1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK. Epatze deia Hezkuntza Departamentuko Giza Baliabideen Zerbitzuko zuzendariaren irailaren 3ko 3049/2019 Ebazpenaren aurka jarritako gora jotzeko errekurtsoetan interesdun direnei.
Iragarki honen bidez aditzera ematen da gora jotzeko zenbait errekurtso jarri direla irailaren 3ko 3049/2019 Ebazpenaren aurka, zeinaren bidez onetsi baitziren Musikako eta Arte Eszenikoetako katedradunen kidegoko lanpostuetan aldi baterako kontratazioak egiteko izangaien behin betiko zerrendak, honako hautapen prozedura honetan deitutako espezialitateetarako: Musikako eta Arte Eszenikoetako katedradunen kidegoan sartzeko hautapen prozedura, Giza Baliabideen Zerbitzuko zuzendariaren urtarrilaren 22ko 261/2019 Ebazpenaren bidez onetsia. Honako hauek aurkeztu dituzte errekurtsoak: Mikel Donazar Moriones jaunak eta Miguel Catala Veses jaunak, klarineteko espezialitatean; Rosa San Martín Valdor andreak, biolako espezialitatean; María Pilar Fontalba Jimeno andreak, oboeko espezialitatean; Rebeca Madurga Continente andreak, musikologiako espezialitatean; Jose María Lafuente Bona jaunak, konposizioko espezialitatean eta inprobisazioko eta akonpainamenduko espezialitatean; Ramón García Lara jaunak, inprobisazioko eta akonpainamenduko espezialitatean; Javier Pelegrin Lambea jaunak, perkusioko espezialitatean; Ana García Caraballos andreak, ganbera musikako espezialitatean eta saxofoiko espezialitatean, eta Amaya Elea Oses Ruiz andreak, pianoko espezialitatean.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluetan xedatutakoari jarraikiz, interesa dutenei jakinarazten zaie aipatu errekurtsoak jarri direla, alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean, Hezkuntza Departamentuaren Erregistroan aurkeztuz (Iruñeko San Domingo kalea 8) edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean. Aldez aurretik hitzordua eskatu behar da 848466503 zenbakira deituta.
Iruñean, 2019ko urriaren 15ean.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F1913202
