1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
277/2019 FORU DEKRETUA, urriaren 30ekoa, Eva María Zarranz Alli andrea Nafarroako Administrazio Publikoaren Institutuko zuzendari kudeatzaile izendatzen duena; institutua erakunde autonomoa da eta Lehendakaritzako, Berdintasuneko, Funtzio Publikoko eta Barneko Departamentuko Funtzio Publikoko Zuzendaritza Nagusiari atxikita dago.
Nafarroako Administrazio Publikoaren Institutua erakunde autonomoaren Estatutuen 13. artikuluak xedatzen duenez, Nafarroako Administrazio Publikoaren Institutuko zuzendari-kudeatzailea, Nafarroako Gobernuak izendatu eta kargutik kenduko du libreki Nafarroako Foru Komunitateko Administrazioko eta haren erakunde autonomoetako funtzionarioen artetik, funtzio publikoaren arloan eskumenak dituen departamentuaren titularrak proposatuta. Egun, Lehendakaritzako, Berdintasuneko, Funtzio Publikoko eta Barneko kontseilaria da, Nafarroako Foru Komunitateko Lehendakariaren abuztuaren 6ko 22/2019 Foru Dekretuaren 2. artikuluan aurreikusten denari jarraituz. Foru dekretu horren bidez, Nafarroako Foru Komunitateko Administrazioko departamentuen egitura ezartzen da.
Horrenbestez, Lehendakaritzako, Berdintasuneko, Funtzio Publikoko eta Barneko kontseilariak proposaturik, eta Nafarroako Gobernuak bi mila eta hemeretziko urriaren hogeita hamarrean egindako bilkuran harturiko erabakiarekin bat,
DEKRETATZEN DUT:
1. Eva María Zarranz Alli andrea Nafarroako Administrazio Publikoaren Institutuko zuzendari kudeatzaile izendatzea, ondorioak izanik Nafarroako Administrazio Publikoen Institutua sortu eta haren estatutuak onesten dituen foru dekretuak indarra hartzen duen egunetik aurrera; institutua erakunde autonomoa da eta Lehendakaritzako, Berdintasuneko, Funtzio Publikoko eta Barneko Departamentuko Funtzio Publikoko Zuzendaritza Nagusiari atxikita dago.
2. Foru dekretu hau interesdunari jakinaraztea eta Nafarroako Administrazio Publikoaren Institutura eta Funtzio Publikoko Zuzendaritza Nagusira igortzea, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2019ko urriaren 30ean.–Nafarroako Gobernuko lehendakaria, María Chivite Navascués.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F1913731
