41. ALDIZKARIA - 2019ko otsailaren 28a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

EGUESIBAR

Deialdia, Udaltzaingoko inspektoreorde izateko lanpostu bat mailaz igotzeko lehiaketa bidez betetzeko

Tokiko Gobernu Batzarrak 2019ko otsailaren 11ko bilkuran onetsia.

Hona hemen deialdiaren oinarriak:

1. oinarria.–Arau orokorrak.

1.1. Deialdi honen xedea da Eguesibarko Udaltzaingoko inspektoreorde izateko lanpostu bat oposizio-lehiaketa bidez betetzea, ondoko hauei jarraituz: Nafarroako Poliziei buruzko 23/2018 Foru Legea, Nafarroako Polizia Kidegoetako Langileen Erregelamendua, gainerako aplikazio arauak eta deialdiaren oinarrietan xedatutakoa. Lanpostuak 10.23 zenbakia du plantilla organikoan.

1.2. Lanpostu hutsa barne igoera txandakoa da, eta bete gabe deklaratuko da, baldin eta hutsik gelditzen bada, hautaprobak gainditzeko eskatzen den gutxieneko puntuaziora ez iristeagatik.

1.3. Baldin eta deialdi honen xede den lanposturako izendatzen den funtzionarioa afiliaturik badago eskubide pasiboen eta osasun eta gizarte laguntzaren araubidean, alegia, Nafarroako Foru Komunitateko administrazioen zerbitzuko langileen Estatutuak eta gainerako xedapen osagarriek aipatzen duten hartan, aukeran izanen du bertan segitzeko edo Gizarte Segurantzan afiliatzeko.

1.4. Izendatzen den izangaiak Nafarroako Poliziei buruzko 23/2018 Foru Legean eta hori garatzen duten arauetan ezarritako eginkizunak, eskubideak eta betebeharrak izanen ditu, eta Foru Lege horretan ezartzen diren mailetako B mailaren barnean geldituko da sailkaturik.

1.5. Lanaldiaren araubidea zerbitzuaren beharretara egokituko da.

2. oinarria.–Izangaien betebeharrak.

2.1. Oposizio-lehiaketa honetan onartuak izateko, izangaiek baldintza hauek bete beharko dituzte:

a) Gutxienez ere 3 urteko antzinatasuna izatea Eguesibarko Udaleko Udaltzaingoaren zerbitzuko kabo lanpostuan.

b) Unibertsitateko diplomadun, ingeniari tekniko edo arkitekto tekniko edo hirugarren mailako lanbide heziketaren titulua edo titulu baliokidea izatea.

Atzerrian lortutako tituluak badira, homologazioaren egiaztagiria eduki beharko da.

3.–Jatorrizko lanpostuan jarduneko zerbitzuan, zerbitzu berezietan edo eszedentzia berezian egotea.

2.2. Betebehar horiek bete beharko dituzte eskabideak aurkezteko epea bukatzean eta lanpostuaz jabetu arte.

3. oinarria.–Eskaerak aurkeztea.

3.1. Eskabideak.

a) Eskabideak deialdi honen eranskineko ereduari lotu behar zaizkio (II. eranskina) eta, haietan, izangaiek adierazi beharko dute eskatutako baldintza guztiak betetzen dituztela. Eskabide eredua Herritarren Arretarako Bulegoan eskuratu ahalko da.

b) Deialdian parte hartzeko eskabideak hogeita hamar egun naturaleko epean aurkeztuko dira, hura Nafarroako Aldizkari Ofizialean argitaratu eta biharamunetik kontatzen hasita. Azken eguna baliogabea bada, hurrengo lehen egun balioduna arte luzatuko da epea.

c) Eskabidean atzematen diren akats materialak edo egitezkoak ofizioz edo interesdunak eskaturik zuzendu ahalko dira, noiznahi zuzendu ere.

d) Deialdian parte hartzeko eskabideak Eguesibarko Udalaren Erregistro Elektroniko Orokorrean edo Herritarren Arretarako Bulegoan aurkeztu beharko dira (Garajonay kalea, 1, Sarriguren), edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aipatzen diren bideetako edozein erabiliz.

Eskabidea posta bulego batean aurkeztuz gero, gutun-azal irekian aurkeztuko da, postako langileek, ziurtatu aurretik, data eta zigilua jar ditzaten.

3.2. Eskabideari erantsi beharreko dokumentazioa.

a) Nortasun Agiri Nazionalaren aurrealdearen eta atzealdearen fotokopia behar bezala konpultsatua.

b) Eguesibarko Udaltzaingoko kabo lanpostuaren jabetza hartuz geroztik 3 urteko antzinatasuna, gutxienez ere, baduela frogatzen duen dokumentazioa, baita interesdunaren egoera administratiboari eta egindako zerbitzu aitortuei buruzkoa ere.

c) Deialdi honetako 2. oinarrian bildutako titulu akademiko bakoitzaren kopia konpultsatua.

d) Izangaiak alegatzen dituen merezimenduen frogagiriak, deialdiaren II. eranskinean ezarritako baremoaren arabera baloratzeko.

3.3. Eskabideak aurkezteko epea luzaezina da.

4. oinarria.–Izangaien onarpena eta erreklamazioak.

4.1. Eskabideak aurkezteko epea bukatutakoan, alkate udalburuak ebazpena emanen du onartu eta baztertuen behin-behineko zerrenda onesteko, eta Nafarroako Aldizkari Ofizialean argitaratzeko aginduko du. Ezarritako epean eskaerarik aurkeztu ezean, oposizio-lehiaketa bete gabe gelditu dela deklaratzen duen ebazpena emanen da.

4.2. Izangai baztertuek 5 egun balioduneko epea izanen dute, Nafarroako Aldizkari Ofizialean argitaratzen denetik hasita, erreklamazioak aurkezteko eta, akatsik bada, haiek zuzentzeko.

4.3. Erreklamazioetarako epea iragandakoan eta haiei erantzun ondotik, alkate udalburuak ebazpena emanen du onartu eta baztertuen behin betiko zerrenda onesteko, eta Nafarroako Aldizkari Ofizialean argitaratzeko aginduko du.

4.4. Aurreko idatz-zatietan aipatzen diren behin-behineko eta behin betiko zerrendetan izangai bakoitzaren plaka zenbakia agertuko da soilik.

5. oinarria.–Oposizio-lehiaketaren nondik norakoa.

5.1. Oposizio-lehiaketa bi alditan eginen da, lehiaketaldia lehenbizi eta oposizioaldia gero, oinarri hauetan zehazten den gisara.

Onartu eta baztertuen behin betiko zerrenda onesten duen ebazpen berean zehaztuko da oposizio-lehiaketa osatzen duten probak non, noiz eta zer ordutan hasiko diren. Gainerako proben hurrenez hurreneko iragarkiak Udaletxeko iragarki-taulan eta Udalaren web-orrian emanen dira argitara, 48 ordu lehenago.

5.2. Lehiaketaldia. Lehiaketaldian baloratuko dira izangaiek alegatu eta behar bezala frogaturiko merezimenduak, eta gehienez ere 65 puntu emanen dira:

a) Administrazio publikoetan egindako zerbitzuak: gehienez 30 puntu.

b) Prestakuntza, irakaskuntza, ikerketa eta beste merezimendu batzuk: gehienez 15 puntu.

c) Hizkuntzak jakitea: gehienez 15 puntu.

d) Sariak: gehienez 5 puntu.

Aurreko ataletan alegatu eta frogaturiko merezimenduak epaimahaiak kalifikatu eta puntuatuko ditu, deialdiko III. eranskineko baremoaren arabera. Izangaiek lehiaketan parte hartzeko eskabidea aurkezten duten unean alegatu eta agiri bidez frogatu beharko dituzte beren merezimenduak.

Epaimahaiak ez du inolaz ere kontuan hartuko alegatu ez den eta agiri bidez frogatu ez den merezimendurik, eta ez du adierazitako puntuazioa baino altuagorik emanen merezimenduen atal bakoitzean.

Epaimahaiak azalpenak eta datu osagarriak eskatzen ahalko ditu, lehiatzaileek alegatutako merezimenduei buruz.

5.3. Oposizioaldia.

5.3.1. Oposizioaldian honako proba hauek sartuko dira:

a) Ezagutza proba.

b) Proba psikoteknikoak.

Proba guztiak deialdi bakarrean eginen dira. Bazterturik geldituko dira haietako edozeinetara agertzen ez diren izangaiak.

5.3.2. Ezagutza probetan gehienez ere 100 puntu lor daitezke. Proba horiek honako hauek izanen dira:

a) Lehenengo ariketa: ezagutza proba:

idatzizko proba egitea.Gehienez ere 100 puntu lor daitezke. Ariketa bat edo gehiago egin beharko dira, eskatutako maila akademikora eta inspektoreordearen eginkizunetara egokituak. Baztertzaileak izanen dira eta bazterturik geldituko dira puntuazioaren erdia erdiesten ez duten izangaiak. Lanpostuari dagozkion eginkizunei buruzkoa izanen da, hala nola, Udaltzaingoaren zerbitzuaren zuzendaritza, langile eta baliabideen kudeaketa, protokoloak eta burutzari laguntzea, planifikazioa eta erakunde polizial eta judizialekin koordinatzea.

5.3.3. Izangaiak lanpostuaren profil profesiografikoaren eskakizunei noraino egokitzen zaizkien zehaztea dute helburu proba psikoteknikoek. Proba hori Nafarroako Administrazio Publikoaren Institutuko Psikologia Aplikatuaren Zerbitzuak eginen du eta gehienez ere 35 puntu lortzen ahal dira.

Nafarroako Administrazio Publikoaren Institutuko Psikologia Aplikatuaren Zerbitzuak, probak egin ondoren, txosten psikotekniko bat emanen du lehiatzaile bakoitzari buruz. Hartan, norbera deialdiaren xedeko lanpostuaren izaera eta ezaugarriei nola egokitzen zaien baloratuko da. Zerbitzu horrek txosten psikoteknikoan izangai bakoitzari ematen dion puntuazioa loteslea izanen da epaimahaiarentzat.

Proba psikotekniko hau ez da baztertzailea izanen.

6. oinarria.–Epaimahaiaren osaera, eraketa eta jarduketa.

6.1. Epaimahaia honako hauek osatuko dute:

Epaimahaiburua: Alfonso Etxeberria Goñi, Eguesibarko Udaleko alkatea. Ordezkoa: Helena Arruabarrena Polite, Segurtasuneko zinegotzi delegatua.

Mahaikidea: Íñigo de Carlos Mina, Eguesibarko Udaltzaingoko burua. Ordezkoa: Egoi Beperet Redín, Burlatako Udaltzaingoko burua.

Mahaikidea: langileen ordezkari bat, Eguesibarko Udaleko Langileen Batzordeak proposatua. Ordezkoa: langileen ordezkari bat, Eguesibarko Udaleko Langileen Batzordeak proposatua.

Idazkaria: Jesús Erburu Arbizu, Eguesibarko Udaleko idazkaria. Ordezkoa: María Teresa Osta Peteiro, Eguesibarko Udaleko langileen teknikaria.

6.2. Epaimahaia probak hasi baino lehenago eratuko da, mahaiburuak deituta.

6.3. Epaimahaia ezin izanen da eratu, ezta jardun ere, gutxienez kideen gehiengo osoa bildu gabe.

Epaimahaiaren eraketak balioa izan dezan, mahaiburuak eta idazkariak bertan egon behar dute edo, hala ez bada, haien ordezkoek.

6.4. Epaimahaiak gehiengoz ebatziko ditu deialdi honetako oinarrien interpretazio eta aplikazioari buruzko arazo guztiak. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.

7. oinarria.–Probak gainditu dituztenen zerrenda eta agirien aurkezpena.Hautapen prozesua bukatuta, epaimahaiak puntuazioak eta azken kalifikazioa emanen ditu argitara. Izangai bakoitzaren azken kalifikazioa ateratzeko, lehiaketaldiko eta oposizioaldiko puntuazioak batuko dira. Epaimahaiak izendapen proposamena eginen du probak gainditu dituen izangaiaren alde.

8. oinarria.–Izendapena eta jabetza hartzea.

8.1. Alkatetzak Eguesibarko Udaltzaingoko inspektoreorde izendatuko du aitzineko apartatuan aipatu proposamenean sartutako izangaia, hautapen prozesuan puntuaziorik handiena lortu duena, eta izendapena Nafarroako Aldizkari Ofizialean argitaratzeko aginduko du.

8.2. Izangaiak izendapenean erabakitzen den egunean hartu beharko du lanpostuaren jabetza. Izangaietako bat adierazitako epearen barruan karguaz jabetzen ez bada, mailaz igotzeko eskubidea galduko du, behar bezala frogaturiko ezinbesteko kasuetan salbu.

9. oinarria.–Errekurtsoak.

Deialdi honen, oinarrien eta aplikatzeko egintzen aurka ondoko errekurtsoetako bat aurkez daiteke, hautara:

a) Berraztertzeko errekurtsoa, egintza eman duen organo berari zuzendua, hilabeteko epean, hura jakinarazi edo argitaratu eta biharamunetik hasita.

b) Administrazioarekiko auzi-errekurtsoa, Administrazioarekiko Auzien Iruñeko Epaitegiari zuzendua, bi hilabeteko epean, errekurtsoaren xedeko egintza edo erabakia jakinarazi edo argitaratu eta biharamunetik hasita.

c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.

Epaimahaiaren egintzen aurka gora jotzeko errekurtsoa aurkez daiteke, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.

II. ERANSKINA

Eskabide orria (PDFa).

III. ERANSKINA

Merezimenduak baloratzeko baremoa

a) Administrazio publikoetan egindako zerbitzuak: gehienez ere 30 puntu.

–Nafarroako Polizia Kidego batean, lanpostu finkoan egindako zerbitzu urte bakoitzeko: 1,50 puntu, kaboaren lanpostuan; 1,25 puntu, polizia lanpostuan. Nafarroako Polizia Kidego batean, bitarteko gisa eta deialdiko lanpostuan egindako urte bakoitzeko: 1,65 puntu. Administrazio publiko baten bestelako Segurtasun Indar eta Kidegoetan, lanpostu finkoan, egindako zerbitzuak: 1,50 puntu, kaboaren lanpostuan; 1,25 puntu, polizia lanpostuan. Edozein administrazio publikotan, lanpostu finkoan, polizia kidego batekoak ez diren lanpostuetan egindako zerbitzuak: 0,25 puntu, urte bakoitzeko.

Oharrak:

1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen zaio.

2. Lanaldi partzialean egindako zerbitzuen kasuan, behar den zatia kenduko da.

3. Deialdia argitaratu ondoren egindako zerbitzuak ez dira baloratuko.

4. Funtzionarioa zerbitzu berezietan edo eszedentzia berezian egon bada, edo unitate organiko bateko buru edo zuzendari lanetan aritu bada, aldi horietako zerbitzuak kontatzeko, egoera horietan sartzean zuen lanpostuan egin izan balitu bezala kontatuko dira.

b) Prestakuntza, irakaskuntza eta ikerketa, eta beste merezimendu batzuk: gehienez ere 15 puntu.

1. Erakunde edo zentro publikoek eta unibertsitateek antolatutako prestakuntza ekintzetan parte hartzea: 0,10 puntu kreditu akademiko edo horren baliokide bakoitzeko (10 ikastordu), eta gehienez ere 10 puntu.

Oharrak:

1. Baloratu beharreko prestakuntza ekintzetan, irakastorduen zatikiak hainbanatuko dira.

2. Irakastorduen kopurua agertzen ez duten ziurtagiriei kreditu bateko balorazioa emanen zaie.

3. Ikasturte bateko iraupena frogatzen duten ziurtagiriei 12 kredituko balorazioa emanen zaie.

4. Ikastaro bakoitzeko gehienez ere eman daitekeen balorazioa puntu 1 da.

5. Erakunde antolatzaileari buruzko betebeharrak betetzen ez badituzte ere, Administrazioak agindurik edo oniritzirik eginak diren prestakuntza ekintzetan parte hartzea puntuazio berarekin baloratuko da. Horien artean, espresuki, sindikatuek administrazio publikoetako etengabeko prestakuntzarako itunen barnean antolatuak sartuko dira.

6. Kabo lanpostuaren jabetza egunetik aitzinera egindako prestakuntza ekintzak soilik baloratuko dira.

2. Biltzar edo jardunaldietan txostenak edo komunikazioak aurkeztea, beka edo saria jaso duten zientzia edo ikerketa lanak egitea eta aldizkari espezializatuetan lanak argitaratzea: 3 puntu, gehienez ere, epaimahaiak baloratu beharrekoa, kontuan hartuz lana edo jarduera bakar batek edo taldean egina den eta biltzarra edo argitalpena zein mailatakoa den, tokikoa, eskualdekoa, naziokoa edo nazioartekoa.

Oharra:

Aurreko lerroaldeko ekintzak baloratuko dira, baldin eta kabo lanpostuaren jabetza egunetik aitzinera eginak badira.

3. Sektore publikoan prestakuntza ekintzak antolatzea eta/edo halakoetan irakasle gisa parte hartzea: gehienez ere 2 puntu, epaimahaiak haien iraupenaren arabera baloratu beharrekoak.

Oharra: aurreko lerroaldeko ekintzak baloratuko dira, baldin eta kabo lanpostuaren jabetza egunetik aitzinera eginak badira.

4. Titulazio eta espezialitate akademikoak, deialdian eskatu ez direnak: gehienez ere 4 puntu.

5. Doktore edo lizentziatu gradua, deialdian eskatutako titulazioari buruzkoa: gehienez ere 2 puntu.

6. Beste batzuk, epaimahaiak baloratu beharrekoak: hizkuntzak, sektore pribatuko lanak, prestakuntzarako beka edo egonaldiak, edo kontsulta, aholkularitza, partaidetza edo ordezkaritza organoetan parte hartzea: gehienez ere 4 puntu.

Oharrak b) apartatu osorako:

1. Apartatu honetan jasotako merezimenduak lanpostuarekin zerikusia dutenean baizik ez dira baloratuko. Inspektoreorde lanpostua eskuratzeko prestakuntza ikastaroak ez dira inondik ere baloratuko.

c) Hizkuntzak jakitea: gehienez ere 15 puntu.

1. Frantsesez, ingelesez edo alemanez jakiteagatik, Europar Batasuneko hizkuntza ofizialak baitira, 5na puntu gehienez ere.

2. Hizkuntza Eskola Ofizial batek emandako Gaitasun Agiria edo ofizialki baliokidetzat jotzen den titulua edukitzeagatik, aurreko atalean hizkuntza bakoitzerako adierazten den gehieneko puntuazioa eskuratuko da. Halako titulaziorik ez dutenei, hizkuntza eskola ofizial batean gainditutako maila bakoitzagatik gehienez eman daitekeen puntuazioaren bostena emanen zaie.

d) Sariak: gehienez ere 5 puntu.

1. Zerbitzu Goraipagarrien Plakagatik: 1,25 puntu.

2. Zerbitzu Goraipagarrien Dominagatik: 0,75 puntu.

3. Jendaurreko esker onagatik: 0,50 puntu.

4. Esker on pribatuagatik: 0,25 puntu.

Sarrigurenen (Eguesibar), 2019ko otsailaren 11n.–Alkatea, Alfonso Etxeberria Goñi.

Iragarkiaren kodea: L1902210