1. NAFARROAKO FORU KOMUNITATEA
1.7. BESTELAKOAK
2337/2019 EBAZPENA, azaroaren 12koa, Nafarroako Unibertsitate Publikoko errektoreak emana, zeinaren bidez agintzen baita argitaratzeko 2019ko azaroaren 12ko Gobernu Kontseiluak onetsi zuen erabakia, Nafarroako Unibertsitate Publikoaren Administrazioko eta Zerbitzuetako Langileen plantilla organikoa aldatzen duena.
Maiatzaren 12ko 110/2003 Foru Dekretuak onetsi dituen Unibertsitateko Estatutuetako 40. artikuluak ematen dizkidan eskumenak erabiliz, agintzen dut argitaratzeko 2019ko azaroaren 12ko Gobernu Kontseiluak hartutako erabakia, zeinaren bidez onetsi baitzen Nafarroako Unibertsitate Publikoaren Administrazioko eta Zerbitzuetako Langileen plantilla organikoa aldatzen duen erabakia.
“NAFARROAKO UNIBERTSITATE PUBLIKOKO GOBERNU KONTSEILUAREN ERABAKIA, NAFARROAKO UNIBERTSITATE PUBLIKOKO ADMINISTRAZIOKO ETA ZERBITZUETAKO LANGILEEN PLANTILLA ORGANIKOA ALDATZEN DUENA
Abuztuaren 30eko 251/1993 Legegintzako Foru Dekretuak, zeinaren bidez onetsi baitzen Nafarroako Administrazio Publikoen Zerbitzuko Langileen Estatutuaren Testu Bategina, aplikatu beharrekoa Nafarroako Unibertsitate Publikoko Administrazioko eta Zerbitzuetako langileei, Unibertsitatearen Estatutuen 106. artikuluaren arabera, ezartzen du plantilla organikoa onetsi egin behar dela. Plantilla horretan, lanpostuak zerrendatu behar dira, behar bezala sailkaturik, eta adierazi behar da bakoitza zein mailari dagoen atxikia, eta, bidezkoa denean, lanpostuan aritzeko egiaztatu behar diren betebehar espezifikoak, bai eta izendapen librearen bidez bete daitezkeen lanpostuak eta erregelamenduaren arabera ezarri diren ordainsari osagarriak esleituak dauzkatenak ere.
Gobernu Kontseiluak 2009ko urriaren 6an hartu zuen Erabakiaren bidez –zeina 2009ko urriaren 30ean errektoreak emandako 1600/2009 Ebazpenaren bidez argitaratu baitzen–, onetsi egin zen Nafarroako Unibertsitate Publikoko Administrazioko eta Zerbitzuetako langileen plantilla organikoa. Askotan aldatu den plantilla hori urtero argitaratzen da, eta urte bakoitzeko abenduaren 31n dagoen egoera eta egitura organikoa islatzen ditu. Hain zuzen, 2019ko otsailaren 21ean argitaratu zen azkenekoa, Nafarroako Aldizkari Ofizialaren 36. zenbakian, errektoreak urtarrilaren 30ean emandako 146/2019 Ebazpenaren bidez.
Zerbitzu eta unitate organiko batzuek hala eskatu baitute, beharrezkoa da plantilla organikoan zenbait aldaketa egitea, zerbitzu eta unitate horien benetako beharretara egokitzeko.
Proposamena Negoziazio Mahaian aurkeztuta, eta Nafarroako Unibertsitate Publikoan ordezkaritza duten sindikatuei entzun ondoren, hau da kudeatzaileak, 2019ko azaroaren 12an egindako bileran, Gobernu Kontseiluari proposatu dion:
ERABAKIA:
Lehena.–Nafarroako Unibertsitate Publikoko Administrazioko eta Zerbitzuetako Langileen plantilla organikoaren aldaketak onestea. Eranskin gisa gehitu den oroitidazkian daude aldaketa horiek.
Bigarrena.–Erabaki hau Nafarroako Unibertsitate Publikoaren iragarki-ohol elektronikoan eta Nafarroako Aldizkari Ofizialean argitaratzea.
Hirugarrena.–Erabaki honek Nafarroako Unibertsitate Publikoko iragarki-ohol elektronikoan argitaratu eta biharamunean hartuko du indarra.
Laugarrena.–Erabaki honen aurka zilegi da berraztertzeko errekurtsoa aurkeztea Gobernu Kontseiluaren aurrean, hilabeteko epean, edo administrazioarekiko auzi-errekurtsoa Nafarroako lerrun bereko epaitegietan, bi hilabeteko epean, biak ere argitaratu eta biharamunetik kontatzen hasita.”
Iruñean, 2019ko azaroaren 12an.–Errektorea, Ramón Gonzalo García.
ERANSKINA
Oroitidazkia: Nafarroako Unibertsitate Publikoko Administrazioko eta Zerbitzuetako Langileen plantilla organikoaren aldaketak
2019. urteko ekitaldia
A.–Sortzen diren lanpostuak:
Lanpostu hauek sortu dira:
–Kudeatzailetza / Ekonomia Gaietarako Zerbitzua / Kontabilitate Atala:
- Teknikaria O.L. (Adar Ekonomikoa).
- Maila: A.
- Lanpostuaren zk.: 676.
- Titulazioa: Lizentziatura edo Gradua Ekonomian edo EAZn edo baliokidean (deialdian zehaztuko da).
- Jardunaldia: Goizez.
- Bateraezintasun osagarria: 35.
- Lanpostuaren osagarria: 6,88.
- Non: Iruñea.
- Justifikazioa: Egungo beharrak egonkortu eta haiei erantzutea, eta esleituta dituen funtzioak eta lana garatu, bultzatu eta indartzea, eta Ekonomia Gaietarako Zerbitzuko Kontabilitate Atalaren kudeaketa berriei aurre egitea.
–Unibertsitate Proiekziorako eta Erakundeekiko Harremanetarako Errektoreordetza / Unibertsitate Zabalpenerako eta Gizarte Erantzukizunerako Atala:
- Teknikaria O.L.
- Maila: A.
- Lanpostuaren zk.: 677.
- Jardunaldia: Goizez.
- Bateraezintasun osagarria: 35.
- Lanpostuaren osagarria: 6,88.
- Non: Iruñea.
- Hizkuntza: Ingelesa (C1).
- Justifikazioa: Kudeaketa teknikoa zabalpen jardueretan: besteak beste, udako ikastaroak, esperientziaren gela, kultura, kirolak eta dibulgazioa.
Iragarkiaren kodea: F1914496
