2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
TUTERA
Deialdia,1. mailako igeltsero-ofizial izateko 3 lanpostu
(C maila/taldearekin parekatuta) barne igoera murriztuan
eta oposizio bidez betetzeko
Alkatetzaren urriaren 7ko 1637/2019 Ebazpenaren bidez onetsi zen 1. mailako igeltsero-ofizial izateko 3 lanpostu (C maila/taldearekin parekatuta) barne igoera murriztuan eta oposizio bidez betetzeko deialdia.
Deialdia gauzatuko da aplikatu beharreko araudian xedatuari eta oinarri hauetan ezartzen denari jarraikiz.
OINARRIAK
1.–Arau orokorrak.
1.1. Deialdi honen xedea da 1. mailako igeltsero-ofizial izateko 3 lanpostu (C maila/taldearekin parekatuta) barne igoera murriztuan eta oposizio bidez betetzea, Nafarroako Administrazio Publikoen Zerbitzuko Langileriaren Estatutuaren 15.6 artikuluan ezarritako prozeduraren bidez, eta Tuterako Udaleko eta haren erakunde autonomoetako funtzionarioen eta lan-kontratudun finko nahiz aldi baterakoen lan-baldintzen gainean indarra duen akordioaren 32. artikuluari jarraikiz.
1.2. 2009ko plantilla organikoan, Osoko Bilkuraren uztailaren 3ko erabakiaren bidez onetsi baitzen, NAPIk Tuterako Udaleko lanpostuen balorazioari buruz egin azterlana aplikatzearen ondoriozko doikuntza batzuk egin ziren; hala, Lurraldearen Antolamenduaren Alorreko igeltsero-ofizialen lanpostuei izena aldatu eta 1. mailako igeltsero-ofizial izatera igaro ziren. Halaber, C mailan geratu ziren, D mailan ordez, goragoko kategoriarekin parekatzeko osagarria aplikatuta, harik eta beharrezko erregulazioak egin arte. Hain zuzen, 1. mailako igeltsero-ofizialaren lanpostu horiek (C maila, plantilla kodeak: 0512D06801-02-03) dira deialdi honek arautzen dituenak.
1.3. Hautaprobak gainditu ondoan aipatu lanpostuan aritzeko izendatzen den izangaia C mailan/taldean geratuko da eta plantilla organikoan maila edo talde horretarako ezarritako ordainsariak jasoko ditu.
1.4. Oposizioaldia gainditu duen izangaiak lortuko du barne igoera.
1.5. Igoera izan duen lagunak jatorrizko zerbitzuari edo arloari atxikirik jarraituko du; deialdiko maila eta kategoriari, eta eskatutako ikasketei egokitutako lan eta eginkizunetan ariko da eta, maila berriari dagozkion eginkizunez gain, ordura arte egiten zituenak ere beteko ditu.
1.6. Maila igotzeko proba hauetan parte hartzeak ez du deusetan aldatuko langileak izendapenaren aitzinetik zuen araubide juridikoa, izan hori funtzionarioena edo lan-kontratudunena. Eskubide pasiboen eta osasun laguntzaren araubide berari eutsiko dio.
2.–Izangaiek bete beharreko baldintzak.
Oposizio honetan onartuak izateko, izangaiek, eskaerak aurkezteko epea amaitzen den egunean, baldintza hauek bete beharko dituzte:
a) Tuterako Udalaren zerbitzuko funtzionarioa edo lan-kontratudun finkoa izatea, D maila edo taldekoa.
b) Igeltsero-ofizial izateko lanpostu bat (D maila) betetzeko izendatua edo kontratatua izatea.
c) Borondatezko edo nahitaezko eszedentzian ez egotea barne igoera honetara aurkeztu baino lehenagoko lanpostuan.
d) Nafarroako Administrazio Publikoetan bost urteko antzinatasun onartua duela frogatzea.
e) Eskaerak aurkezteko epea bukatzen den egunean, Batxilergo titulua, Bigarren Mailako Lanbide Heziketa titulua edo balio bereko beste bat izatea, edo titulu hori eskuratzeko eskubideak ordaindu izanaren gordekina.
Titulazioaren baldintzaren ordez, administrazio publikoen zerbitzuan (C maila) zortzi urteko antzinatasuna duela frogatzen ahalko du, 15.2 artikuluan ezarritakoarekin bat.
3.–Eskabideak.
3.1. Deialdian parte hartzeko eskabideak II. eranskineko ereduaren araberakoak izanen dira, eta Herritarrendako Laguntza Zerbitzuan (HLZ) erregistratu beharko dira (Plaza Vieja, 1), edo El Frontón kaleko 1. zenbakiko bulegoetan, edo bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako bideetako edozein erabiliz, deialdia Nafarroako Aldizkari Ofizialean argitaratu eta biharamunetik hogeita hamar egun naturaleko epean; hartan, izangaiek adierazi beharko dute baldintza guztiak betetzen dituztela eskabideak aurkezteko epea amaitu baino lehen.
Eskabidea posta bulego batean aurkeztuz gero, gutun-azal irekian aurkeztuko da, postako langileek, ziurtatu aurretik, data eta zigilua jar ditzaten.
3.2. Eskabideari deialdian eskatzen den titulazioaren egiaztagiria gehituko zaio.
3.3. Eskabideak aurkezteko epea ezin izanen da luzatu.
4.–Izangaien onarpena eta erreklamazioak.
4.1. Eskabideak aurkezteko epea bukatutakoan, alkate udalburuak ebazpena emanen du onartu eta baztertuen behin-behineko zerrenda onesteko, eta Nafarroako Aldizkari Ofizialean, eta Tuterako Udalaren iragarki-taulan eta web-orrian argitaratzeko aginduko.
4.2. Izangai baztertuek 10 egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, zuzentzeko.
4.3. Erreklamazioetarako epea amaitu eta aurkeztutakoak ebatzita, alkate udalburuak ebazpena emango du onartuen eta baztertuen behin betiko zerrenda onesteko, eta zerrenda hori Nafarroako Aldizkari Ofizialean, eta Udalaren iragarki-taulan eta web-orrian argitaratzeko aginduko du. Ebazpen horretan adieraziko da probak non, zein egunetan eta zer ordutan hasiko diren.
Izangai bazterturik ez bada, onartuen zerrenda zuzenean onetsiko da behin betiko zerrenda gisa.
5.–Kalifikazio epaimahaia.
5.1. Kalifikazio epaimahaia honako kide hauek osatuko dute:
–Epaimahaiko burua: Zeus Pérez Pérez, Tuterako Udaleko zinegotzia.
–Ordezkoa: Verónica Gormedino López, Tuterako Udaleko zinegotzia.
–Epaimahaikidea: Rubén Chivite Fernández, igeltsero-ofiziala eta Arguedaseko Udaleko Obra Lantaldeko arduraduna.
–Ordezkoa: Rufino Arcos Gracia, Tuterako Udaleko igeltsero-ofiziala.
–Epaimahaikidea: Esther González Benavente, Tuterako Udaleko aparejadorea.
–Ordezkoa: José Ignacio López Burgaleta, Tuterako Udaleko aparejadorea.
–Epaimahaikidea: langileen ordezkari bat, Tuterako Udaleko Langileen Batzordeak proposatuta izendatua.
–Ordezkoa: Aurora Miranda Latorre, langileen ordezkari gisa, Tuterako Udaleko Langileen Batzordeak proposatuta izendatua.
–Idazkaria: Ana Rosa Valero Gómez, Tuterako Udaleko administrari-ofiziala Langileria Arloan.
–Ordezkoa: Belén Serrano Cornago, Tuterako Udaleko administrari-ofiziala Langileria Arloan.
5.2. Kalifikazio epaimahaiko kideek parte hartzeari uko egin beharko diote, eta organo deitzaileari horren berri eman, baldin eta Sektore Publikoaren Araubide Juridikoari buruzko urriaren 1eko 40/2015 Legearen 23. artikuluan abstenitzeari buruz aipatzen diren egoeretako batean badaude.
Izangaiek, halaber, zilegi dute mahaikideak errekusatzea, aipatu diren egoera horietakoren bat gertatzen denean (urriaren 1eko 40/2015 Legearen 24. artikulua).
5.3. Hautaprobak egiten hasi aurretik eratu beharko da epaimahaia.
5.4. Epaimahaia ezin izanen da eratu, ezta jardun ere, gutxienez kideen gehiengo osoa bildu gabe.
5.5. Epaimahaiak gehiengoz ebatziko ditu deialdiaren oinarrien interpretazio eta aplikazioari buruz sortzen diren gorabeherak.
5.6. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.
6.–Oposizioa nola eginen den.
6.1. Lehen ariketa, teoriko-praktikoa: Deialdiko III. eranskineko gai zerrendako gaiei buruzko 30 galdera idatziz erantzun beharko dira. Galdera bakoitzarentzat erantzun batzuk emanen dira aukeran, baina bat bakarra izanen da egokia. Okerrengatik puntuak kenduko dira. Lehen ariketa egiteko, izangaiek gehienez ere 60 minutu izanen dituzte.
6.2. Bigarren ariketa: kasu praktiko bat edo batzuk ebatzi beharko dira, edo proba praktiko bat egin, deialdiaren xede den lanposturako espezifikoa. Edonola ere, ariketa lanpostuaren zeregin, eginkizun eta nondik-norakoei buruzkoa izango da, eta hura prestatzeko III. eranskineko gai zerrenda hartuko da oinarritzat.
6.3. Epaimahaiak erabakitzen ahal du lehendabiziko eta bigarren ariketak saio bakarrean egitea, baldin eta bigarren ariketako kasu praktikoak idatziz erantzutekoak badira. Bi ariketak batera eginez gero, lehenbizi test motako zatia zuzenduko da eta, bigarrenik, test motako ariketa gainditu dutenei dagokien kasu praktikoen zatia. Ez dira pliketako kasu praktikoak zuzenduko ez bada test motako zatia gainditu.
6.4. Oposizioko ariketen balorazioan 100 puntu eman daitezke gehienez ere, honela banatuak:
Lehen ariketa: gehienez 30 puntu.
Bigarren ariketa: gehienez 70 puntu.
6.5. Oposizioko ariketak baztergarriak izanen dira. Bazterturik geldituko dira ariketa bakoitzean gutxienez gehieneko puntuazioaren erdia lortzen ez duten izangaiak.
6.6. Hautaketa-prozesua amaituta, epaimahaiak argitara emanen ditu izangaien zerrenda eta bakoitzak lortutako kalifikazioak, ariketa egin den tokian, eta Tuterako Udalaren iragarki-taulan eta web-orrian.
6.7. Deialdi bakarra eginen da probetarako, eta haietara izangaiek Nortasun Agiri Nazionala edo horren legezko baliokidea daramatela agertu beharko dute. Agertzen ez diren izangaiak bazterturik geldituko dira.
7.–Gainditzen dutenen zerrenda.
7.1. Ariketaren kalifikazioa burututa, epaimahaiak jendaurrean paratuko du, ariketa egin den tokian, eta Tuterako Udalaren iragarki-taulan eta web-orrian gainditu dutenen zerrenda, lortu duten puntuazioaren arabera ordenatuta.
7.2. Epaimahaiak organo eskudunari igorriko dio gainditu duten eta deialdiko lanpostuetan sartzen diren izangaien aldeko izendapen proposamena, deialdi honen 6. oinarrian ezarritakoari jarraikiz.
8.–Izendapena eta jabetza hartzea.
8.1. Aurreko oinarrian aipatzen den hautatze prozedura burutu ondoan, alkateak ebazpena emanen du oposizioaldia gainditzen duten izangaiak izendatzeko, eta zer mailatan sartzen diren zehaztuko du bertan. Izendapena Nafarroako Aldizkari Ofizialean argitaratuko da.
8.2. Izangai izendatuak, izendapena jakinarazi eta ondoko hilabeteko epean lanpostuaren jabetza hartu beharko du edo lan kontratuaren eranskina formalizatu. Norbait jabetzen ez bada, ezinbertzeko kasuetan izan ezik, maila berria lortzeko eskubide guztiak galduko ditu.
9.–Errekurtsoak.
Deialdi honen, bere oinarrien eta aplikatzeko egintzen aurka, honako errekurtso hauetako bat aurkez daiteke, hautara:
a) Berraztertzeko errekurtsoa, egintza gauzatu duen organo berari zuzendua, hilabeteko epean, erabakia jakinarazi edo argitaratu eta biharamunetik hasita.
b) Administrazioarekiko auzi-errekurtsoa, Administrazioarekiko Auzien Iruñeko Epaitegiari zuzendua, bi hilabeteko epean, errekurritutako egintza edo erabakia jakinarazi edo argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.
Kalifikazio epaimahaiaren egintzen aurka gora jotzeko errekurtsoa aurkez daiteke, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.
Oharra: deialdi honetan eta haren eranskinetan egiten diren aipamenetan, genero maskulinoaren forma erabiltzen denean, gizonezkoei eta emakumezkoei aplikatu behar zaizkiela ulertu behar da.
Tuteran, 2019ko urriaren 1ean.–Alkate udalburua, Alejandro Toquero.
II. ERANSKINA
Eskabide orria (PDFa).
III. ERANSKINA
Gai zerrenda
1.–Neurtzeko tresnak. Trazadura erremintak. Itsasgarriak. Planoak: definizioa, ezaugarriak eta motak.
2.–Igeltserotzako erremintak: Eraikuntzarako erremintak. Pikatzeko eta suntsitzeko erremintak. Kofratze-lanetan erabiltzeko erremintak. Burdinkiarekin lan egiteko erremintak. Garraiatzeko eta mugitzeko erremintak. Ebakitzeko eta zulatzeko erremintak. Igeltserotzarako beste erreminta eta makina batzuk. Igeltserotzarako erremintak behar bezala zaintzea.
3.–Igeltserotzako materialak: Harea. Legarra. Porlanak. Igeltsua. Eskaiola. Adreiluak. Hormigoia. Azulejuak. Harrizko materialak. Zura. Kortxoa. Betunak. Metalak. Pintura. Beira. Prefabrikatuak. Morteroak. Enkofratuak. Adreiluak jasotzeko lanak kontrolatzea.
4.–Sabai aizunak egiteko metodoak.
5.–Sabaien, euri urak biltzeko hodien, tximinien eta estolderia sareen mantentze-lan espezifikoak.
6.–Hormak eta trenkadak eraikitzea. Beharrezko elementuak eta egiteko metodoa.
7.–Estaldurak: emokadurak, zarpiatuak, entokatuak, luzituak eta iztukatzeak. Motak, beharrezko materialak eta gauzatzea.
8.–Zoladurak eta azuleju-estaldurak.
9.–Isolamendua, hezetasuna konpontzea, estaldura erregogorrak eta azulejuak eta baldosak aldatzea.
10.–Oinarrizko ezagutzak laneko segurtasunari eta lantokiko segurtasun neurriei buruz.
Eranskin honetan aipatutako legedia kontuan hartuko da ondotik izandako aldaketa guztiekin (foru legedi osoa eguneratua dago www.lexnavarra.navarra.es helbidean).
Iragarkiaren kodea: L1913064
