Iragarkia

232. ALDIZKARIA - 2019ko azaroaren 25a

1. NAFARROAKO FORU KOMUNITATEA

1.7. BESTELAKOAK

41/2019 EBAZPENA, azaroaren 5ekoa, Garraio Zerbitzuko zuzendariak emana, errepideko garraiorako ibilgailu mota zenbaiten gidarien lanbide gaitasunaren agiria, hasierako kualifikazioa egiaztatzen duena, lortzeko probak gainditu dituzten izangaien zerrenda onesten duena. Probak 2019ko urriaren 18an egin ziren.

Garraio Zerbitzuko zuzendariak urriaren 3an emandako 82/2018 Ebazpenaren bidez, deialdi bat onetsi zen errepide bidezko salgai edo bidaiari garraiorako ibilgailu mota zenbaiten gidarien hasierako kualifikazioa frogatzen duen lanbide gaitasunaren agiria lortzeko probetan parte hartzeko, zehazki, 2019. urtean Nafarroako Foru Komunitatean egin behar zirenetan. Ebazpen hori 2018ko 221. Nafarroako Aldizkari Ofizialean argitaratu zen, azaroaren 15ekoan.

Horretarako izendatutako epaimahaiak 2019ko urriaren 18an egindako probak gainditu dituzten izangaien zerrenda aurkeztu du.

Horrenbestez, Lurralde Kohesiorako Departamentuaren egitura organikoa ezartzen duen abuztuaren 14ko 87/2019 Foru Dekretuaren xedapen gehigarri bakarraren 5. apartatuak eta errepideko garraiorako ibilgailu mota zenbaiten gidarien hasierako kualifikazioa eta etengabeko prestakuntza arautu zituen uztailaren 20ko 1032/2007 Errege Dekretuaren 15. artikuluak ematen dizkidaten eskumenak erabiliz,

EBAZTEN DUT:

1. Ebazpen honen eranskinean ageri den izangaien zerrenda onestea. Zerrenda horretan ageri dira errepideko garraiorako ibilgailu mota zenbaiten gidarien hasierako kualifikazioa egiaztatzen duen lanbide gaitasunaren agiria eskuratu duten izangaiak, 2019ko urriaren 18an egindako probak gainditu dituztelako.

2. Garraio Zerbitzuko Kudeaketa Atalari agintzea errepideko garraiorako ibilgailu mota zenbaiten gidarien lanbide gaitasunaren agiriak prestatu eta behar diren kualifikazio txartelak egin ditzala.

3. Ebazpen hau Garraio Zerbitzuko Kudeaketa Atalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Ebazpen honek ez du administrazio bidea amaitzen, eta haren aurka interesdunek gora jotzeko errekurtsoa jar dezakete, Garraioetako zuzendari nagusiari zuzendua, hilabeteko epean, Nafarroako Aldizkari Ofizialean argitaratu eta biharamunetik aitzina.

Iruñean, 2019ko azaroaren 5ean.–Garraio Zerbitzuko zuzendaria, Miguel Ángel Jiménez de Cisneros y Fonfría.

ERANSKINA

Gidarien lanbide gaitasunaren agiria lortzeko 2019ko urriaren 18an egindako azterketa gainditu dutenen zerrenda

Iragarkiaren kodea: F1914306