1. NAFARROAKO FORU KOMUNITATEA
1.7. BESTELAKOAK
90/2019 EBAZPENA, urriaren 7koa, Hezkuntza Baliabideen zuzendari nagusiak emana, Burlatako eta Cordovillako (Galar) “Irabia-Izaga” Haur, Lehen eta Bigarren Hezkuntzako ikastetxe pribatuaren baimena aldatzen duena, instalazioak handitu eta unitateak gehitu direlako.
Fidel Calvo Valero jaunak, “Asociación Educativa y Cultural del Colegio Irabia-Izaga” entitatea ordezkatuz, entitate hori baita Burlatako eta Cordovillako (Galar) “Irabia-Izaga” Haur, Lehen eta Bigarren Hezkuntzako ikastetxe pribatuaren titularra, baimena aldatzeko eskatu du, instalazioak handitu eta unitateak gehitu dituztelako Derrigorrezko Bigarren Hezkuntzan eta Batxilergoan. Ikusirik eskaera horren ondorioz izapidetu den espedientea.
Ikusirik Hezkuntzako Azpiegituren Zerbitzuak eman duen aldeko txostena.
Aintzat hartuta uztailaren 6ko 251/1992 Foru Dekretuak ezartzen duen prozedura, Nafarroako Foru Komunitatean unibertsitateaz kanpoko araubide orokorreko ikasketak ematen dituzten ikastetxe pribatuak baimentzeko.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBAZTEN DUT:
1. Aldatzea, 2019-2020 ikasturtearen hasieratik aurrerako ondorioekin, Burlata eta Cordovillako (Galar) “Irabia-Izaga” Haur, Lehen eta Bigarren Hezkuntzako ikastetxe pribatuak (ikastetxearen kodea: 31001419) daukan baimena, Cordovillako egoitzako instalazioak handitu dituelako eta, horren ondorioz, Derrigorrezko Bigarren Hezkuntzan dauzkan unitate kopuruari 4 (lerro bat) gehitu zaizkiolako eta Batxilergoan dauzkan unitate kopuruari 2 (lerro bat) gehitu zaizkiolako. Ikastetxeak, hortaz, guztira 24 unitate izanen ditu baimenduta Derrigorrezko Bigarren Hezkuntzan, eta 8 Batxilergoan.
2. Adieraztea ezen, egun horretatik aurrera, honako hauek izanen direla ikastetxearen erregistro datuak:
–Ikastetxearen kodea: 31001419.
- Titularra: Asociación Educativa y Cultural del Colegio Irabia-Izaga elkartea (IFK: G71026967).
- Izen orokorra: Haur, Lehen eta Bigarren Hezkuntzako ikastetxe pribatua.
- Berariazko izena: Irabia-Izaga.
- Helbidea: Morea kalea, z.g., eta Traselarre kalea, 1.
- Herria: Burlata eta Cordovilla.
- Udalerria: Burlata eta Galar.
–Baimendutako gehieneko osaera juridikoa:
a) Haur Hezkuntzako bigarren zikloa: 15 unitate, gehienez ere 375 ikaspostu, Burlatan.
b) Lehen Hezkuntza: 36 unitate, gehienez ere 900 ikaspostu (18 unitate, gehienez ere 450 ikaspostu, Burlatan; eta 18 unitate, gehienez ere 450 ikaspostu, Cordovillan).
c) Derrigorrezko Bigarren Hezkuntza: 24 unitate, gehienez ere 720 ikaspostu (12 unitate, gehienez ere 360 ikaspostu, Burlatan; eta 12 unitate, gehienez ere 360 ikaspostu, Cordovillan).
d) “Zientziak eta Teknologia” eta “Giza eta Gizarte Zientziak” modalitateetako Batxilergoa: 8 unitate, gehienez ere 277 ikaspostu (4 unitate, gehienez ere 137 ikaspostu, Burlatan; eta 4 unitate, gehienez ere 140 ikaspostu, Cordovillan).
3. Gogoraraztea ezen, ikastetxeak itundurik dauzkanez Derrigorrezko Bigarren Hezkuntzako eta Batxilergoko irakaskuntzak, ebazpen honen bidez baimentzen diren unitate berriak abian jartzeko bete egin beharko dela itunei buruzko legediak horretaz xedatutakoa.
4. Ebazpen hau Nafarroako Aldizkari Ofizialean argitaratzea.
5. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
6. Ebazpen hau igortzea ikastetxearen titularrari, Hezkuntzako Ikuskapen Zerbitzura, Hezkuntzako Azpiegituren Zerbitzura, Ikastetxeen, Finantzaketaren eta Ikasketetarako Laguntzen Atalera, Kontratazioaren, Zerbitzu Osagarrien eta Koordinazio Administratiboaren Atalera, eta Ikastetxeetako Informazioa Kudeatzeko Bulegora.
Iruñean, 2019ko urriaren 7an.–Hezkuntza Baliabideen zuzendari nagusia, Begoña Unzué Vela.
Iragarkiaren kodea: F1914417
