2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ULTZAMA
Lur-ondasunen gaineko kontribuzioa borondatez ordaintzeko epea. 2019ko bigarren seihilekoa
Diru Bilketako Erregelamenduari jarraikiz, aditzera ematen da 2019ko azaroaren 15etik abenduaren 16ra bitarteko epea dagoela Lur-ondasunen gaineko kontribuzioaren 2019ko bigarren seihilekoari dagokionez igorri diren kuotak borondatez ordaindu ahal izateko.
Ordainketak ordainketa-gutunean aipatzen diren banku entitateetako sukurtsalen batean eginen dira. Ordainagiri helbideratuak kobratzera ekarriko dira borondatezko epearen azken egunean.
Dirua sartzeko epea iragandakoan, errekarguak eta legezko interesak aplikatuko dira eta premiamendu bidez kobratzeko tramiteak eginen dira.
Larraintzarren (Ultzama), 2019ko azaroaren 12an.–Alkatea, Martin M.ª Picabea Aguirre.
Iragarkiaren kodea: L1914576
