2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BUÑUEL
2019ko lan egutegia
Buñuelgo Udaleko alkate udalburuaren urtarrilaren 28ko 6/2019 Ebazpenaren bidez, Buñuelgo Udaleko langileen 2019ko lan egutegia onetsi da, bai eta epeak kontatzeari dagokionez egun baliogabeen deklarazioa ere.
Kontuan harturik abuztuaren 30eko 251/1993 Legegintzako Foru Dekretuan xedatutakoa, zeinaren bidez onesten baita Nafarroako Administrazio Publikoen Zerbitzuko langileen estatutuaren testu bategina; eta martxoaren 24ko 1/1995 Legegintzako Errege Dekretuaren 34.6 artikulua, Langileen Estatutuaren Legearen testu bategina onesten duena, zeinak ezartzen baitu enpresak urtero prestatu behar duela lan egutegia.
Abenduaren 26ko 26/2012 Foru Legearen 4. artikuluan ezarritakoari jarraikiz, haren bidez aldatu baitzen Nafarroako Administrazio Publikoen zerbitzuko langileen arloan presako zenbait neurri hartzeari buruzko ekainaren 21eko 13/2012 Foru Legea, zeinak ezarri baitzuen Nafarroako Administrazio Publikoetako funtzionarioen urteko egiazko lanordu kopurua 1.592 ordukoa izanen dela.
Kontuan harturik Toki Araubidearen Oinarriei buruzko apirilaren 2ko 7/1985 Foru Legearen 21.1.h) artikuluak eta Nafarroako Administrazio Publikoen Zerbitzuko Langileen Estatutuaren 84. artikuluak ematen didaten eskumena,
EBAZTEN DUT:
Lehenbizikoa.–Onestea Buñuelgo Udalaren zerbitzuko langileek 2019an izanen duten aste barreneko jaiegunen egutegia, honen ondotik ematen den bezala:
–Urtarrilaren 1a: Urteberri eguna.
–Urtarrilaren 7a: Errege egunaren ondoko astelehena.
–Urtarrilaren 17a: San Anton. Buñuelgo jaieguna.
–Martxoaren 19a: San Jose.
–Apirilaren 18a: Ostegun Santua.
–Apirilaren 19a: Ostiral Santua.
–Apirilaren 22a: Pazko biharamuna.
–Maiatzaren 1a: Langileen eguna.
–Abuztuaren 15a: Andre Mariaren Jasokundea.
–Azaroaren 1a: Santu Guztien eguna.
–Abenduaren 3a: San Frantzisko Xabierkoa.
–Abenduaren 6a: Konstituzioaren eguna.
–Abenduaren 25a: Eguberri eguna.
Bigarrena.–Baliogabeak izanen dira, 2019an epeak kontatzeari dagokionez, larunbat eta igande guztiak, eta aipatutako jaiegunak.
Hirugarrena.–Gainera, honako hauek ez dira lanegunak izanen:
a) Egiazko lan ordu gehiegi izateagatik:
–Uztailaren 25a eta 26a; abenduaren 24a eta 31.
b) Opor egun gisa kontatuko dira:
–Urtarrilaren 18a.
–Abuztuaren 16a, 19a, 20a eta 21a.
Laugarrena.–Urteko lanorduen banaketa.
Urteko lanordu kopurua egiazko 1.592 lanordukoa izanen da eta honela banatuko da:
a) Eguneroko lanaldiak 7 ordu eta 20 minutu iraunen du, 7:40tik 15:00ak arte, astelehenetik ostiralera.
b) Artikulu honen aurreko apartuetan ezarritako lanaldiaren banaketa ez zaie aplikatuko, zerbitzuko beharrak direla-eta, lanaldi berezia dutenei.
Bosgarrena.–Lan egutegi hau aldatzen ahalko da zerbitzuaren beharren arabera, langilearen baldintzen gainean gaur egun indarra duen araudiari jarraikiz.
Seigarrena.–Hau izanen da bulegoetan jendea hartzeko ordutegi orokorra: 12:00etatik 15:00ak arte.
Zazpigarrena.–Administrazio honetako zerbitzuen premiak direla-eta, eta horiek behar bezala jardun ahal izateko, zerbitzu bakoitzari atxikitako langileen %50ek baino gehiagok ezin izanen dituzte oporrak batera hartu.
Zortzigarrena.–Ebazpen hau igortzea langileen ordezkariei, eta Nafarroako Aldizkari Ofizialean eta Buñuelgo Herriko Etxeko iragarki-taulan argitaratzea, eta horren berri ematea Udalbatzari, egiten duen lehen osoko bilkura arruntean.
Aditzera ematen da, orok jakin dezan.
Buñuelen, 2019ko urtarrilaren 28an.–Alkatea, José Antonio Lasheras Sanz.
Iragarkiaren kodea: L1901303
