1. NAFARROAKO FORU KOMUNITATEA
1.7. BESTELAKOAK
134/2019 EBAZPENA, azaroaren 7koa, Hezkuntza Baliabideen zuzendari nagusiak emana, Uharteko “Escuela Vitae Huarte” Lanbide Heziketako ikastetxe pribatuaren baimena aldatzen duena, instalazioak aldatu direlako.
Iker Aguirre Garin jaunak, Uharteko “Escuela Vitae Huarte” Lanbide Heziketako ikastetxe pribatuaren entitate titularra ordezkatuz, baimena eskatu du bizikleta tailerra tokiz aldatzeko. “Natur Ingurunean Gorputz eta Kirol Jarduerak Gidatzea” Lanbide Heziketako erdi mailako zikloa irakasteko erabiltzen dira aipatu instalazioak. Ikusirik eskaera horren ondorioz izapidetu den espedientea.
Ikusirik Hezkuntzako Azpiegituren Zerbitzuko Obra Atalak eman duen aldeko txostena.
Aintzat hartuta uztailaren 6ko 251/1992 Foru Dekretuak 16. artikuluko b) letran ezartzen duen prozedura, Nafarroako Foru Komunitatean unibertsitateaz kanpoko araubide orokorreko ikasketak ematen dituzten ikastetxe pribatuak baimentzeko.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBAZTEN DUT:
1. Uharteko “Escuela Vitae Huarte” Lanbide Heziketako ikastetxe pribatuaren baimena aldatzea (ikastetxearen kodea: 31014852), instalazioak aldatuko direlako: “Toki Alai” pilotalekura aldatuko da bizikleta tailerra, Uharteko Udalak laga baitu espazio hori.
2. Gogoraraztea ezen, pilotalekua espazio publikoa denez, ikastetxeko ikasleek eta pilotalekuko erabiltzaileek, biek erabiliko dituztela zenbait espazio, eta, horrenbestez, ezarri beharko dela zein ordutan erabiliko dituzten batzuek eta zeinetan besteek.
3. Ebazpen hau Nafarroako Aldizkari Ofizialean argitaratzea.
4. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
5. Ebazpen hau igortzea Hezkuntzako Ikuskapen Zerbitzura, Lanbide Heziketaren Zerbitzura, Hezkuntzako Azpiegituren Zerbitzura eta Kontratazioaren, Zerbitzu Osagarrien eta Koordinazio Administratiboaren Atalera.
Iruñean, 2019ko azaroaren 7an.–Hezkuntza Baliabideen zuzendari nagusia, Begoña Unzué Vela.
Iragarkiaren kodea: F1914421
