1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK. Epatze deia honako bi ebazpen hauen aurka jarritako gora jotzeko errekurtsoetan interesdun direnei: Hezkuntza Departamentuko Giza Baliabideen Zerbitzuko zuzendariaren maiatzaren 17ko 1575/2019 Ebazpena eta Hezkuntza Departamentuko Giza Baliabideen Zerbitzuko zuzendariaren ekainaren 12ko 2073/2019 Ebazpena.
Iragarki honen bidez aditzera ematen da, batetik, Patricio Gutiérrez Pérez jaunak gora jotzeko errekurtsoa jarri duela Hezkuntza Departamentuko Giza Baliabideen Zerbitzuko zuzendariaren maiatzaren 17ko 1575/2019 Ebazpenaren aurka, eta, bestetik, Patricio Gutiérrez Pérez jaunak, Sara Escuer Salcedo andreak eta Amaya Zabalza Diez andreak gora jotzeko errekurtsoa jarri dutela Hezkuntza Departamentuko Giza Baliabideen Zerbitzuko zuzendariaren ekainaren 12ko 2073/2019 Ebazpenaren aurka. Aipatu 1575/2019 Ebazpenaren bidez, Hezkuntza Departamentuaren zerbitzuko Musikako eta Arte Eszenikoetako katedradunen kidegoan sartzeko hautapen prozedurarako izendaturiko epaimahaien behin betiko osaera onetsi zen, eta 2073/2019 Ebazpenaren bidez, berriz, hautapen prozedura bererako izendaturiko epaimahaien osaera aldatu zen. Hautapen prozedura hori Giza Baliabideen Zerbitzuko zuzendariaren urtarrilaren 22ko 261/2019 Ebazpenaren bidez onetsi zen.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluetan xedatutakoari jarraikiz, interesa dutenei jakinarazten zaie aipatu errekurtsoak jarri direla, alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean, Hezkuntza Departamentuaren Erregistroan aurkeztuz (Iruñeko San Domingo kalea 8) edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean. Aldez aurretik hitzordua eskatu behar da 848466503 zenbakira deituta.
Iruñean, 2019ko urriaren 15ean.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F1913201
