1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
416E/2019 FORU AGINDUA, azaroaren 8koa, Osasuneko kontseilariak emana, Francisco Javier Turumbay Ranz jauna izendatzen duena Osasunbidea-Nafarroako Osasun Zerbitzuko Osasunerako Sistema eta Teknologien zuzendariorde.
Osasunbidea-Nafarroako Osasun Zerbitzuaren estatutuak onetsi zituen irailaren 3ko 171/2015 Foru Dekretuan (urriaren 30eko 270/2019 Foru Dekretuaren bidez aldatua), 20.1 artikuluan ezarrita dagoenez, Osasun Departamentuko kontseilariari dagokio organo zentraletako zuzendariak, kudeatzaileak, zuzendariordeak, organo periferikoetako zuzendariak eta zerbitzuko buruak izendatzea eta kargutik kentzea, betiere Osasunbidea-Nafarroako Osasun Zerbitzuko zuzendari kudeatzaileak proposaturik.
Ikusirik Osasunbidea-Nafarroako Osasun Zerbitzuko zuzendari kudeatzaileak aurkeztu duen proposamena,
AGINTZEN DUT:
1. Francisco Javier Turumbay Ranz jauna izendatzea Osasunbidea-Nafarroako Osasun Zerbitzuko Osasunerako Sistema eta Teknologien zuzendariorde.
2. Foru agindu hau interesdunari jakinaraztea, eta igortzea, behar diren ondorioak izan ditzan, Funtzio Publikoko Zuzendaritza Nagusira, Osasunbidea-Nafarroako Osasun Zerbitzuko zuzendari kudeatzaileari, Profesionalen Zuzendaritzara, Ordainsari eta Prestazioen Zerbitzura, Langileriaren Prozesu eta Ebaluazio Zerbitzura eta Langileen Antolamendu eta Araubidearen Atalera.
3. Foru agindu hau Nafarroako Aldizkari Ofizialean argitaratzea.
Iruñean, 2019ko azaroaren 8an.–Osasuneko kontseilaria, Santos Induráin Orduna.
Iragarkiaren kodea: F1914403
