2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MIRANDA ARGA
Udal zergetako karga-tasa, indize eta portzentajeak 2019rako
Miranda Argako Udalak, 2018ko abenduaren 11n egin osoko bilkuran, Nafarroako Toki Ogasunei buruzko 2/1995 Foru Legean ezarritakoari jarraituz, erabaki zuen onestea 2019. urterako udal zergetako karga-tasak, indizeak eta portzentajeak, hemen heldu diren bezala:
1.–Erabaki da 2019. urterako hiri-lurreko ondasun higiezinen gaineko kontribuzioaren tasa hau ezartzea: katastroko balio garbiaren %0,235.
2.–Erabaki da 2019. urterako landa-lurreko ondasun higiezinen gaineko kontribuzioaren tasa 2018rako onetsi zen bera ezartzea, hau da, katastroko balio garbiaren %0,80.
3.–Eraikuntza, instalazio eta obren gaineko zerga: 2018. urtean bezala, karga-tasa obraren kostuaren %3,5 izanen da, obrak gauzatzeko zenbatekoaren gainean aplikaturik, teknikarien ordainsarien, industriako mozkinaren, gastu orokorren eta BEZaren karga-oinarria kenduta.
4.–Etxebizitza hutsen gaineko zerga: ez da aplikatuko 2019. urtean.
5.–Jarduera ekonomikoen gaineko zerga: 1,40 indizea ezarri da (Nafarroako Toki Ogasunei buruzko 154. artikulua).
6.–Hiri-lurren balio-gehikuntzaren gaineko zerga: Nafarroako Toki Ogasunei buruzko martxoaren 10eko 2/1995 Foru Legearen 175. eta 176. artikuluetan xedatuarekin bat (abenduaren 27ko 19/2017 Foru Legeak emandako idazketaren arabera), erabaki da onestea lurren balio-gehikuntzaren gainean sortzapena egiteko unean aplikatu beharreko koefizienteak eta karga-tasak, balio-gehikuntza noiz sortzen den kontuan hartuta, hiri-lurren balio-gehikuntzaren gaineko zergaren likidazioaren ondorioetarako; honako hauek izanen dira:
SORTZEALDIA | KOEFIZIENTEA | KARGA-TASAK |
Urtebetetik behera | 0,06 | %8 |
1 | 0,06 | %8,7486 |
2 | 0,06 | %8,7486 |
3 | 0,06 | %8,7486 |
4 | 0,06 | %8,7486 |
5 | 0,06 | %25 |
6 | 0,06 | %25 |
7 | 0,06 | %25 |
8 | 0,06 | %25 |
9 | 0,06 | %25 |
10 | 0,06 | %25 |
11 | 0,06 | %25 |
12 | 0,06 | %25 |
13 | 0,06 | %25 |
14 | 0,06 | %25 |
15 | 0,06 | %25 |
16 | 0,16 | %20 |
17 | 0,16 | %22 |
18 | 0,16 | %23 |
19 | 0,16 | %24 |
20 | 0,16 | %25 |
7.–Herritarren aprobetxamenduak: 2018-2019 nekazaritza kanpainarako (2019ko ekaina/uztailean amaituko da) adjudikatutako herri-lurretako lurzati ureztaezinei dagokienez, errenta hauek ezarri dira: Dehesa, 21 euro/erregua; Abisinia, 18 euro/erregua; Morera, 15 euro/erregua.
Familia-baratzeetarako, 40,41 euro/erreguko errenta, 2018ko abuztuaren 7ko erabakiaren arabera.
8.–Beste zenbait errentamendu, alokairu eta adjudikazio: urtero handituko dira KPIan izandako igoeraren arabera edo haien baldintza-agirian ezartzen den moduan.
9.–Hedabideetan argitaratutako iragarkien zenbatekoak itzuliko dituzte partikularrek, espedienteak beraiek sustatzen dituztenean: iragarkien zenbatekoaren %100.
Erabaki hauek 2019. urteko urtarrilaren batean jarriko dira indarrean, eta haien kontra errekurtso hauetako bat aurkezten ahal da:
a) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabakia jakinarazten denetik hasita.
b) Aukerako berraztertzeko errekurtsoa, Miranda Argako Udalari zuzendua, erabakia jakinarazi eta hilabeteko epean, administrazioarekiko auzi-errekurtsoaren aitzinetik; bestela, zuzenean administrazioarekiko auzi-errekurtsoa, bi hilabeteko epean, erabakia jakinarazten denetik hasita.
Aitzineko erabakien iragarkia argitaratuko da Nafarroako Aldizkari Ofizialean.
Miranda Argan, 2018ko abenduaren 12an.–Alkatea, Jesús Luis Andión Ripa.
Iragarkiaren kodea: L1815196
