1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
308/2019 FORU DEKRETUA, azaroaren 6koa, Hasier Morrás Aranoa jauna Euskarabidea-Euskararen Nafar Institutua erakunde autonomoko Euskara Nafarroako Administrazio Publikoetan Garatzeko Zerbitzuko zuzendari izendatzen duena.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 36.1 artikuluak xedatzen du Nafarroako Gobernuak izendatuko eta kargutik kenduko dituela zerbitzuko zuzendariak, foru dekretu bidez, departamentu eskuduneko titularrak proposaturik.
Horrenbestez, Herritarrekiko Harremanetako kontseilariak proposaturik, eta Nafarroako Gobernuak bi mila eta hemeretziko azaroaren seian egindako bilkuran harturiko erabakiarekin bat,
DEKRETATZEN DUT:
1. Hasier Morrás Aranoa jauna Herritarrekiko Harremanetako Departamentuari atxikitako Euskarabidea-Euskararen Nafar Institutua erakunde autonomoko Euskara Nafarroako Administrazio Publikoetan Garatzeko Zerbitzuko zuzendari izendatzea. Izendapenak erakunde autonomo horren estatutuak onesten dituen foru dekretuak indarra hartzen duen egunetik aurrera izanen ditu ondorioak.
2. Foru dekretu hau interesdunari jakinaraztea eta Euskarabidea-Euskararen Nafar Institutua erakunde autonomora, Funtzio Publikoko Zuzendaritza Nagusira eta Herritarrekiko Harremanetako Departamentuko Idazkaritza Tekniko Nagusira igortzea, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2019ko azaroaren 6an.–Nafarroako Gobernuko lehendakaria, María Chivite Navascués.–Herritarrekiko Harremanetako kontseilaria, Ana Ollo Hualde.
Iragarkiaren kodea: F1914065
