2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OLAIBAR
Otsakaingo UB-5eko 5. poligonoko 23. lurzatia
birzatitzeko proiektua. Hasierako onespena
Olaibarko Udalak, 2019ko urriaren 21ean egin bilkuran, aho batez erabaki zuen hasiera batez onestea UB-5 unitateko 5. poligonoko 23. lurzatia birzatitzeko proiektua, Alfredo Roldan Asurmendik eta María Jesús Carreterok sustatuta. Udaleko aholkulari teknikoak 2019ko urriaren 20an emandako txostena ikusirik, aditzera ematen da ezen, behin betiko onespena jaso aurretik, honako hauek aurkeztu beharko direla: aprobetxamenduaren %10 lagatzearen balorazioa eta urbanizazio kostuaren justifikazioa.
Espedientea jendaurrean egonen da hogei eguneko epean, iragarki hau Nafarroako Aldizkari Ofizialean argitaratzen denetik hasita; epe horretan, interesdunen eskura egonen da Udalaren bulegoetan, egokiak iruditzen zaizkien alegazioak aurkez ditzaten. Hori guztia Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 72. artikuluak, lege beraren 74., 152. eta 152. artikuluei dagokienez, xedatua bete beharrez.
Olaibarren, 2019ko azaroaren 6an.–Alkatea, María Carmen Lizoain Osinaga.
Iragarkiaren kodea: L1914354
