1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1115/2019 EBAZPENA, urriaren 21ekoa, Osasunbidea-Nafarroako Osasun Zerbitzuko zuzendari kudeatzaileak emana, 305/2019 prozedura laburtuari dagokion administrazio-espedientea Iruñeko Administrazioarekiko Auzien 2. Epaitegira igortzen duena. Espedientea María Belén Gómez Breñosa andreak jarritako administrazioarekiko auzi-errekurtsoari dagokio.
María Belén Gómez Breñosa andreak administrazioarekiko auzi-errekurtsoa jarri du Iruñeko Administrazioarekiko Auzien 2. Epaitegian Osasuneko kontseilariaren ekainaren 14ko 214E/2019 Foru Aginduaren aurka, zeinaren bidez ezetsi baitzen Osasunbidea-Nafarroako Osasun Zerbitzuko zuzendari kudeatzailearen 67E/2019 Ebazpenaren aurka jarritako gora jotzeko errekurtsoa. Ebazpen horrek Osasunbidea-Nafarroako Osasun Zerbitzuko zuzendari kudeatzailearen abenduaren 5eko 1661E/2018 Ebazpena aldatu zuen, zeinak onetsi baitzuen Osasunbidea-Nafarroako Osasun Zerbitzuko barrutiko fakultatibo espezialista izateko 140 lanpostu huts merezimendu-lehiaketa bidezko lekualdatzearen bidez betetzeko deialdia.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48.4. artikuluarekin bat, epaitegiak eskatu du administrazio espedientea igor diezaiotela, eta epatzeko deiak egin daitezela lege horren beraren 49. artikuluan ezarritako moduan.
Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,
EBAZTEN DUT:
1. Iruñeko Administrazioarekiko Auzien 2. Epaitegira igortzea 305/2019 prozedura laburtuari dagokion administrazio espedientea, hain zuzen, María Belén Gómez Breñosa andreak Osasuneko kontseilariaren ekainaren 14ko 214E/2019 Foru Aginduaren aurka jarritako administrazioarekiko auzi-errekurtsoari dagokiona. Aurkaturiko foru agindu horren bidez, ezetsi egin zen Osasunbidea-Nafarroako Osasun Zerbitzuko zuzendari kudeatzailearen 67E/2019 Ebazpenaren aurka jarritako gora jotzeko errekurtsoa. Ebazpen horrek Osasunbidea-Nafarroako Osasun Zerbitzuko zuzendari kudeatzailearen abenduaren 5eko 1661/2018 Ebazpena aldatu zuen, Osasunbidea-Nafarroako Osasun Zerbitzuko barrutiko fakultatibo espezialista izateko 140 lanpostu huts merezimendu-lehiaketa bidezko lekualdatzearen bidez betetzeko deialdia onetsi zuena.
2. Ebazpen hau Berta Bonaut Iriarte andreari jakinaraztea eta Nafarroako Aldizkari Ofizialean argitaratzea, gainerako interesdunek jakin dezaten, eta haiek epatzea autoetan demandatu gisa agertu ahal izan daitezen aipatutako epaitegiaren aurrean bederatzi eguneko epean, honako hau jakinarazi edo argitaratu eta biharamunetik hasita.
3. Ebazpen hau igortzea Lehendakaritzako, Berdintasuneko, Funtzio Publikoko eta Barneko Departamentuko Aholkularitza Juridikoaren Zerbitzuari eta Osasunbidea-Nafarroako Osasun Zerbitzuko Araubide Juridikoaren Zerbitzuari, behar diren ondorioak izan ditzan.
Iruñean, 2019ko urriaren 21ean.–Osasunbidea-Nafarroako Osasun Zerbitzuko zuzendari kudeatzailea, José Ramón Mora Martínez.
Iragarkiaren kodea: F1913539
