Iragarkia

212. ALDIZKARIA - 2019ko urriaren 25a

1. NAFARROAKO FORU KOMUNITATEA

1.7. BESTELAKOAK

227/2019 EBAZPENA, urriaren 4koa, Toki Administrazioaren eta Despopulazioaren zuzendari nagusiak emana, Longidako eta Urrotz-Hiriko udalerrietako muga jurisdikzionaleko marra onesten duena.

Toki Administrazioko zuzendari nagusiaren abenduaren 29ko 781/2017 Ebazpenaren bidez, Longidako eta Urrotz-Hiriko udalerrien arteko muga jurisdikzionaleko marra berreskuratzea eta hobekuntza geometrikoa egitea xedatu zen (31158-31243-00 kodea).

Toki Administrazioko zuzendari nagusiaren urriaren 26ko 869/2018 Ebazpenaren bidez, espedientea jendaurrean jartzea xedatu zen, lanen nondik norakoei buruzko informazioa edo ekarpenak eskuratzeko.

Longidako Udalak eta Urrotz-Hiriko Udalak 2019ko apirilaren 3an eta irailaren 2an, hurrenez hurren, egindako osoko bilkuretan onetsi zen horretarako izendatutako udal batzordeek izenpetutako akta bateratua; akta horren bidez UTM koordenatuekin zehazten dira bi udalerriak bereizten dituen muga jurisdikzionaleko marraren mugaketa puntu onartuak eta trazadura geometrikoa, dena Nafarroako Gobernuko Toki Antolamendurako Zerbitzuak 2019ko martxoaren 25ean emandako txostenaren zehaztapenekin bat. Txosten hori aktan jaso da eranskin gisa.

Era berean, 2019ko apirilaren 2an eta abuztuaren 28an, hurrenez hurren, Itzagaondoko eta Lizoain-Arriasgoitiko udalek akta hori onartu zuten, haien udal batzordeek sinatu ondoren, udal horiei dagozkien 3 dermioren mugaketa puntuak jasoz.

Ikusirik Toki Antolamendurako Zerbitzuak 2019ko irailaren 19an eta 2019ko irailaren 20an, hurrenez hurren, emandako txosten tekniko eta juridikoa, espedientean daudenak.

Kontuan hartuta Longidako eta Urrotz-Hiriko udalek zehaztutako mugako marraren definizioak udalerriak ez dituela aldatzen Nafarroako Toki Administrazioari buruzko 6/1990 Foru Legearen 13. artikulutik 20. artikulura bitartekoetan ezarritako definizio, baldintza eta prozedurei dagokienez.

Lurralde Kohesiorako Departamentuaren oinarrizko egitura ezartzen duen abuztuaren 14ko 87/2019 Foru Dekretuaren xedapen iragankor bakarrarekin eta Landa Garapeneko, Ingurumeneko eta Toki Administrazioko Departamentuaren egitura organikoa onesten duen irailaren 21eko 78/2016 Foru Dekretuarekin bat,

EBAZTEN DUT:

1. Longidako eta Urrotz-Hiriko udalerrietako muga jurisdikzionaleko marra onestea, Nafarroako Gobernuko Toki Antolamendurako Zerbitzuak 2019ko martxoaren 25ean emandako txostenean jasotako deskribapen geometrikoaren araberakoa. Txosten hori ebazpen honetan jaso da eranskin gisa.

2. Institutu Geografiko Nazionalari eskatzea mugako marra hori Kartografiaren Erregistro Zentralean inskribatzeko, Erreferentzia Nazionaleko Ekipamendu Geografikoan sartzeko, orain arte indarra izan duen erregistro orria eguneratu edo berrikusteko ondorioak izateko eta kasuan kasuko ziurtagiriak emateko.

3. Marra Kartografiaren Erregistro Zentralean inskribatzea lortu ondoren, Toki Antolamendurako Zerbitzuak aipatutako udalei igortzea erregistro orriaren kopia bana.

4. Ebazpen hau eta behar den dokumentazioa Lur-ondasunen Zerbitzura igortzea katastroetan behar diren lanak egin ditzan.

5. Ebazpen hau eta behar den dokumentazioa Lurraldeko Informazio Sistemen Atalera igortzea haren berri izan dezaten eta SITNAn ondorioak izan ditzan.

6. Ebazpen hau NAOn argitaratzea eta Itzagaondoko, Lizoain-Arriasgoitiko, Longidako eta Urrotz-Hiriko udaletara igortzea, bai eta Institutu Geografiko Nazionaleko Eskualdeko Zerbitzura ere.

Iruñean, 2019ko urriaren 4an.–Toki Administrazioaren eta Despopulazioaren zuzendari nagusia, Jesús M.ª Rodríguez Gómez.

ERANSKINA

Longidako eta Urrotz-Hiriko udalerrietako muga jurisdikzionaleko marraren deskribapen geometrikoa
(31158-31243-00 kodea)

Iragarkiaren kodea: F1912918