1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
105C/2019 EBAZPENA, azaroaren 4koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena Nafarroako Eraikuntzaren eta Herri Lanen Industria sektorearen hitzarmen kolektiboko batzorde paritarioaren akordioa erregistratzea, gordailutzea eta Nafarroako Aldizkari Ofizialean argitaratzea. Akordio horren bidez, 2019rako lan egutegia onesten da.
Aztertu da Nafarroako Eraikuntzaren eta Herri Lanen Industria sektorearen hitzarmen kolektiboko batzorde paritarioaren akordioaren testua (kode zenbakia: 31002805011981), 2019rako lan egutegia onesteari buruzkoa, erregistro honetan 2019ko urriaren 23an sartu zena, enpresaren ordezkariek eta sindikatuen ordezkarietako batzuek (UGT eta CCOO) 2019ko urriaren 1ean izenpetua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2019ko azaroaren 4an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Nafarroako Eraikuntzaren eta Herri Lanen Industria sektorearen hitzarmen kolektiboko batzorde paritarioaren akordioa, 2019rako lan egutegia onesten duena (PDFa).
Iragarkiaren kodea: F1913938
