1. NAFARROAKO FORU KOMUNITATEA
1.7. BESTELAKOAK
15/2019 EBAZPENA, otsailaren 7koa, Industriaren, Energiaren eta Berrikuntzaren zuzendari nagusiak emana, “Tirapu haize-parkea (13,2 MW-koa), Añorbeko eta Artaxoako udal-mugarteetan” izeneko proiektuari dagozkion okupazio aurreko aktak egiteko deitzen duena.
Nafarroako Gobernuak 2014ko apirilaren 30ean egindako bilkuran, “Barasoain eta Tirapu haize-parkeak” izeneko proiektua, Desarrollo de Energías Renovables de Navarra SAk sustatua, Udalez gaindiko Proiektu Sektorial deklaratzea erabaki zuen. Nafarroako Gobernuak, 2017ko ekainaren 21ean egindako bilkuran, erabaki zuen onestea “Barasoain eta Tirapu haize-parkeak” izeneko Udalez gaindiko Proiektu Sektoriala, Desarrollo de Energías Renovables de Navarra SAk sustatua.Aurrekoa oinarri hartuta, 2017ko irailaren 18an, Desarrollo de Energías Renovables de Navarra SAk aurretiazko administrazio baimena eta eraikitzeko administrazio baimena eskatu zizkion Industriaren, Energiaren eta Berrikuntzaren Zuzendaritza Nagusiari haize-parke horietarako. 2017ko abenduaren 18an, Desarrollo de Energías Renovables de Navarra SAk eskaera horretan atzera egiteko dokumentua aurkeztu zuen.
Onura publikoaren deklarazioak berarekin dakar ukitutako ondasunak presaz okupatu beharra. Hori dela eta, bidezkoa da ondasun horien titularrei dei egitea, okupatu aurreko aktak egiteko.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskudantziak erabiliz,
EBAZTEN DUT:
1. Proiektu horrek ukitutako ondasun eta eskubideen titularrei eta Artaxoako alkateari edo hark eskuordetzen duen zinegotziari dei egitea, okupatu aurreko aktak eta, bidezko bada, behin betiko okupatzekoak egitera ager daitezen, Artaxoako udaletxean, 2019ko apirilaren 2an.
Aktak egiteko ordena eta ordutegia interesdunei jakinaraziko zaizkie banakako zitazio zedularen bitartez.
2. Ebazpen hau Naturgy Renovables SLU enpresa onuradunari jakinaraztea, behar diren ondorioak izan ditzan.
3. Ebazpen hau argitaratzea Nafarroako Aldizkari Ofizialean, Foru Komunitateko bi egunkaritan eta Artaxoako udaletxeko iragarki-taulan.
Iruñean, 2019ko otsailaren 7an.–Industriaren, Energiaren eta Berrikuntzaren zuzendari nagusia, Yolanda Blanco Rodríguez.
Iragarkiaren kodea: F1901882