1. NAFARROAKO FORU KOMUNITATEA
1.7. BESTELAKOAK
JENDAURREAN JARTZEA. Ingurumen baimen integratuaren aldaketa funtsezkoa eta ingurumen eraginaren ebaluazio arrunta egiteko prozeduraren aurretiazko fasea. Sustatzailea Integraciones Porcinas Javi Jiménez SL da.
Ingurumen Ebaluazioari buruzko abenduaren 9ko 21/2013 Legearen 36. artikuluan eta urriaren 18ko 815/2013 Errege Dekretuaren bidez onetsitako Kutsaduraren Prebentzio eta Kontrol Integratuei buruzko Legea garatzen duen Emisio industrialen Erregelamenduaren 15. artikuluak xedatutakoarekin bat, aditzera ematen da dokumentazioa jendaurrean egonen dela hogeita hamar egun balioduneko epean, iragarki hau Nafarroako Aldizkari Ofizialean argitaratzen denetik hasita, Landa Garapeneko, Ingurumeneko eta Toki Administrazioko Departamentuaren bulegoetan (Gonzalez Tablas kalea 9, beheko solairua, Iruña), jendea hartzeko orduetan (08:30etik 14:30era), eta beherago adierazten den Interneteko helbidean, edozein pertsona fisikok edo juridikok azter dezan eta, nahi izanez gero, alegazioak aurkez ditzan hogeita hamar egun balioduneko epe horretan.
Espedientearen kodea | 0001-0225-2019-000010 |
Instalazioa | Zerri azienda gizentzea |
Sailkapena | Martxoaren 22ko 4/2005 Foru Legea | 2B / 9.1 |
Abenduaren 16ko 1/2016 ELDa | 9.3.b) |
Azaroaren 24ko 2010/75/EB Zuzentaraua | 6.6.b) |
Abenduaren 9ko 21/2013 Legea | I. eranskina / 1. taldea |
Titularra | Integraciones Porcinas Javi Jiménez SL |
Kokapena | 2. poligonoa, 295. eta 343. lurzatiak |
Koordenatuak | UTM-ETRS89, ardatza: 30N, X: 616.561,000 eta Y: 4.668.325,000 |
Udalerria | Arguedas |
Proiektua | Zerri kopurua handitzea 3.344tik 6.000ra |
Proiektua baimentzeko organo eskuduna | Ingurumen Zuzendaritza Nagusia |
Informazioa eskatzeko organoa | Baimen Bulegoa. autprema@navarra.es |
Alegazioak aurkezteko organoa | Baimen Bulegoa. Alegazioak bide hauek erabiliz aurkezten ahalko dira: –Aurrez aurre: Nafarroako Gobernuaren erregistro bulegoak. –Telematika bidez: Nafarroako Atarian dagoen Erregistro Orokor Elektronikoaren bitartez (www.nafarroa.eus). –Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako gainontzeko bideetako edozein erabiliz. |
Jendaurrean jarritako dokumentazioa | –Ingurumen baimen integratuari buruzko proiektua. –Ingurumen eraginaren azterlana. |
Dokumentazioa kontsultatzeko Interneteko helbidea | http://www.navarra.es/home_es/Temas/Medio+Ambiente/Evaluacion+ambiental/Proyectos+en+informacion+publica.htm |
Iruñean, 2019ko abenduaren 2an.–Ekonomia Zirkularraren eta Klima Aldaketaren Zerbitzuko zuzendaria, Pedro Zuazo Onagoitia.
Iragarkiaren kodea: F1915525
