
Ikerketa-eskakizuna: Hozketa eta sorkuntza termoelektrikoa.
LANPOSTU ZK.: 5127
Kidegoa: Unibertsitateko katedraduna
Saila: Ingeniaritza Elektriko eta Elektronikoa eta Komunikazio Ingeniaritza
Jakintza-arloa: Ingeniaritza Elektrikoa
Irakaskuntza-eskakizuna: Jakintza-arloarena
Ikerketa-eskakizuna: Potentziaren elektronika eta energia berriztagarriak.
LANPOSTU ZK.: 4920
Kidegoa: Unibertsitateko katedraduna
Saila: Ingeniaritza Elektriko eta Elektronikoa eta Komunikazio Ingeniaritza
Jakintza-arloa: Seinalearen teoria eta komunikazioak
Irakaskuntza-eskakizuna: Jakintza-arloarena
Ikerketa-eskakizuna: Prestazio handiko turuta-antenak
LANPOSTU ZK.: 5123
Kidegoa: Unibertsitateko katedraduna
Saila: Ingeniaritza Elektriko eta Elektronikoa eta Komunikazio Ingeniaritza
Jakintza-arloa: Seinalearen teoria eta komunikazioak
Irakaskuntza-eskakizuna: Jakintza-arloarena
Ikerketa-eskakizuna: Bioingeniaritzan aplikatutako ikusmen artifiziala.
LANPOSTU ZK.: 2691
Kidegoa: Unibertsitateko katedraduna
Saila: Soziologia eta Gizarte Lana
Jakintza-arloa: Soziologia
Irakaskuntza-eskakizuna: Jakintza-arloarena
Ikerketa-eskakizuna: Landa soziologia.
LANPOSTU ZK.: 4919
Kidegoa: Unibertsitateko katedraduna
Saila: Soziologia eta Gizarte Lana
Jakintza-arloa: Soziologia
Irakaskuntza-eskakizuna: Jakintza-arloarena
Ikerketa-eskakizuna: Inkestaren metodologia.
LANPOSTU ZK.: 5118
Kidegoa: Unibertsitateko katedraduna
Saila: Soziologia eta Gizarte Lana
Jakintza-arloa: Soziologia
Irakaskuntza-eskakizuna: Jakintza-arloarena
Ikerketa-eskakizuna: Teoria soziologiko garaikidea.
LANPOSTU ZK.: 5119
Kidegoa: Unibertsitateko katedraduna
Saila: Soziologia eta Gizarte Lana
Jakintza-arloa: Soziologia
Irakaskuntza-eskakizuna: Jakintza-arloarena
Ikerketa-eskakizuna: Estratifikazioa eta mugikortasun soziala.
III. ERANSKINA
Batzordeen osaera
KARGUA | IZENA | KIDEGOA | UNIBERTSITATEA |
LANPOSTU ZK.: 5124 | |||
Batzorde titularra: | |||
Batzordeburua | Carlos Sañudo Astiz | Katedraduna | Zaragoza |
Batzordekide idazkaria | Antonio Purroy Unanua | Katedraduna | NUP |
2. batzordekidea | Argimiro Daza Andrada | Katedraduna | Madrilgo Politeknikoa |
Ordezko 1. batzordea: | |||
Batzordeburua | Anastasio Carlos Argüello Henríquez | Katedraduna | Kanaria handiko Las Palmas |
Batzordekide idazkaria | Ana Arana Navarro | Katedraduna | NUP |
2. batzordekidea | Miguel Ángel Toro Ibáñez | Katedraduna | Madrilgo Politeknikoa |
Ordezko 2. batzordea: | |||
Batzordeburua | Vicente Ramiro Gaudioso Lacasa | Katedraduna | León |
Batzordekide idazkaria | María Teresa Paramio Nieto | Katedraduna | Bartzelonako Autonomoa |
2. batzordekidea | María Pilar Molina Pons | Katedraduna | Politècnica de València |
LANPOSTU ZK.: 5120 | |||
Batzorde titularra: | |||
Batzordeburua | Ignacio Romagosa Clariana | Katedraduna | Lleida |
Batzordekide idazkaria | Lucía Ramírez Nasto | Katedraduna | NUP |
2. batzordekidea | Jesús Villar Hernández | Katedraduna | Lleida |
Ordezko 1. batzordea: | |||
Batzordeburua | Ricardo Fernández Escobar | Katedraduna | Kordoba |
Batzordekide idazkaria | César Arrese-Igor Sánchez | Katedraduna | NUP |
2. batzordekidea | Katedraduna | Katedraduna | Santiago |
Ordezko 2. batzordea: | |||
Batzordeburua | Pablo Melgarejo Moreno | Katedraduna | Elxeko Miguel Hernández |
Batzordekide idazkaria | dk. | Katedraduna | NUP |
2. batzordekidea | Hipólito Medrano Gil | Katedraduna | Illes Balears |
LANPOSTU ZK.: 5130 | |||
Batzorde titularra: | |||
Batzordeburua | José Manuel Barandiarán García | Katedraduna | EHU |
Batzordekide idazkaria | Cristina Gómez Polo | Katedraduna | NUP |
2. batzordekidea | Rafael Alonso Esteban | Katedraduna | Zaragoza |
Ordezko 1. batzordea: | |||
Batzordeburua | Cristobal Colón Hernández | Katedraduna | Madrilgo Politeknikoa |
Batzordekide idazkaria | Jaume Pons Morro | Katedraduna | Illes Balears |
2. batzordekidea | Fernando Plazaola Muguruza | Katedraduna | EHU |
Ordezko 2. batzordea: | |||
Batzordeburua | Marco Antonio Gigosos Pérez | Katedraduna | Valladolid |
Batzordekide idazkaria | Clara Eugenia Alonso Alonso | Katedraduna | Sevilla |
2. batzordekidea | Alberto De Oleaga Páramo | Katedraduna | EHU |
LANPOSTU ZK.: 5131 | |||
Batzorde titularra: | |||
Batzordeburua | José Manuel Barandiarán García | Katedraduna | EHU |
Batzordekide idazkaria | Cristina Gómez Polo | Katedraduna | NUP |
2. batzordekidea | Rafael Alonso Esteban | Katedraduna | Zaragoza |
Ordezko 1. batzordea: | |||
Batzordeburua | Cristobal Colón Hernández | Katedraduna | Madrilgo Politeknikoa |
Batzordekide idazkaria | Jaume Pons Morro | Katedraduna | Illes Balears |
2. batzordekidea | Fernando Plazaola Muguruza | Katedraduna | EHU |
Ordezko 2. batzordea: | |||
Batzordeburua | Marco Antonio Gigosos Pérez | Katedraduna | Valladolid |
Batzordekide idazkaria | Clara Eugenia Alonso Alonso | Katedraduna | Sevilla |
2. batzordekidea | Alberto De Oleaga Páramo | Katedraduna | EHU |
LANPOSTU ZK.: 5128 | |||
Batzorde titularra: | |||
Batzordeburua | Antoni Planes Vila | Katedraduna | Bartzelona |
Batzordekide idazkaria | Lluis Mañosa Carrera | Katedraduna | Bartzelona |
2. batzordekidea | Eduard Cesari Aliberch | Katedraduna | Illes Balears |
Ordezko 1. batzordea: | |||
Batzordeburua | Jesús Ángel Blanco Rodriguez | Katedraduna | Oviedo |
Batzordekide idazkaria | Jaume Pons Morro | Katedraduna | Illes Balears |
2. batzordekidea | Fernando Plazaola Muguruza | Katedraduna | EHU |
Ordezko 2. batzordea: | |||
Batzordeburua | Victorino Franco García | Katedraduna | Sevilla |
Batzordekide idazkaria | Cristina Gómez Polo | Katedraduna | NUP |
2. batzordekidea | Manuel Jiménez Melendo | Katedraduna | Sevilla |
LANPOSTU ZK.: 5116 | |||
Batzorde titularra: | |||
Batzordeburua: | Cristina Botella Arbona | Katedraduna | Castelloko Jaume I |
Batzordekide idazkaria | Enrique Echeburua Odriozola | Katedraduna | EHU |
2. batzordekidea | José Antonio Adrián Torres | Katedraduna | Málaga |
Ordezko 1. batzordea: | |||
Batzordeburua: | Maite Garaigordobil Landazabal | Katedraduna | EHU |
Batzordekide idazkaria | Carmelo Vázquez Valverde | Katedraduna | Madrilgo Konplutentsea |
2. batzordekidea | Cristina Larroy García | Katedraduna | Madrilgo Konplutentsea |
Ordezko 2. batzordea: | |||
Batzordeburua | Francisco Javier Méndez Carrillo | Katedraduna | Murtzia |
Batzordekide idazkaria | Amparo Belloch Fuster | Katedraduna | València |
2. batzordekidea | María Rosa Esteve Zarazaga | Katedraduna | Málaga |
LANPOSTU ZK.: 5132 | |||
Batzorde titularra: | |||
Batzordeburua | Íñigo Del Guayo Castiella | Katedraduna | Almería |
Batzordekide idazkaria | Martín María Rázquin Lizarraga | Katedraduna | NUP |
2. batzordekidea | Estanislao Arana García | Katedraduna | Granada |
Ordezko 1. batzordea: | |||
Batzordeburua | Jesús Jordano Fraga | Katedraduna | Sevilla |
Batzordekide idazkaria | Carmen Chinchilla Marín | Katedraduna | Alcalá |
2. batzordekidea | María Asunción Torres López | Katedraduna | Granada |
Ordezko 2. batzordea: | |||
Batzordeburua | Francisco Javier Sanz Larruga | Katedraduna | A Coruña |
Batzordekide idazkaria | Eduardo Gamero Casado | Katedraduna | Pablo de Olavide |
2. batzordekidea | Isabel González Ríos | Katedraduna | Málaga |
LANPOSTU ZK.: 5129 | |||
Batzorde titularra: | |||
Batzordeburua | Mariano Yzquierdo Toslada | Katedraduna | Madrilgo Konplutentsea |
Batzordekide idazkaria | María Ángeles Egusquiza Balmaseda | Katedraduna | NUP |
2. batzordekidea | Roncesvalles Barber Cárcamo | Katedraduna | Errioxa |
Ordezko 1. batzordea: | |||
Batzordeburua | Isaac Tena Piazuelo | Katedraduna | Zaragoza |
Batzordekide idazkaria | Carmen Pérez de Ontiveros Baquero | Katedraduna | Kanaria Handiko Las Palmas |
2. batzordekidea | Carlos Martínez de Aguirre Aldaz | Katedraduna | Zaragoza |
Ordezko 2. batzordea: | |||
Batzordeburua: | Camino Sanciñena Asurmendi | Katedraduna | Oviedo |
Batzordekide idazkaria | Juan Carlos Sáenz García de Albizu | Katedraduna | NUP |
2. batzordekidea | Ramón Durán Rivacoba | Katedraduna | Oviedo |
LANPOSTU ZK.: 5117 | |||
Batzorde titularra: | |||
Batzordeburua: | Victoria Iturralde Sesma | Katedraduna | EHU |
Batzordekide idazkaria | Francisco Javier Ezquiaga Ganuzas | Katedraduna | EHU |
2. batzordekidea | Carlos Alarcón Cabrera | Katedraduna | Pablo de Olavide |
Ordezko 1. batzordea: | |||
Batzordeburua | Emilio Suñé Llinás | Katedraduna | Madrilgo Konplutentsea |
Batzordekide idazkaria | Jorge Malem Seña | Katedraduna | Pompeu Fabra |
2. batzordekidea | Ana María Marcos Del Cano | Katedraduna | Urrutiko Hezkuntzarako Unibertsitate Nazionala UHUN |
Ordezko 2. batzordea: | |||
Batzordeburua | Vicente Bellver Capella | Katedraduna | València |
Batzordekide idazkaria | José Calvo González | Katedraduna | Málaga |
2. batzordekidea | Marina Gascón Abellán | Katedraduna | Gaztela-Mantxa |
LANPOSTU ZK.: 5125 | |||
Batzorde titularra: | |||
Batzordeburua | Rosina Moreno Serrano | Katedraduna | Bartzelona |
Batzordekide idazkaria | Guillermo López Casasnovas | Katedraduna | Pompeu Fabra |
2. batzordekidea | Matilde Arranz Pérez | Katedraduna | A Coruña |
Ordezko 1. batzordea: | |||
Batzordeburua | Miren Josune Albizuri Irigoyen | Katedraduna | EHU |
Batzordekide idazkaria | José Vicens Otero | Katedraduna | Madrilgo Autonomoa |
2. batzordekidea | José Molero Zayas | Katedraduna | Madrilgo Konplutentsea |
Ordezko 2. batzordea: | |||
Batzordeburua | Jesús Carlos Cavero Álvarez | Katedraduna | Valladolid |
Batzordekide idazkaria | José Manuel Zarzuelo Zarzosa | Katedraduna | EHU |
2. batzordekidea | Francisco Labandeira Villot | Katedraduna | Vigo. |
LANPOSTU ZK.: 5126 | |||
Batzorde titularra: | |||
Batzordeburua | Carlos Serrano Cinca | Katedraduna | Zaragoza |
Batzordekide idazkaria | Natividad Blasco de las Heras | Katedraduna | Zaragoza |
2. batzordekidea | Isabel Brusca Aluarde | Katedraduna | Zaragoza |
Ordezko 1. batzordea: | |||
Batzordeburua | María Ángeles Fernández Izquierdo | Katedraduna | Castelloko Jaume I |
Batzordekide idazkaria | Pablo Arocena Garro | Katedraduna | NUP |
2. batzordekidea | Mariano Moneva Abadía | Katedraduna | Zaragoza |
Ordezko 2. batzordea: | |||
Batzordeburua | Félix López Iturriaga | Katedraduna | Valladolid |
Batzordekide idazkaria | Pedro Pascual Arzoz | Katedraduna | NUP |
2. batzordekidea | Vicente Liern Carrión | Katedraduna | València |
LANPOSTU ZK.: 4918 | |||
Batzorde titularra: | |||
Batzordeburua | Julio Berbel Vecino | Katedraduna | Kordoba |
Batzordekide idazkaria | José Miguel Múgica Grijalba | Katedraduna | NUP |
2. batzordekidea | Isabel Bardají Azcárate | Katedraduna | Madrilgo Politeknikoa |
Ordezko 1. batzordea: | |||
Batzordeburua | José Antonio Gómez Limón | Katedraduna | Kordoba |
Batzordekide idazkaria | Pablo Arocena Garro | Katedraduna | NUP |
2. batzordekidea | José María Sumpsi Viñas | Katedraduna | Madrilgo Politeknikoa |
Ordezko 2. batzordea: | |||
Batzordeburua | Manuel Sánchez Pérez | Katedraduna | Almería |
Batzordekide idazkaria | José Alberto Bayo Moriones | Katedraduna | NUP |
2. batzordekidea | Ernest Reig Martínez | Katedraduna | València |
LANPOSTU ZK.: 5121 | |||
Batzorde titularra: | |||
Batzordeburua | Juan Alberto Aragón Correa | Katedraduna | Granada |
Batzordekide idazkaria | José Alberto Bayo Moriones | Katedraduna | NUP |
2. batzordekidea | José Joaquín Céspedes Lorente | Katedraduna | Almería |
Ordezko 1. batzordea: | |||
Batzordeburua | Isabel Gutiérrez Calderón | Katedraduna | Madrilgo Carlos III |
Batzordekide idazkaria | Pablo Arocena Garro | Katedraduna | NUP |
2. batzordekidea | Isabel Suárez González | Katedraduna | Salamanca |
Ordezko 2. batzordea: | |||
Batzordeburua | Pere Ortín Ángel | Katedraduna | Bartzelonako Autonomoa |
Batzordekide idazkaria | Emilio Huerta Arribas | Katedraduna | NUP |
2. batzordekidea | María Jesús Nieto Sánchez | Katedraduna | Madrilgo Carlos III |
LANPOSTU ZK.: 4921 | |||
Batzorde titularra: | |||
Batzordeburua | María Pau Ginebra Molins | Katedraduna | Kataluniako Politeknikoa |
Batzordekide idazkaria | Carmelo Luis Pérez | Katedraduna | NUP |
2. batzordekidea | Vicente Amigo Borrás | Katedraduna | Politècnica de València |
Ordezko 1. batzordea: | |||
Batzordeburua | José Ignacio Peña Torre | Katedraduna | Zaragoza |
Batzordekide idazkaria | María Rosario Pereiro García | Katedraduna | Oviedo |
2. batzordekidea | Alejandro Pérez Rodríguez | Katedraduna | Bartzelona |
Ordezko 2. batzordea: | |||
Batzordeburua | María Dolores Salvador Moya | Katedraduna | Politècnica de València |
Batzordekide idazkaria | Nerea Acebedo García | Katedraduna | Oviedo |
2. batzordekidea | Luis Llanes Pitarch | Katedraduna | Kataluniako Politeknikoa |
LANPOSTU ZK.: 4704 | |||
Batzorde titularra: | |||
Batzordeburua | Pilar Barreiro Elorza | Katedraduna | Madrilgo Politeknikoa |
Batzordekide idazkaria | José Luis Torres Escribano | Katedraduna | NUP |
2. batzordekidea | Pedro José Aguado Rodríguez | Katedraduna | León |
Ordezko 1. batzordea: | |||
Batzordeburua | Francisco López Giménez | Katedraduna | Kordoba |
Batzordekide idazkaria | Antonio Torregrosa Mira | Katedraduna | Politècnica de València |
2. batzordekidea | María José Polo Gómez | Katedraduna | Kordoba |
Ordezko 2. batzordea: | |||
Batzordeburua | Jesús Pomar Goma | Katedraduna | Lleida |
Batzordekide idazkaria | Manuel Guaita Fernández | Katedraduna | Santiago |
2. batzordekidea | Bernardo Martín Górriz | Katedraduna | Cartagenako Politeknikoa |
LANPOSTU ZK.: 4705 | |||
Batzorde titularra: | |||
Batzordeburua | Pilar Barreiro Elorza | Katedraduna | Madrilgo Politeknikoa |
Batzordekide idazkaria | José Luis Torres Escribano | Katedraduna | NUP |
2. batzordekidea | Pedro José Aguado Rodríguez | Katedraduna | León |
Ordezko 1. batzordea: | |||
Batzordeburua | Francisco López Giménez | Katedraduna | Kordoba |
Batzordekide idazkaria | Antonio Torregrosa Mira | Katedraduna | Politècnica de València |
2. batzordekidea | María José Polo Gómez | Katedraduna | Kordoba |
Ordezko 2. batzordea: | |||
Batzordeburua | Jesús Pomar Goma | Katedraduna | Lleida |
Batzordekide idazkaria | Manuel Guaita Fernández | Katedraduna | Santiago |
2. batzordekidea | Bernardo Martín Górriz | Katedraduna | Cartagenako Politeknikoa |
LANPOSTU ZK.: 4706 | |||
Batzorde titularra: | |||
Batzordeburua | Luis María Garrote de Marcos | Katedraduna | Madrilgo Politeknikoa |
Batzordekide idazkaria | José Roldán Cañas | Katedraduna | Kordoba |
2. batzordekidea | Joaquín Andreu Álvarez | Katedraduna | Politècnica de València |
1. ordezko batzordea: | |||
Batzordeburua | María José Polo Gómez | Katedraduna | Kordoba |
Batzordekide idazkaria | José Luis Torres Escribano | Katedraduna | NUP |
2. batzordekidea | Miguel Quemada Sáenz-Badillos | Katedraduna | Madrilgo Politeknikoa |
Ordezko 2. batzordea: | |||
Batzordeburua | Francisco Samper Calvete | Katedraduna | A Coruña |
Batzordekide idazkaria | Emilio Camacho Poyato | Katedraduna | Madrilgo Politeknikoa |
2. batzordekidea | Juan A. Mintegui Aguirre | Katedraduna | Madrilgo Politeknikoa |
LANPOSTU ZK.: 5122 | |||
Batzorde titularra: | |||
Batzordeburua | Alberto Coronas Salcedo | Katedraduna | Rovira i Virgili |
Batzordekide idazkaria | Ramón Cabello López | Katedraduna | Castelloko Jaume I |
2. batzordekidea | José Manuel Cejudo López | Katedraduna | Málaga |
Ordezko 1. batzordea: | |||
Batzordeburua | José Manuel Pinazo Ojer | Katedraduna | Politècnica de València |
Batzordekide idazkaria | Julio Francisco San José Alonso | Katedraduna | Valladolid |
2. batzordekidea | Antonio Ruiz Celma | Katedraduna | Extremadura |
Ordezko 2. batzordea: | |||
Batzordeburua | Luis María Serra de Renobales | Katedraduna | Zaragoza |
Batzordekide idazkaria | Luis Miguel Romeo Giménez | Katedraduna | Zaragoza |
2. batzordekidea | María del Carmen Martín González | Katedraduna | Valladolid |
LANPOSTU ZK.: 5127 | |||
Batzorde titularra: | |||
Batzordeburua | Eduardo Lorenzo Pigueiras | Katedraduna | Madrilgo Politeknikoa |
Batzordekide idazkaria | Francisco Javier Arregui San Martín | Katedraduna | NUP |
2. batzordekidea | Jorge Aguilera Tejero | Katedraduna | Jaén |
Ordezko 1. batzordea: | |||
Batzordeburua | Inmaculada Zamora Belver | Katedraduna | EHU |
Batzordekide idazkaria | Manuel Lopez-Amo Sainz | Katedraduna | NUP |
2. batzordekidea | Abelardo Martínez Iturbe | Katedraduna | Zaragoza |
Ordezko 2. batzordea: | |||
Batzordeburua | David Benito Pertusa | Katedraduna | NUP |
Batzordekide idazkaria | Eduard Llobet Valero | Katedraduna | Rovira i Virgili |
2. batzordekidea | Gabriel Garcera San Feliu | Katedraduna | Politècnica de València |
LANPOSTU ZK.: 4920 | |||
Batzorde titularra: | |||
Batzordeburua | María Magdalena Salazar Palma | Katedraduna | Madrilgo Carlos III |
Batzordekide idazkaria | Antonio Jesús López Martín | Katedraduna | NUP |
2. batzordekidea | Vicente Enrique Boria Esbert | Katedraduna | Politècnica de València |
Ordezko 1. batzordea: | |||
Batzordeburua | Eduardo Artal Latorre | Katedraduna | Kantabria |
Batzordekide idazkaria | Antonio Tazón Puente | Katedraduna | Kantabria |
2. batzordekidea | Daniel Segovia Vargas | Katedraduna | Madrilgo Carlos III |
Ordezko 2. batzordea: | |||
Batzordeburua | Antonio García Pino | Katedraduna | Vigo. |
Batzordekide idazkaria | Carlos Luis Camacho Peñalosa | Katedraduna | Málaga |
2. batzordekidea | Juan Luis Ordiales Basterrechea | Katedraduna | EHU |
LANPOSTU ZK.: 5123 | |||
Batzorde titularra: | |||
Batzordeburua | Javier Ramírez Pérez de Inestrosa | Katedraduna | Granada |
Batzordekide idazkaria | Antonio Jesús López Martín | Katedraduna | NUP |
2. batzordekidea | Begoña Acha Piñero | Katedraduna | Sevilla |
Ordezko 1. batzordea: | |||
Batzordeburua | Antonio Albiol Colomer | Katedraduna | Politècnica de València |
Batzordekide idazkaria | Ferrán Marqués Acosta | Katedraduna | Kataluniako Politeknikoa |
2. batzordekidea | Montserrat Pardas Feliu | Katedraduna | Kataluniako Politeknikoa |
Ordezko 2. batzordea: | |||
Batzordeburua | Antoni Gasull Llampallas | Katedraduna | Kataluniako Politeknikoa |
Batzordekide idazkaria | Sergio Cruces Álvarez | Katedraduna | Sevilla |
2. batzordekidea | Juan Manuel Górriz Sáez | Katedraduna | Granada |
LANPOSTU ZK.: 2691 | |||
Batzorde titularra: | |||
Batzordeburua | Clemente Navarro Yañez | Katedraduna | Pablo de Olavide |
Batzordekide idazkaria | José Miguel Beriain Rázquin | Katedraduna | NUP |
2. batzordekidea | Luis Enrique Alonso Benito | Katedraduna | Madrilgo Autonomoa |
Ordezko 1. batzordea: | |||
Batzordeburua | Cristobal Torres Albero | Katedraduna | Madrilgo Autonomoa |
Batzordekide idazkaria | Lourdes Lostao Unzu | Katedraduna | NUP |
2. batzordekidea | Ramón Ramos Torres | Katedraduna | Madrilgo Konplutentsea |
Ordezko 2. batzordea: | |||
Batzordeburua | Cecilia Díaz Méndez | Katedraduna | Oviedo |
Batzordekide idazkaria | Roberto Garvia Soto | Katedraduna | Madrilgo Carlos III |
2. batzordekidea | Rodolfo Gutiérrez Palacios | Katedraduna | Oviedo |
LANPOSTU ZK.: 4919 | |||
Batzorde titularra: | |||
Batzordeburua | Clemente Navarro Yañez | Katedraduna | Pablo de Olavide |
Batzordekide idazkaria | José Miguel Beriain Rázquin | Katedraduna | NUP |
2. batzordekidea | Luis Enrique Alonso Benito | Katedraduna | Madrilgo Autonomoa |
Ordezko 1. batzordea: | |||
Batzordeburua | Cristobal Torres Albero | Katedraduna | Madrilgo Autonomoa |
Batzordekide idazkaria | Lourdes Lostao Unzu | Katedraduna | NUP |
2. batzordekidea | Ramón Ramos Torres | Katedraduna | Madrilgo Konplutentsea |
Ordezko 2. batzordea: | |||
Batzordeburua | Cecilia Díaz Méndez | Katedraduna | Oviedo |
Batzordekide idazkaria | Roberto Garvia Soto | Katedraduna | Madrilgo Carlos III |
2. batzordekidea | Rodolfo Gutiérrez Palacios | Katedraduna | Oviedo |
LANPOSTU ZK.: 5118 | |||
Batzorde titularra: | |||
Batzordeburua | Clemente Navarro Yañez | Katedraduna | Pablo de Olavide |
Batzordekide idazkaria | José Miguel Beriain Rázquin | Katedraduna | NUP |
2. batzordekidea | Luis Enrique Alonso Benito | Katedraduna | Madrilgo Autonomoa |
Ordezko 1. batzordea: | |||
Batzordeburua | Cristobal Torres Albero | Katedraduna | Madrilgo Autonomoa |
Batzordekide idazkaria | Lourdes Lostao Unzu | Katedraduna | NUP |
2. batzordekidea | Ramón Ramos Torre | Katedraduna | Madrilgo Konplutentsea |
Ordezko 2. batzordea: | |||
Batzordeburua | Cecilia Díaz Méndez | Katedraduna | Oviedo |
Batzordekide idazkaria | Roberto Garvia Soto | Katedraduna | Madrilgo Carlos III |
2. batzordekidea | Rodolfo Gutiérrez Palacios | Katedraduna | Oviedo |
LANPOSTU ZK.: 5119 | |||
Batzorde titularra: | |||
Batzordeburua | Clemente Navarro Yañez | Katedraduna | Pablo de Olavide |
Batzordekide idazkaria | José Miguel Beriain Rázquin | Katedraduna | NUP |
2. batzordekidea | Luis Enrique Alonso Benito | Katedraduna | Madrilgo Autonomoa |
Ordezko 1. batzordea: | |||
Batzordeburua | Cristobal Torres Albero | Katedraduna | Madrilgo Autonomoa |
Batzordekide idazkaria | Lourdes Lostao Unzu | Katedraduna | NUP |
2. batzordekidea | Ramón Ramos Torre | Katedraduna | Madrilgo Konplutentsea |
Ordezko 2. batzordea: | |||
Batzordeburua | Cecilia Díaz Méndez | Katedraduna | Oviedo |
Batzordekide idazkaria | Roberto Garvia Soto | Katedraduna | Madrilgo Carlos III |
2. batzordekidea | Rodolfo Gutiérrez Palacios | Katedraduna | Oviedo |
IV. ERANSKINA
Unibertsitateko irakaskidegoetako lanpostuetan sartzeko lehiaketan onartzeko eskabidea: http://www2.unavarra.es/gesadj/registroGeneral/instancias/recursos-humanos/plazas-cdu.pdf
Iragarkiaren kodea: F1902727
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
