1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
127/2019 EBAZPENA, azaroaren 28koa, Landa Garapeneko zuzendari nagusiak emana, zeinaren bidez onesten baita Landa Garapeneko, Nekazaritzako eta Abeltzaintzako zuzendari nagusiaren urtarrilaren 18ko 48/2019 Ebazpenaren bidez baimendutako kreditua aldatzea. Ebazpen horren bidez, laguntzak emateko oinarri arautzaileak eta 2018ko deialdia onetsi ziren “Ureztapenetarako ez diren inbertsioak Nafarroako Ubidearen jarduketa eremutik kanpoko nekazaritzako ustiategietan” izeneko neurriari dagokionez, Nafarroako 2014-2020 Landa Garapeneko Programaren barnean. DDBN identifikazioa: 435905.
Landa Garapeneko, Nekazaritako eta Abeltzaintzako zuzendari nagusiaren urtarrilaren 18ko 48/2019 Ebazpenaren bidez, laguntzak emateko oinarri arautzaileak eta 2018ko deialdia onetsi ziren, “Ureztapenetarako ez diren inbertsioak Nafarroako Ubidearen jarduketa eremutik kanpoko nekazaritzako ustiategietan” izeneko neurriari dagokionez, Nafarroako 2014-2020 Landa Garapeneko Programaren barnean, 8.000.000 euroko baimendutako gastuarekin.
Landa Garapeneko, Nekazaritzako eta Abeltzaintzako zuzendari nagusiaren urtarrilaren 18ko 49/2019 Ebazpenaren bidez, Nafarroako Ubidearen jarduketa eremuko nekazaritzako ustiategiei laguntzak emateko oinarri arautzaileak eta 2018ko deialdia onetsi ziren, ureztapenerako ekipamenduetan inbertsioak egin ditzaten, “Inbertsioak nekazaritzako ustiategietan” izeneko neurriarekin bat, Nafarroako 2014-2020 Landa Garapeneko Programaren barnean, 2.000.000 euroko baimendutako gastuarekin.
48/2019 Ebazpenaren 3. puntuan ezarritakoaren arabera, baimendutako kredituari 2.000.000 euro gehitzen ahalko zaizkio gehienez ere, Dirulaguntzei buruzko azaroaren 9ko 11/2005 Foru Legearen 31.3) artikuluko a) letran ezarritako baldintzekin bat, betiere aurrekontuan dirua baldin badago, 2019ko aurrekontu orokorretako honako partida honen baliokidearen kargura: 720004 71630 7700 412102 partida, “Inbertsioak nekazaritzako ustiategietan. Landa Garapenerako Programa, Landa Garapenerako Europako Nekazaritza Funtsa 2014-2020” izenekoa.
Landa Garapeneko zuzendari nagusiaren urriaren 24ko 81/2019 Ebazpenaren bidez, Landa Garapeneko, Nekazaritzako eta Abeltzaintzako zuzendari nagusiaren urtarrilaren 18ko 49/2019 Ebazpenak ezarritako laguntzak eman eta ezetsi ziren. Ebazpen horren bidez, Nafarroako Ubidearen jarduketa eremuko nekazaritzako ustiategiei laguntzak emateko oinarri arautzaileak eta 2018ko deialdia onetsi ziren, ureztapenerako ekipamenduetan inbertsioak egin ditzaten, Nafarroako 2014-2020 Landa Garapeneko Programaren barnean.
Kontuan harturik, Nekazaritzako Ustiategien eta Elikagaien Sustapenerako Zerbitzuaren txostenaren arabera, Nafarroako Ubidearen jarduketa eremuko nekazaritzako ustiategiei (ureztapenerako ekipamenduetan inbertsioak egin ditzaten) laguntzak emateko ebazpeneko zenbatekoa txikiagoa dela deialdian baimendutakoa baino, eta, halaber, eman ez zen saldoa askatu dela, zilegi da baimendutako zenbatekoa handitzea “Ureztapenetarako ez diren inbertsioak Nafarroako Ubidearen jarduketa eremutik kanpoko nekazaritzako ustiategietan” izeneko deialdian, hura onesten duen ebazpenaren 3. puntuan ezarritakoarekin bat. Beraz, 1.500.000 euro gehituko zaizkio kredituari.
Adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak ematen dizkidaten eskudantziak erabiliz,
EBAZTEN DUT:
1. 1.500.000 euroko gastu gehigarria baimentzea Landa Garapeneko, Nekazaritako eta Abeltzaintzako zuzendari nagusiaren urtarrilaren 18ko 48/2019 Ebazpenaren bidez onetsitako laguntzen deialdian, 2020ko ekitaldian, 2019ko aurrekontu orokorretako honako partida honen baliokidearen kargura: 720004 71630 7700 412102 partida, “Inbertsioak nekazaritzako ustiategietan. Landa Garapenerako Programa, Landa Garapenerako Europako Nekazaritza Funtsa 2014-2020” izenekoa. Hortaz, baimendutako zenbatekoa 9.500.000 eurokoa izanen da.
2. Nafarroako Gobernuaren Dirulaguntzen Datu Baseari (NGDDB) jakinaraztea.
Ebazpen hau Nafarroako Gobernuaren Dirulaguntzen Datu Basean erregistratu beharko da.
3. Argitalpena.
Ebazpen hau Nafarroako Aldizkari Ofizialean argitaratzen da.
4. Administrazio errekurtsoak.
Ebazpen honen aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, ebazpen hau Nafarroako Aldizkari Ofizialean argitaratu eta biharamunetik hilabeteko epean.
Iruñean, 2019ko azaroaren 28an.–Landa Garapeneko zuzendari nagusia, Fernando Santafé Aranda.
Iragarkiaren kodea: F1915510
