4. ALDIZKARIA - 2019ko urtarrilaren 8a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

72C/2018 EBAZPENA, azaroaren 15ekoa, Politika Ekonomiko eta Enpresarialaren eta Lanaren zuzendari nagusiak emana. Honen bidez erabakitzen da Iruñeko hiriko bide garbiketako langileentzako Fomento de Construcciones y Contratas SA enpresaren hitzarmen kolektiboa erregistratu, gorde eta Nafarroako Aldizkari Ofizialean argitaratzea.

Aztertu da Iruñeko Iruñeko hiriko bide garbiketako langileentzako Fomento de Construcciones y Contratas SA enpresaren hitzarmen kolektiboa (kode zenbakia: 31008571012006), erregistro honetan 2018ko uztailaren 19an sartu zena, enpresaren ordezkariek eta sindikatuetako ordezkarien zati batek (UGT, CCOO eta Independenteak) 2018ko ekainaren 21ean sinatua, eta 2018ko urriaren 23an zuzendu zena, honako hauetan ezarritakoaren arabera: Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuak eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretua. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2018ko azaroaren 15ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Iruñeko hiriko bide garbiketako langileentzako Fomento de Construcciones y Contratas SA enpresaren hitzarmen kolektiboa (PDFa).

Iragarkiaren kodea: F1814409