1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2019ko azaroaren 6an hartua, “Tuterako (Nafarroa) kiroldegiko kirol instalazioak eraikitzea –kanpoko igerilekua, soropil artifizialeko zelaiak eta instalazio osagarriak–” izeneko proiektuko lanek ukitutako ondasun eta eskubideen okupazioa presakoa dela deklaratzen duena, nahitaez desjabetzeko.
2019ko abuztuaren 1ean, Tuterako Udalak Toki Administrazioaren eta Despopulazioaren Zuzendaritza Nagusiari eskatu zion presako prozeduraren bidez tramita zezala “Tuterako (Nafarroa) kiroldegiko kirol instalazioak eraikitzea –kanpoko igerilekua, soropil artifizialeko zelaiak eta instalazio osagarriak–” izeneko proiektuaren jendaurreko informazioa eta desjabetzeko espedientea, udal horren alde.
2019ko abuztuaren 22an, Toki Administrazioaren eta Despopulazioaren Zuzendaritza Nagusiak Tuterako Udalari eskatu zion 10 eguneko epean aurkez zitzala honako hauek frogatzeko egiaztagiriak: proiektua eta ukitutako ondasun eta eskubideen zerrenda behin betiko onetsi direla, Nafarroako Aldizkari Ofizialean argitaratu dela, kreditu-atxikipen nahikoa eta egokia badela nahitaezko desjabetzearen kostuari aurre egiteko, eta “Tuterako (Nafarroa) kiroldegiko kirol instalazioak eraikitzea –kanpoko igerilekua, soropil artifizialeko zelaiak eta instalazio osagarriak–” izeneko proiektuak ukitutako ondasun eta eskubideen okupazioa presakoa dela deklaratzeko eskaera justifikatzen duten arrazoiak badirela.
2019ko irailaren 9an, Toki Administrazioaren eta Despopulazioaren Zuzendaritza Nagusian sartu zen Tuterako Udalak errekerimendu horri emandako erantzuna, eta hor, Tuterako Udalak aurrekontu-kontsignazioaren justifikazioa aurkeztu zuen, bai eta okupazioa presakoa dela deklaratzeko eskaera justifikatzen duten arrazoiak ere, eta adierazi zuen ezen proiektua eta ukitutako ondasun eta eskubideen zerrenda behin betiko onets zitezkeela iraileko osoko bilkuran hartzen den erabaki baten bidez.
Kirolaren Kontseilu Nagusiak lagunduta finantzatuko dira proiektua eta lanak, Tuterako Udalak eta Kirolaren Kontseilu Nagusiak 2018ko azaroaren 9an izenpeturiko hitzarmen baten arabera, zeinaren bidez hiru milioi euroko dirulaguntza izenduna eman baitzitzaion Udalari. Nafarroako Gobernuak (Nafarroako Kirolaren eta Gazteriaren Institutua) lagunduta ere finantzatuko da proiektua, 2019ko maiatzaren 24an bi alderdiek izenpeturiko hitzarmenari jarraikiz, zeinetan bi milioi euroko finantzaketa aurreikusten baita 2019ko eta 2020ko ekitaldietarako.
Kirolaren Kontseilu Nagusiarekin eginiko hitzarmenaren bosgarren klausulan ezartzen da ezen lanak 2020ko abenduaren 31 baino lehen gauzatu beharko direla. Bestalde, Nafarroako Kirolaren eta Gazteriaren Institutuarekin eginiko hitzarmenaren bosgarren klausulan aurreikusten da Tuterako Udalak 2021eko urtarrilaren 1a baino lehen bukatu behar dituela lanak.
2019ko urriaren 10ean, Tuterako Udalak, 2019ko urriaren 7ko osoko bilkuran hartutako erabakiaren ondotik, Nafarroako Gobernuari eskatu zion “Tuterako (Nafarroa) kiroldegiko kirol instalazioak eraikitzea –kanpoko igerilekua, soropil artifizialeko zelaiak eta instalazio osagarriak–” izeneko proiektuaren lanek ukitutako ondasun eta eskubideen okupazioa presakoa dela deklara zezala, nahitaez desjabetzeko.
Aipatutako bi hitzarmenetan ezarritakoa bete ahal izateko, Tuterako Udalak, obrak lizitatu aurretik, proiektua gauzatzeko beharrezkoak diren lur guztiak behar ditu, eta horretara dator proiektuaren lanek ukitutako ondasun eta eskubideak okupatzearen presa. Izan ere, lurretako batzuk jabetza pribatukoak dira, eta oinarrizko proiektuak ukitutako ondasun eta eskubideen zerrendan sartu dira. Ezinbestekoa da lur horien okupazioa presakoa dela deklaratzea.
Nafarroako Gobernuak, Tuterako Udalak alegatutako arrazoiak ikusita eta balio justua ordaintzeko behar den kreditua badela egiaztatuta, justifikatutzat jotzen du desjabetzeak ukitutako ondasun eta eskubideen okupazioa presakoa dela deklaratzea.
Horrenbestez, txosten juridikoa ikusirik, eta Nafarroako Foru Eraentza Berrezarri eta Hobetzeari buruzko Lege Organikoaren 57.b) artikuluak eta Nahitaezko Desjabetzeari buruzko Legearen 52. artikuluak emandako ahalmenak erabiliz, Nafarroako Gobernuak, Lurralde Kohesiorako kontseilariak proposaturik,
ERABAKITZEN DU:
1. “Tuterako (Nafarroa) kiroldegiko kirol instalazioak eraikitzea –kanpoko igerilekua, soropil artifizialeko zelaiak eta instalazio osagarriak–” izeneko proiektuaren lanek ukitutako ondasun eta eskubideen okupazioa presakoa dela deklaratzea, nahitaez desjabetzeko.
2. Erabaki hau Nafarroako Aldizkari Ofizialean argitaratzea, argitalpenaren egunetik beretik ondorioak izateko, eta aditzera ematea erabaki honek administrazio bidea amaitzen duela eta haren aurka, hautara, berraztertzeko errekurtsoa jartzen ahal dela, Nafarroako Gobernuari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita; edo, bestela, zuzenean aurkaratzen ahal dela Nafarroako Justizia Auzitegi Nagusiko Administrazioarekiko Auzien Salan, bi hilabeteko epean, argitaratu eta biharamunetik hasita.
Administrazio publikoek, berraztertzeko errekurtsoaren ordez, aurretiazko errekerimendua egin dezakete, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Erabaki hau Tuterako Udalari jakinaraztea.
Iruñean, 2019ko azaroaren 6an.–Nafarroako Gobernuko kontseilari-idazkaria, Javier Remírez Apesteguía.
Iragarkiaren kodea: F1914288
