1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
3489E/2019 EBAZPENA, azaroaren 26koa, Nafar Lansare-Nafarroako Enplegu Zerbitzuko zuzendari kudeatzaileak emana, María Eladia Fabo Apesteguía andrea, Nafar Lansare-Nafarroako Enplegu Zerbitzuko Desgaituak Lan Munduan Sartzen Laguntzeko Bulegoko burua, kargutik kentzen duena, berak eskatu baitu.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legeak 37.3 artikuluan ezartzen du atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla.
Nafarroako Administrazio Publikoen zerbitzuko Langileen Estatutuaren testu bategina onesten duen abuztuaren 30eko 251/1993 Legegintzako Foru Dekretuaren hirugarren xedapen gehigarriko 2. apartatuak xedatzen duenez, bulegoburuen bitarte baterako izendapena libreki errebokatzen ahal du erabaki hori hartu zuen organoak berak.
Horrenbestez, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 8. artikuluan eta azaroaren 6ko 302/2019 Foru Dekretuaren bidez onetsitako Nafar Lansare-Nafarroako Enplegu Zerbitzuaren estatutuetan xedatutakoari jarraikiz,
EBAZTEN DUT:
1. María Eladia Fabo Apesteguía andrea, Nafar Lansare-Nafarroako Enplegu Zerbitzuko Desgaituak Lan Munduan Sartzen Laguntzeko Bulegoko burua, kargutik kentzea, berak eskatu baitu. Kargu-uzteak abenduaren 3tik aurrerako ondorioak izanen ditu, eta, beraz, burutzan aritzeko azken eguna bezperakoa izanen da.
2. Ebazpen hau Funtzio Publikoko Zuzendaritza Nagusiari, Enplegua Sustatzeko eta Enpresentzako Zerbitzuetarako Zerbitzuari eta Nafar Lansare-Nafarroako Enplegu Zerbitzuko Laguntza eta Kudeaketa Administratiboaren Zerbitzuari igortzea.
3. Ebazpen hau interesdunari jakinaraztea.
4. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2019ko azaroaren 26an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F1915124
