2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOZAR
Xehetasun-azterketa Gipuzkoako etorbideko 45ean.
Hasierako onespena
Berriozarko Udaleko Gobernu Batzarrak, 2019ko urriaren 30ean egin bilkuran, erabaki zuen hasiera batean onestea Berriozarko Gipuzkoako etorbidearen 45ean igogailua paratzeko xehetasun-azterketa, eraikin horretako jabeen erkidegoak sustatua.
Uztailaren 26ko 1/2017 Legegintzako Foru Dekretuaren 74.b) artikuluan ezarritakoarekin bat (foru dekretu horren bidez onetsi zen Lurraldearen Antolamenduari eta Hirigintzari buruzko Foru Legearen testu bategina), espedientea jendaurrean egonen da hogei eguneko epean, iragarki hau Nafarroako Aldizkari Ofizialean argitaratzen denetik hasita. Udalaren iragarki-taulan eta Berriozarko Udalaren egoitza elektronikoan ere argitaratuko da.
Berriozarren, 2019ko azaroaren 14an.–Alkatea, Raúl Maiza González.
Iragarkiaren kodea: L1914575
